請推薦一張360防偷窺mon貼

李璨琛

第一張, 普通高清貼, 跌爆左邊, 換第二張
第二張, 係街叫人貼, 50蚊, 質素算好, 係左右防窺, 直視冇問題, 只係比普通mon貼暗小小
第三張, 質素好差, 唔怕開埋名, 係閃魔, tao佬買, 兩片裝, 平均37港幣一張, 第一次用360, 變色, 起格仔, 完全唔用得, 以我所知防偷窺係會小小變暗, 相比第二張, 第二張叫好好, 起碼變色起格都唔存在, 閃魔CS仲話哩D係新技術, 係咁架(算佢講得通啦, 因為加左底頂防窺), 佢仲要爆評論, 好多人都話好好好好, 我頂....咁都叫好??!!我上網搵左小小資料, 360係可以有唔變色, 唔起格, 但可能依然有小小暗, 行內已可以稱其為高清, 因有磨沙之分, 但我又唔打機, 所以揀普通就可以, 但市面品牌都幾多, 想問有冇人用緊360防窺, 又直視無阻礙咁既呢? as topic thx^^

李璨琛

第一張, 普通高清貼, 跌爆左邊, 換第二張
第二張, 係街叫人貼, 50蚊, 質素算好, 係左右防窺, 直視冇問題,  ...
李璨琛 發表於 2022-2-1 23:30

我想襯哩個帖未因時限關閉之前更新下

事源我已經換左第二張360度防窺貼

比最初既貼貴左6/70蚊港幣（淘寶）

質素係好左啲，但未算合格，因為網格仲係度，明顯既

但慶幸既彩虹光，橫珊線冇左，因為哩個問題比前者大

至於用得防窺畫面比較暗少少係預左，因為本人使用習慣係唔會比個mon太光，對眼舒服啲，夜晚用同樣都會有開夜間模式

我而家哩張360我唔推薦比人用，雖然清晰度幾好，但存在百葉窗網格我認為都係唔好

有seller話哩種網格係生產時把握唔夠嚴格，對唔齊所致

換句對得齊就可以同一般180（只有左右防窺）既使用效果一樣？

有冇使用360防窺既網友可以交流下心得，我黎緊如果頂唔順，我諗我會換一張美國品牌，價錢高一啲，去體驗一下，不竟而家用360防窺既人少之又少，無法知道太多

dearkaki

真係睇你用咩機，iphone 嗰啲就好多選擇，android 就難搵啱心水

前排想買tb用開嗰間，點知唔再賣，試新舖頭，嚴重橫珊線，完全用唔到
最煩係 ＊＊＊ 既曲面mon，再買，貼紙只得外圍一圈、中空，令touch 反應勁差

李璨琛

delete^^"

抱歉, 做左一D不該發生既操作, 以及大意刪左哩篇文...再次編輯一次

李璨琛

原本以為被騙了, 原來自己發生低級錯誤...怪錯某品牌...^^" 需要再編輯帖子

已經換左第三張美國品牌既360貼, 價錢係三百HKD左右浮動, 牌子就唔大幅宣傳了, Z字頭

就咁講, 冇大驚喜, 因為視感質素差唔多, 仍有網格, 可能暫時技術已經到頂, 可以講, 一百元的淘寶, 可以比得上這美國牌

這美牌, 用一貫非全屏, 及留空留海位置, 對應face id較有善, 及觸面貌似更靈敏, 指紋等都有效防護, 冇特別

純粹等有意用360防窺既朋友睇到此帖, 可避免一些無謂的消費, 淘寶貼膜, 太平, 多數小心買

我可能會隨時再更新此帖, 用過360反唔到轉頭, 有緣會再分享。

xpking

師兄試咗咁多淘寶邊隻最好用?
指紋解鎖係唔係用唔到?

李璨琛

師兄試咗咁多淘寶邊隻最好用?
指紋解鎖係唔係用唔到?
xpking 發表於 2022-2-20 00:46

至於指紋解鎖的話我答你唔到，但我睇過外國文章有提及佢地既牌子唔影響，實際要多多問清楚淘寶客服至得。

xpking

至於指紋解鎖的話我答你唔到，但我睇過外國文章有提及佢地既牌子唔影響，實際要多多問清楚淘寶客服至得。 ...
李璨琛 發表於 2022-2-20 14:38

淘寶邊隻ok? 可否pm講下咩牌?
雖然我都會試買下...

李璨琛

淘寶邊隻ok? 可否pm講下咩牌?
雖然我都會試買下...
xpking 發表於 2022-2-20 16:53

已經私信比你，係100蚊比得上美國牌300蚊果間店，我而家搵到另外一店，佢圖片聲稱技術再升級，客服話無網格，我仲問緊佢講多啲，心思思博唔博多次，平均一片再貴多50元rmb 左右。

李璨琛

再一次更新，終於搵到一張最接近180度正視感，而配搭到360度四面防窺技術既360防窺mon貼，夠膽講如果連美國牌都做唔到既野就只得淘佬上面買到，貴，實在有啲貴，與美牌相差無幾，但有幾方面仲要好過美牌，一係透光度，二係無網格感既清晰度，我更新只係想證明市面係有哩種360貼存在，唔係賣廣告的，告訴完畢。