ronald

1月10日 (晴, 雨)

過咗飯鐘在緯壹找個商場Food Court hea咗一陣, 就決定早D去牛車水, 早D食完飯回酒店, 有個電視節目想睇.
出咗站行咗陣唐城坊和裕華, 就去今日重點珍珠百貨商場, 去食FLOW食過的麻辣香鍋.

呢間日日紅原來有幾個舖, 咁當然要食番FLOW食過的1152號舖.
黃芽白, 豆皮, 牛肉, 肥腸, 白飯, 小辣, 少油, 少味精, S$8.5
係牛肉比較柴, 可能下次食豬雞會較好.
吹住風扇都食到出哂汗, 又唔似FLOW咁有得啤.

食完就坐巴士回酒店, 在車睇Fare Calculator其實有少少後悔, 因為呢程巴士兜少少路, 比地鐵轉巴士貴.
不過巴士去到Henderson Road時就落狗屎, 好彩架巴士係直達酒店門口, 唔似轉乘巴士要在對面落車過馬路變落湯雞.

ronald

終於來到此行最大篇幅, 有排寫

2024年1月11日 (晴)

因為之前有live遇過不好的體驗, 所以今日唔帶相機出門, 而且盡量輕便, 出了門就真係睇完live才回酒店.
佢個規矩係"嚴禁使用專業器材錄影和拍照", 但是乜嘢叫專業器材, 去到最後才知係指傻瓜機和單反等. 咁就準備尿袋在聖淘沙叉定手機等入場就冇錯.

因為好天, 其實冇必要用交通公具, 所以從酒店行去港灣站.
始終要知道巴士坐兩個站, 咁行路要幾耐.
見到來往花柏山和聖淘沙的吊車, 貴又唔啱路所以不會選擇.


在港灣巴士交匯處會見到聲音路小販中心, 兜個圈睇到啱食就食. 本來想食沙嗲, 但都係叫番釀豆腐.




對面馬路係一群商廈和Shopping Mall, 主力就行HarbourFront Centre和VivoCity. 剩係呢兩個商場夠你行一日, 似海港城加中港城.
HarbourFront Centre就好似中港碼頭加海運碼頭, 有渡輪和郵輪服務. 舖頭中規中矩, 較吸引的都係ドンキ, 繼新達城和烏節路, 我行的第三間唐吉訶德.

ronald

1月11日

行過去VivoCity, 真係好大. 上去Sentosa Express樓層, 見到杜莎夫人蠟像館的"死硬"Bruce Willis蠟像.



店鋪都係一樣大眾化, 唔多貴到買唔起的名店.
地下有irvins的快閃店, 伊織萌喜歡這個 (?
呢排有Mario crossover, 而且價錢一樣, 唔似上次gudetama貴普通版少少.

ronald

1月11日

在地面行出去, 就會見到步道可以行去聖淘沙, 不過太熱唔想行.
唔想行就可以選擇Sentosa Express (S$4)或私營巴士RWS8 (S$1).
只要入咗島, 島內吊車以外的交通都係免費, 即係全程RWS8入, 睇完演唱會RWS8走, 夾埋都係畀S$1




繼續行商場, 都行唔哂, 百貨公司和超級市場都冇行. 然後見到這個, 咁我知道嗰個識飛天嘅應該走佬過咗嚟呢度?



差不多入聖淘沙了, 搭RWS8落車跟住Reels提及的路線行去Ballroom睇物販.

ronald

1月11日

唔係, 到咗RWS就上去地面睇睇舖頭和其他主題樂園入口. 重點係馬來西亞美食街須知:
1. 知道你哋會屈蛇, 所以講到明唔準瞓覺.
2. 食完嘢把個tray回收本身係公德問題, 但是新加坡已經立法強制食客回收, 會有人放蛇開傳票.
如果香港引入就好了, 我要睇到血流成河.

ronald

1月11日

可以跟住Reels嚟行了. 賭場原來要交稅才可入內, 應該for國民.
Ballroom門口的人係CAT 1以外的觀眾等一般發售.

ronald

1月11日

如果CAT 1係一件T恤, 我坐左邊胳肋底.


fans應援



Key Visual 打卡位, 有security維持秩序, 可以影到咁吉.


行行吓都能夠撞到老闆, 陳生乜又係你呀?
嗰種興奮程度不下於買到CAT 1.

ronald

1月11日

興奮過後都要出番去食嘢, 行出去岸邊順住條路就搵到聖淘沙步行入口, 要睇Google地圖check吓在VivoCity行過去要幾耐, 行唔行得來.



在Universal Studio門口影入去


出面美食車D嘢閒閒地都10蚊以上, 連馬來西亞美食街都唔平, 甜品5蚊, 沙嗲10串連飯粽要15蚊.
甜品以外我只係食得起海南雞飯, 但真係我食過最貴的海南雞飯, 8蚊.

ronald

1月11日

食完飯就回去Ballroom, 所有觀客都能入去真係非常擠迫, 要從龍頭順住搵龍尾.
鏡頭左邊排中間入口入場, 右面物販, 毛巾好賣到賣哂要訂.


排打卡位


打卡隊並排係排CAT 1特典


我在西邊入口入場

ronald

1月11日

場外就播YOASOBI的歌, 裏面反而就播RWS的設施片段


兩邊電視



播完片開始前就改放LOGO