bbgirl223

當年為了睇LD, 而集齊一套的JM LAB, 貪佢高音夠響, 金屬聲夠突出.



...
1個閒人 發表於 2024-11-1 21:01

想當年LD年代我聽過JBL 4425睇星球大戰果種震撼，一直都記得
但我始終鐘情3路分音，早幾年就搵到對當時年代既喇叭，結果得不嘗失，木箱收水現象要重新訂制木箱，單元由美國訂零件，線圈，紙盆，喇叭邊等等，再加埋淘寶接線柱，用左幾倍價錢砌返呢對喇叭

alextsang_tt

當年為了睇LD, 而集齊一套的JM LAB, 貪佢高音夠響, 金屬聲夠突出.



...
1個閒人 發表於 2024-11-1 13:01

據啲師兄講...金屬掁膜興起初期...因頻應高(相比當時)...同時都自帶金屬毛刺聲(可能平嘢先會)...睇戲會幾過癮...聽歌就愈聽愈刺耳...以前領過嘢...入一入hifi鋪運桔...就比個sell屎水咗我...莫名其妙就買咗人生中第一對屬於自己嘅喇叭...tannoy m15...雖然都係入門級別...90年代頭咁上下啩..都差唔多3千銀(成個月人工)...果時啲組合都唔係聽歌...只係啲第一代AV AMP同LD機...啲聲唔知點咁...完全係不似預期...愈聽愈無心機

alextsang_tt

想當年LD年代我聽過JBL 4425睇星球大戰果種震撼，一直都記得
但我始終鐘情3路分音，早幾年就搵到對當 ...
bbgirl223 發表於 2024-11-1 14:24

師兄真心勁...recap recone...甚至rebuild箱體都一概難你唔到(怕且連分音器都摩埋)...我乜都唔識...都係見人講DIY喇叭最易玩但最又難玩得好...我都有對4412...不過早年寄存喺朋友家中...濕水搞到箱體有啲爆...雖然想過換箱...但似乎會好貴...都係繼續收埋喺床下底
開頭見師兄第一幅相諗咗好耐...見個dust cap同箱體...仲以為L100 CLASSIC果啲新喇叭..但望見中音外框又唔似...原來係DIY...箱體好靚仔
請問師兄個DIY箱過程係點架？最後又點解決...

1個閒人

據啲師兄講...早期啲金屬掁膜頻應高(當時係)...同時都自帶金屬聲(可能平嘢先會)...睇戲會幾過癮...聽歌就 ...
alextsang_tt 發表於 2024-11-1 14:46

    當年後生, 金屬掁膜覺得夠哂搶耳,
現在年紀大, 聽歌覺得高音剛剛好

bbgirl223

師兄真心勁...recap recone...甚至rebuild箱體都一概難你唔到(怕且連分音器都摩埋)...我乜都唔識...都係 ...
alextsang_tt 發表於 2024-11-1 22:52

果時由於疫情期間屈係屋企無所事事，咁就決定搵野搞下
JBL4412，4311，4312我都聽過，對4311，4312低音鋼琴邊出既低音唔係咁滿意，而4412就改左Ti做高音，就好似師兄所講金屬味，我曾經玩過L112，對佢既聲比較啱聽，奈何想搵對平放既喇叭咁就搵左對4411
DIY喇叭首先出圖紙按照1：1比例，將裝單元面板部份加厚左一倍，由於高音單元安裝方法唔同，從箱內向外安裝，所以高音單元附近要開圓形凹位減少厚度，而中音單元原來係有個密封圓筒套住，咁就唯有訂做埋圓形木箱係裡面，後面接線位亦跟手改埋
既然所有圖紙已準備好，就開始搵祖國做喇叭箱既廠家，搵到一家開價近4千人仔其餘好多唔肯跟足圖做，膽博膽就訂左，等左半個月再加500運費，終於收到新喇叭箱

拆箱睇下靚唔靚先

咁就開始拆舊喇叭搬過去新箱

bbgirl223

另外我鐘情JBL原汁原味，所以分音器無壞就乜都唔改。

後來發覺原裝既線比上手用家換左金銀線，唯有走去配返Belden線(用返美國線 )

而果時既JBL接線柱真係接受唔到

跟住發覺單元有問題

bbgirl223

首先發覺對低音單元爆邊，然後有隻中音單元拆聲
既然洗濕左個頭，上網搵下有無二手單元賣先，搵左成個月都無，就決定上ebay訂零件返香港，由低音單元換邊開始搞
咁當然換埋喇叭接線位

至於中音難搞好多，因為紙盆穿令到拆聲，一定要連線圈一齊換，重要換一對

高音反而無事，真係上天保佑，因為真係無線圈震膜換
終於全部搞掂晒

再上偉大既祖國淘返個Logo先

師兄知道我點解要對喇叭放入櫃呀
對喇叭煲左幾個月d聲先返黎

bbgirl223

當年後生, 金屬掁膜覺得夠哂搶耳,
現在年紀大, 聽歌覺得高音剛剛好 ...
1個閒人 發表於 2024-11-1 23:57

後生果時真係覺得高音搶耳正d，不過我要求低音多d
但我從未買過AV amp用，唔知數碼解碼前級算唔算

bbgirl223

喇叭線一直用Monster Powerline 2 plus，後來年紀大就轉下口味，想聽返d細致野，所以走去地庫換線。

其實換左感覺未必有怪獸線咁好，話晒果時買仲貴過而家既古河線

jimswong

回覆 17# bbgirl223

睇到師兄修復對JBL有心有力，真係好佩服，有貓貓可能要落埋貓網穩陣啲。