淘寶買U自己upgrade notebook cpu 實錄

soccerism

2006年買落既 Dell Inspiron 640M 原本用 T2050 1.6GHz FSB 533MHz 1G RAM, 用用下真係唔夠, 尤其響大大食既facebook game PetSociety 入面, 一格一格咁推進, 火都黎埋........



把心一橫, 試下上淘寶網買粒cpu 黎自己upgrade, 心諗唔係好難,
1. 上番dell 官網搵下部nb 仲可唔可以升級, 原來最盡可以去到T7400 (詳細spec 要響美國dell 先找到),  再google 一下有冇成功個案, 都ok, 但一定要upgrade bios 去 A10, 好! 即做!

2. 淘寶開account, 點知原來過數都好麻煩, 如果用visa 直接碌會過左數先等貨到, 諗起都危險. 唯有聽呢到d師兄建議去淘一站(http://www.tao1shop.com)代訂, 噢! 用英文版yahoo! mail send 左email 去, 回覆一堆亂碼, 打電話問個明白, 佢地話唔會代訂電腦科技產品, 但可以代為幫支付寶增值, 人民幣匯價 1.17 兼加hk$10手續費, 幾喇利呀!

3. 搵到arm心水既T7200 mFPGA (原廠針腳版), 盛惠RMB$580, 埋單要過戶(580 x 1.17 + 10 = 688.6)俾淘一站, 點都平過香港, 況且香港根本冇得散賣. 點知, 賣方忽然話要俾粒有紅油跡既我 (俾人追債?), 跟住又話冇貨, 有冇攪錯?? 灰哂!!  

4. 唯有再搵, 跟住搵到個平少少既, 又話冇貨, 開始心灰, 跟住搵到個平好多既, 不過係自行加腳, 加送"酷睿"貼紙及散熱脂, 又聽呢到d師兄話送貨揀順豐快速得黎又平又穩陣, RMB$499+RMB$30運費. 好野, 星期四凌晨confirm order, 星期六下午送到!


外表冇DHL/Fedex 咁靚仔, 唔打緊, 內涵重要d


嘩! 一堆報紙??? 被騙了??


有野既! 放心! 有散熱膏, 粒u 和一張"酷睿"貼紙


粒u 正面, product code SL9SL, 是 tray 裝 BGA 版, 即肯定原本是無腳的. 有腳t7200 應該是SL9SK


反轉黎睇, d 腳真係焊得好靚喎, 唔講真係以為本身就係咁


屋企有張堅既Core2Duo 貼紙, 一比較......噢, 右面送果張點敢貼出黎呀, 哈哈哈!!


好喇! 各就各位, 埋位! 燈光, camera man, 道具............ready!!


安全至上, 先拆電


爭d唔記得講, 拆之前最好先閱讀dell 官方維修手冊, 唔係扭錯螺絲會好大鑊.
打開cpu 面蓋, 見到簡單的散熱片, T2050 根本全速都係四十零度, 用料預左係咁上下.


扭埋四粒螺絲, T2050 曝光!


再zoom 近少少, 要見就見埋呢幾眼勒


比較兩粒u, 左為T2050, 右為T7200, 晶片大小明顯不同


比較厚度, t7200 厚左少少, 可能是人工加腳關係, 有少少擔心粒u 會頂蓋...


再比較埋肚腩, t7200 電晶體數目贏!


安裝cpu, 十分順利, 對位冇問題, 唧番d 膏膏


扭埋個蓋, ok 喎, 一o的都冇頂. 開機! 入bios, cpu 行 2.0GHz


睇埋ram 速度, 改行 667MHz, 入windows 順利!!!


再次試行 windows performance index, 由4.5 變 4.9.....下, 增長咁少????
再試下其他軟件, 當然要試下人氣petsociety, 咦!! 唔係喎, 順哂!!!!


溫度方面就高左好多, 乜都冇做 default 都成 50度, 全一陣仲會上到keep住70度, 始終套散熱原本只係應付t2050

其他測試:
T2050
PCMARK CPU score: 3604,  Memory score: 2529
T7200
PCMARK CPU score: 4990, Memory score: 3922

用BlazeDTV HD 4.0 高清tvb 都有間唔中窒, cpu 50-60%到, 可能係display 只是945GM, 冇計了!

總括黎講升級左cpu再加多1 G RAM (total 2G)後, Vista HomePremium 都好暢順, 比起之前t2050 @2G RAM 有大幅進步, 雖然好似比坊間d t7200 好似少少走樣, 初初有少少懷疑cpu係咪流架, 不過都唔再side 時間諗, 宜家用得滿意就算了!

Jimmy0911

WA...你個故事都幾嚇人

la_shing

Thx for sharing

阿華田

係taobao買呢d野都係驚驚地

ahrock

Ching,
可否 pm 我 果個鋪頭的名稱?

阿華田

CHING可唔可以pm埋個舖名我睇下?

[ 本帖最後由 阿華田 於 2009-3-8 14:26 編輯 ]

TKW

原帖由 manmandog98 於 2009-3-8 14:21 發表
cpu.................d 腳


強 ！！

確實令人佩服

onwest

故事很詳細。
不過我還是不敢在淘寶網買野。