bbgirl223

回覆  bbgirl223

我家海關最愛Nagra, 所以嚟緊要努力搵錢買Nagra比海關。

via HKEPC IR 5.1.14 - iOS(5. ...
十六夜 發表於 2024-11-22 18:10

師兄換得Nagra玩，會唔會聲源換埋dCS，我見佢成套齊晒乜都有，而且又係銀色添，咁配搭唔知靚唔靚聲，小弟望塵莫及繼續留係Low-end境界算了
期待師兄測試報告

bbgirl223

我有朋友真係喇叭有大買大，結果人聲太出、太過明亮。

via HKEPC IR 5.1.14 - Android(5.1.2F) ...
chingkit 發表於 2024-11-21 18:47

好彩我對喇叭有得調較，遷就返屋企聆聽環境，咁近距離聽周華健果把口好大，聽阿Lam，張學友，張信哲班男聲就唔會咯，唔知係咪以前錄音係咁
無計，我都係聽老鬼華語歌多，仲要用黎睇韓劇添
不過都有聽英文歌，全部都係冷門另類，Alan Walker，Nikko Culture，Nando Fortunato，Sia果類型既歌，所以一般書架型喇叭滿足唔到我
都係果樣，鐘意聽咩歌就搵咩喇叭先，到我鐘意聽小提琴就唔會用JBL

derek412

edge nq>E480>GT1HD

bbgirl223

edge nq>E480>GT1HD
derek412 發表於 2024-11-24 16:11

師兄玩呢對喇叭算比較冷門，低音反射孔向下，感覺上低音會比背後有孔既會多啲，未認真聽過唔太清楚，但攞位確實有要求，相對又可玩下釘腳釘墊另有一番趣味。
似乎金嗓子真係多人選擇，唔知師兄聽邊類型音樂多？係咪用緊劍橋做串流？我之前都玩過部合併連DAC擴音機，聲底唔錯，玩左幾個月就放左。
師兄聆聽環境有幾大？音源通常係咩檔案？剩係用佢當串流無用前級部份？咁有無用埋hdmi接電視？DAC出唔出到Dolby？

marklau

回覆  marklau

以我屋企豆膶咁細都夠聽，但我覺得未推得盡，之前聽過麥景圖推係雄厚啲... ...
jimswong 發表於 2024-11-21 15:03

我都係幾十呎廳，我去試下先，謝謝妳

marklau

曾經YouTube 有人談論過，話唔係地方細就一定用細喇叭，只要放得落就有大買大，所以我同你一樣豆腐膶咁細 ...
bbgirl223 發表於 2024-11-21 17:28

國仁都係咁講，但我居屋廳比較細，先天不足
因放左邊喇叭位置，要放在角落頭，重要貼牆，怕有bloom聲
幸好pmc個反射孔向前面
其實我都睇中JBL L52都係反射孔向前

我配置：
Rose 201 > 膽前級 > 金仔e270 > wharfedale

alextsang_tt

好彩我對喇叭有得調較，遷就返屋企聆聽環境，咁近距離聽周華健果把口好大，聽阿Lam，張學友，張信哲班男聲 ...
bbgirl223 發表於 2024-11-24 02:58

以前見好多師兄吹到萬惡根源咁，原來個L-PAD喺功能上有咁大作用

仲有聽聞日本仔特別鐘情jbl舊喇叭...有唔少人房仔一擺都係12"，如果第日有機會再玩大機...都想入對4343M玩吓....聽人講呢對有質素得嚟...低音算係最易推咁話

bbgirl223

國仁都係咁講，但我居屋廳比較細，先天不足
因放左邊喇叭位置，要放在角落頭，重要貼牆，怕有bloom聲
幸好 ...
marklau 發表於 2024-11-25 14:02

金仔真係多Fans應該係容易配搭，聲音比較討好
原來真係好多人玩CAS咁就證明好多人都好似我咁懶
wharfedale呢幾年好少聽，唔知而家屬於邊類聲底？師兄都係聽人聲多？

bbgirl223

以前見好多師兄吹到萬惡根源咁，原來個L-PAD喺功能上有咁大作用

仲有聽聞日本仔特別鐘情jbl舊喇叭...有 ...
alextsang_tt 發表於 2024-11-25 14:47

師兄講對了，日本仔的而且確特別鐘情jbl舊喇叭，應該由80年代開始，其實當時果個年代，JBL既大型Studio Monitor屬於Professional 系列，唔會咁輕易賣街，全東南亞應該只得日本當時叫發達國家，台灣都未起步，更加唔好講中國，韓國，反而香港比台灣還發達，亦有幸可以入口，但香港氣候潮濕，唔多可能保養到幾十年，而日本天氣乾燥，日本人又對JBL好神聖，當時利用開大量錄音室從美國訂返去，曾經睇過一些花邊有趣介紹，日本人訓覺要訓係對喇叭隔離，因為屋企真係好細
講到呢度，小弟係當時遲幾年有幸接觸到，一直都想擁有，但當時係我兩年既人工(啱啱出黎做野 )
做左幾十年人，就黎退休都終於忍唔住

亦係我用左幾個月，為左呢對喇叭將全部野換晒，包括音響架柱，釘腳，電源濾波同線材，而呢對喇叭同老麥就係絕配咁當然要換啦

而家聽4路喇叭真係唔同晒

十六夜

師兄講對了，日本仔的而且確特別鐘情jbl舊喇叭，應該由80年代開始，其實當時果個年代，JBL既大型Studio Mo ...
bbgirl223 發表於 2024-11-25 16:28

近呢幾個月間然中都會係YouTube 睇到d日本人玩JBL喇叭，搞到我都有少少心郁。

師兄套JBL都好靚仔，過幾年如果有機會我都要研究吓！

via HKEPC IR 5.1.14 - iOS(5.1.1F)