請教下部冷氣機唔知咩問題

威化餅

房部3/4匹窗口機早幾日拉左落黎洗 (過往只係洗凍蓋, 今次就用蓋水洗熱蓋, 應該都算洗乾淨, 第一輪過水, 水好黑, 之後再噴第二次蓋水, 過第二輪水, 水已經清好多就無洗第三輪)

但係洗完裝返, 運作就有 d 唔正常, 佢夜晚開(室外溫度比日間低)時, 壓縮機可以正常長行(我溫度掣校最凍), 但係日間開(房仲西斜), 壓縮機就會行一陣停一陣(20min : 10min)(一樣係溫度掣校最凍), 以前係室外溫度低先會停車頭 ...

想問會係出左咩問題 ... ?!

raylee

出風改平或上吹, 免冷氣短回路

威化餅

出風改平或上吹, 免冷氣短回路
raylee 發表於 2020-8-15 19:45

謝師兄建議, 我直頭試埋拆晒d百葉同風撥, 可惜無影響

威化餅

情況更新:

觀察同試左幾日, 發覺原來唔關日頭定夜晚開機事, 問題出在開得耐佢就會車頭行下停下, 初初開機果幾個鍾(無認真計時)係可以無間斷製冷, 十頭八個鐘之後就會出現車頭行下停下(未有時間試停機幾耐後再開會正常返) ...

請問壓縮機是否有有過熱保護機制 ? 有咩情況會導致壓縮機過熱 ? 壓縮機內潤滑油流失會發生嗎 ? 窗口機漏雪種會出現上述情況嗎(但係現在初初開機果幾個鐘係好凍, 同以往一樣咁凍) ?

raylee

情況更新:

觀察同試左幾日, 發覺原來唔關日頭定夜晚開機事, 問題出在開得耐佢就會車頭行下停下, 初初開機 ...
威化餅 發表於 2020-8-19 23:22

您部窗口机漏雪種？我建議您打電話總代理問下

Leeahye2

溫度掣校最凍即係想長開壓縮機?
有機會壓縮機長時間運作過熱cut機

brian111

咩牌子??

p805061010

窗口機熱coil用水沖下已經夠啦, 除非爛咗

威化餅

部小涼伴應該過左保養期, 校最凍係想長開壓縮機, 因為壓縮機停, 室內好快就感到焗, 加上忽冷忽熱訓覺尤其唔舒服, 所以近年夜晚訓覺都係校最凍冚厚被, 如果壓縮機一停, 好快會焗到出汗, 以往都係咁用

同意師兄講夠凍緊會停壓縮機, 但係夏天溫度三十幾度非常熱, 3/4匹機邊有咁易運作到最凍而停車頭, 另外, test mode 好似會搞到凍蓋結晒冰 ?!

我都懷疑係長時間運作過熱cut機, 但以往一直係咁運作, 係今夏多左時間o係屋企, 開多左冷氣, 唔通部機咁快玩完 ? 我想知係咪 overheating sensor 壞左 ? 具體位置係o係邊 ? 壓縮機內定壓縮機外 ?