[操作疑難] 雪櫃唔凍

stephen

三個月前, 阿媽部用了十幾年的日本製 panasonic 雪櫃唔凍, 係我味睇完這裡ching 教路, 就走去樓下電器舖上來,  搵把風筒吹下就收了$600 ,昨日又唔凍, 今次教阿媽停雪櫃電一天, 跟住凍番但都係差d, 打俾信興, cf話無零件了, 各ching 有無得搞? model no. NR-C36F1H.

longli

先檢查制冷管(通常在冰格後面或下面), 如果是積滿雪的話, 多數是除霜定時器或除霜發熱線損壞, 無原廠零件可上淘X找代用

blueuma

要自已整就要拆開冰格的分隔板，睇下個coil溶雪後的情況。要度下除霜發熱線同測溫頭是否斷路，斷就換左佢。無斷就其他問題。

logoff

三個月前, 阿媽部用了十幾年的日本製 panasonic 雪櫃唔凍, 係我味睇完這裡ching 教路, 就走去樓下電器舖上 ...
stephen 發表於 2012-4-17 16:07

唉..........
又係啲良萎不齊既街坊電器佬。

血統倫

我自己整就間兩日去風筒吹。但長遠，舊雪櫃係好食電..吹完又要再凍過..電費都唔少..我部都10幾年...復活節期間已買部新的。希望電費冇咁多!

stephen

回復 4# logoff
老人家好固執, 上次明明叫佢換抽油煙機時, 要金雅典, 最後佢聽電器佬話,仲要俾多幾百買咗部雜牌.去講數,條友好似黑社會咁回應. 領匯都唔知點解租俾呢d人

longli

九十後的雪櫃, 設計大都相同, 除霜定時器的壽命的十年.  而家買個新, 保用五年, 其它嘢唔壞, 十年就唔凍, 原廠零件都多數停產, 代理商又唔賣代用零件.  其實想你換新機.  所以新雪櫃預玩五年, 多過五年就算有賺.

rayzone20

用風筒吹下就收$600,真好揾...

uts

呢啲就係不付責任既所謂修理佬,明知積雪係有問題,唔對下箹反而呃人600出門口過海神仙