回覆 waifile
waifile兄，我覺得你身處的行業，比你個PE 教學還要精彩。要學你的成功之道，幾乎無可能。我有個好奇問題，點解廠家唔直接供貨比收藏家? 或者收藏家唔直接搵廠家？ (我印象中香港好多貿易公司，因為呢種模式退出市場)。 如果唔方便講，可以PM, 或者當我無問
bongbong3481 發表於 2019-2-4 20:04 
果D唔係人工生產既品, 唔係廠家. 而係金礦主, 由於果D唔係日常可見可知既野, 根本就冇乜人知金礦石, 收藏家又唔識金礦主同又唔會想過去找金礦主, 一個金礦主又去邊度度搵全球D收藏家? 如果礦主開果網站, 三五千至二十万一粒, 咁大匹錢你估有幾多個人敢網上買? 太大匹錢比錢方面都有問題嫁.
另外, 美國政府到對金礦主既挖礦速度, 同出售方式, 和賣比邊個人邊D人, 同賣比邊個人既總金額都有限制.
金礦石係好容易幫人洗黑錢同逃稅, 因為挖到幾多金係冇記錄, 亦即來源冇記錄, 然後D黑社會或賣毒品軍火既, 用比市值高既價錢同我買D金, 即時燒溶左佢就可以羅去金鋪或收購處以市值賣, 就即刻有晒金鋪既發票洗白晒. 美國政府主要係防止過度開採令土地流失同影響市場管制, 亦要絕對防止洗黑錢.
我做左代理, 都要被政府強制去上指定既法律課程, 同考金礦市場代理人牌照. 某個買家買到一定既金額, 我係要向政府即時申報, 所以如果唔識寫程式去同政府聯網自動搞掂乜都唔洗做, 係會好多野搞煩死人嫁.
我自己係一向中意玩收藏寶石既原石好多年, 後來係寶石礦物交易會度, 先知道有呢D金礦原石, 所以就玩埋金礦原石, 我只收藏極品, 玩下玩下網上意外認識左個金礦主, 我就向佢買極品, 佢凡發現有極品就會留比我, 我從來唔講價, 你話幾多就比幾多, 我地傾得埋, 佢話佢只想專心挖金, 同理用架大型汽車屋去叢林打猎打野豬同鹿, 錢對佢己經唔重要, 佢唔想自己sale, 自己sale要處理好多野又要影相好麻煩, 居然問我有冇興趣幫佢sale, 我地兩個最合拍就係對錢冇乜興趣, 但我係冇興趣經銷, 要做就只做全球全權總代理當成娛樂, 如果比我做總代理, 我保証我會令你至少賺多20%, 我會以獨特既方式sale, 至於我賣幾多同我賺幾多, 包括我有時長期都懶得賣, 你唔可以過問, 而且我只係以個人身份, 或我個人再新開一間公司來同你做, 不涉及我其它的公司, 亦不用我其它的公司來做擔保或信用保証, 反正我係以平均每一年總計會令你至少賺多20%為準, 你可以比我15日去準備, 然後試每三個月為準, 一年之後再傾為期20年的合約.
然後我就收到一包50万既金, 我係唔洗比錢買, 賣完先至比錢佢, 三個月比一次錢, 但我25日內就賣晒啦, 我就係咁開始做下做下, 一直都唔洗比錢買, 三個月就比一次錢, 都簽左合約做左4年啦, 現時令佢賺多40%.
我sale既方式係先用15日去設計好軟件程式同分析步驟; 由於我本就有做台灣同加拿大既素食總代理同網售, 有好多個人既長期客, 而且我係PETA既成員, 我一向都定期長期捐款比美國既大型組織PETA (People for the Ethical Treatment of Animals, 善待动物组织), 我係凡係PETA既會員向我網購素食同參加成為我公司會員(免費), 我都捐出5%比PETA, 所以我手上有二万幾個PETA會員參加成為我公司既素食會員, 再加上我素食公司同本來既會員, 我用軟件程式分析呢D會員資料, 去評估每一個會員既銷費能力, 再根據軟件程式評估出會員既銷費能力, 郵寄送出一份金礦原石既資料同埋一粒細既金礦原石禮物, 邀請佢地成為我金礦原石既會員, 送既果位金礦原石, 係價值$5.00至$100.00, 根據評估出既會員銷費能力去送, 銷費能力高既就送貴D, 就當成比$100,000蚊賣個一次性既廣告, 然後就持續收到好多金礦原石既會員啦.
以前我亦有整一個專門賣金礦石既網站, 但係試左三個月咁上下我就關左佢啦, 因為好多野搞煩死人之餘又幾日都冇一個細order, 每日上千封詢問信, 絕大部份都係一D個人問批發同代理, (想係eBay賣做D小生意), 基本都係講價同話會同我長期買好多, 每個月會買$1,000至5,000咁上下, 有時我真係唔好意思唔知點答佢地好, (就好似有人問中東油國油田公司, 話要批發價每個月會買好多, 大慨每個月會買一卡車既石油, 油田公司會暈左), 我既批發係mini order $500,000, 所以我關左網站干脆唔再批發比美國本地. |
簡體版
訂閱頻道
訂閱電子報
發表於 2019-2-5 02:32
| 
