有信眾報料話新高登 1 樓有張賣 HK$2,980 嘅 GALAX RTX 2070 Super 卡出現，貧僧即刻八卦點知真有其事，立即買走張番來睇，老闆唔畀單、即場試、仲要無保，問佢就話係水貨喎，大佬你呢口價我連 2060 Super 都未番到貨呀。

小僧翻到鋪頭，見到少量 GALAX HOF OC Lab RGB 記憶體到貨，白色散熱器、大大個 HOF 皇冠、ARGB 燈效，更重要係 DDR4-4000 CL19 16GB Kit 只係賣 HK$899， 同其他 3600 同價係咩玩法，一定係幻覺、嚇我唔到嘅 ?

「武漢肺炎」搞到人心惶惶，就算假期都甚少出外減低受感染的機會，多咗時間留喺屋企打機嘅你有無覺得部機效能爭少少? 係咪好有衝動想 Upgrade 換張新卡呢?! 代理商 Felton 就貼心推出了【GALAX 3 月在家優惠!🏠】，現凡於活動期間指定購買型號的 GALAX Work The Frames 系列繪圖卡，再到換領頁面填妥資料，即送你價值 HK$599 的 GALAX XANOVA OCALA 立體聲電競耳機，買繪圖卡送耳機真係啱哂一眾 Gaming 玩家，贈品數量有限，送完即止，千祈唔好錯過呀！

今次真係 WTF 啦 !? GALAX 推出全新「GeForce RTX 2070 Super Work The Frames」新卡，採用 2.7 Slot 三風扇散熱器、全新 WINGS 折面葉片風扇，散熱效果更上一層樓，更加入閃耀奪目的信仰燈效，提供 4 區域光效控制及 23 種 ARGB 燈光特效，加上銀河主題設計的鋁金屬背板，GALAX WTF 真係有料到喎。

慶祝博愛醫院成立一百周年，博愛醫院特意舉辦全港首個大型慈善電競比賽「影馳．博愛一百周年香港電競盃」，並邀得影馳科技有限公司作冠名贊助。「影馳．博愛一百周年香港電競盃」在過去半年籌備了一連串的活動，壓軸亦是今次電競盃最重要的當然是在 1 月 18 日假 ViuTV 一廠現場直播的《影馳．博愛一百周年香港電競盃呈獻 : 電競巨 Sing Show》，今次的慈善電競音樂會雲集多位著名歌手及藝人、嘉賓傾力演出，為興建屯門藍地長者護理及護養安老院舍籌募善款。

《影馳．博愛一百周年香港電競盃呈獻 : 電競巨 Sing Show》分為真人騷及現場直播的慈善電競音樂會兩個部分，第一部份夥拍 ViuTV 製作了《全民來電》電視節目，並已在 1 月 13 至 17 日一連 5 晚在 ViuTV99 台播映，《全民來電》真人騷由人氣組合 ERROR 成員（肥仔、Dee、193 及保錡）聯同新鮮出爐的《全民造星II》冠軍吳啟洋（Phoebus）、季軍李祉均（Oscar Li）、歐鎮灝（George）及范卓言（JJ）組成電競隊，精彩對決及互相較量，向公眾展示電競運動的樂趣，幫助青少年建立正確的遊戲參與態度。

緊接《全民來電》真人騷的第二部份就是《影馳．博愛一百周年香港電競盃呈獻 : 電競巨 Sing Show》，亦已有剛過去的 1 月 18 日星期六晚圓滿舉行，當晚活動陣容相當鼎盛，由駱振偉（Thor）及陳俞希 （Hailey）攜手擔任大會司儀，並邀得多位著名歌手及藝人參與支持，包括：人氣男子組合 MIRROR、ERROR 及 Dear Jane；歌手陳潔靈、李幸倪（Gin Lee）、江海迦（AGA）、馮允謙、許廷鏗及梁釗峰；《全民造星II》的參賽者包括：冠軍吳啟洋（Phoebus）、季軍李祉均（Oscar Li）、參賽者歐鎮灝（George）及范卓言（JJ）、李國煒（Benson）、崔可迪（阿Lu）、梁瑞峰（June）、洪助昇 （Aiden）、梁兆豐（肥豐）、劉瑞祈（K Lau）、陳樂（Justin）、麥兆恆（John Mak）及梁文賢（Godric），以及女子電競隊組合 Pandacute，最重要當然不少得影馳及博愛醫院的董事及一眾主禮嘉賓的出席與參與。