電競耳機一問

Rank: 3 Rank: 3 Rank: 3

51^# 跳轉到 »

發表於 2018-2-2 11:21 | 只看該作者

小弟所封印既，就係 razer tiamat 7.1 (第一代)
唔知第二代有乜唔同；但目前用梗 CREATIVE ZXR，加 AUDIO ...
botsang 發表於 2017-10-11 04:02

請問razer tiamat 7.1是否要配搭外置sound card 才會出靚聲，用onboard audio processor，即使是ALC1220的GAMING 高級底板都是較差。razer tiamat 7.1 若是要配搭外置SOUND CARD, 那麼ROG Centurion會否比他更優勝。razer tiamat 7.1若加 USB sound card (Creative 的有甚麼推介)，會否更好？
本人打想砌新PC及真7.1 SURROUND Headset，用途打機/睇下載了的電影，以看電影為主，headset 預算約$2千，上述兩個真7.1 Surround headset哪個7.1效果/音量比較優勝？
謝謝

TOP

botsang

進階會員

Rank: 3 Rank: 3 Rank: 3

52^#

發表於 2018-2-2 12:56 | 只看該作者

請問razer tiamat 7.1是否要配搭外置sound card 才會出靚聲，用onboard audio processor，即使是ALC1220的G ...
jc0604535 發表於 2018-2-2 11:21

以下純為小弟既個人使用經驗及見解，for 師兄斟酌參考；有錯請勿打頭

小弟認為Tiamat 7.1 根本就並不其備出靚聲既條件；你俾乜 sound card 都係一樣
先撇開「音質」因素不談（因為呢樣野太視乎個人口味），喺「7.1 定位」方面，佢根本就俾唔到合格水平出嚟

真 7.1 耳機 vs 真 7.1 喇叭 vs 虛擬 7.1 耳機，本身有根本性既分別
（以下係一個例子）假設電影中，你左手面有人講野........

用真 7.1 喇叭的話，你既左右兩隻耳仔都會聽到來自左方喇叭既聲音，然後你既大腦會依據兩耳所聽聲音既分別（包括音量、時間延遲、周遭聲音反射等等），判斷出聲音來自左方乜野位置（包括遠近、高低、前後）
用真 7.1 耳機的話，就只有左方既單元出聲，因此亦只有左耳聽到聲音，右耳卻無聲（因為耳機將左右耳完全隔開；右耳聽唔到 L 方既聲音，左耳聽唔到 R 方既聲音）；於是你淨係知左面有人講野，但卻無從定位出遠近，高低，前後）。結果係你一定會覺得怪怪地，無真實感（因為你由細到大，當左面有人講野時，你唔會只有左耳聽到聲；你右耳都理應聽到聲至係）。不論喺左方遠處有人講野，抑或左方近處有狗吠，你都淨係聽到同一個位置有聲，而且感覺一定會好假好假。
用虛擬 7.1 耳機的話，就完全唔同。佢本身係一個 2.0 耳機 + 一個 sound processor (你可視為 sound card)。左方有人講野時，佢會運算晒你左右兩隻耳應該聽到乜野聲；包括音量差別、時間延遲差別（有啲好既牌子 / model，會計算埋聲音反射及高低音差別）。於是，即使只係 2.0 耳機，佢反而可以令你聽到真實既方向、遠近、高低、前後。
（原本應該要講埋虛擬 7.1 喇叭..... 但既然不在本討論範圍，小弟就偷懶一下了）

總括而言，小弟真心認為，真 7.1 喇叭固然好過虛擬 7.1 耳機；但虛擬 7.1 耳機亦好過真 7.1 耳機（係！我無寫錯，你亦無睇錯）
至於揀乜牌子型號，就視乎你用途
打機的話，小弟一定揀 creative sound card + 一個 2.0 耳機（最好係監聽級耳機）+ 一個外置 mic；呢個配搭，其實等同於自製一個虛擬 7.1 耳機，但「運算」「音質」「通話」都可以揀到最啱自己心水。其次會揀一體化既虛擬 7.1 耳機；品牌一定唔會揀 Razer。真 7.1 耳機的話，小弟一定唔會再揀；除非佢日後解決咗以上所講既問題。
睇戲的話，唔知你睇乜片源；如果係 BD / UHD BD 的話，建議買返一啲 support DTS-HD MA 及 Dolby TrueHD 既虛擬 7.1 / 9.1 耳機罷（例如 Sony 或 Pioneer）。如果只係 Dolby Digital 或 DTS 或甚至 Multi-channel PCM / AAC 既片源，就可以視之等同於打機既用途嚟揀耳機（即上一段所講）

TOP

jc0604535

進階會員

Rank: 3 Rank: 3 Rank: 3

53^#

發表於 2018-2-2 16:29 | 只看該作者

以下純為小弟既個人使用經驗及見解，for 師兄斟酌參考；有錯請勿打小弟認為Tiamat 7.1 根本就並不其 ...

"用虛擬 7.1 耳機的話，就完全唔同。佢本身係一個 2.0 耳機 + 一個 sound processor"
botsang 發表於 2018-2-2 12:56

謝謝師兄超詳細分析，其中虛擬 7.1 耳機跟的sound processor係硬體解碼到虛擬 7.1 聲音，抑或是軟解，會否有失真?
我本常會下載有DTS-HD MA 及 Dolby TrueHD 片源，那麼我應該買個內置sound processor的
虛擬 7.1 耳機，還是另買一個USB sound processor (USB band width 足夠寬以應付傳輸7.1 聲音數據流量嗎?)

(我看BD是用*** TV+ H550 soundbar的，BD都昰強國買的；sony 9.1 headset接電腦有點繁複)

TOP

林洋2