pbfans

我同樓主情況有d似有個N年雪牌, 考慮緊今年出部七人車, 預十皮買2014-15 ELGRAND 2.5, 玩5年, 每年折舊2萬, ...
jimking332 發表於 2022-5-16 01:20

我同樓主想出車諗法一樣，都係有私人空間，可以同朋友，屋企人周圍去，主要都係假日車，但我就諗住出部有返咁上下年齡嘅錢7粗用

via HKEPC IR Pro 3.6.1 - iOS(3.0.0)

jimking332

我同樓主想出車諗法一樣，都係有私人空間，可以同朋友，屋企人周圍去，主要都係假日車，但我就諗住出部有 ...
pbfans 發表於 2022-5-16 18:16

其實成本最貴係自己停車場, 除非住村屋唔洗錢, 否則3500-4000走唔甩, 加埋油錢保險牌費隧道停車場等, 就算係sunday driver 呢D基本固定成本己經要6K. 當10年二手車每月拆舊1K, 5年車拆舊其實都係多1K. 即係一個洗7K只有前七用, 另一個洗8K就有部功能款式都新好多二手車用. 既然比左咁大舊固定成本, 唔差左比多1K提升駕駛樂趣/乘客體驗吧.  

blkbd5

其實成本最貴係自己停車場, 除非住村屋唔洗錢, 否則3500-4000走唔甩, 加埋油錢保險牌費隧道停車場等, 就 ...
jimking332 發表於 2022-5-16 19:33

我一直都唔系好讚成買高年期車，一黎唔特別平，二黎一定多手尾跟，
覺得整車好 X 煩，
我上兩架車都系5/6年二手車，幾萬蚊用幾年，又無乜野整，
上一架，6年二手車，三皮幾，原車價3x萬，正到死！

mo9394

師兄，有無睇過Elgrand 2.5 大約幾錢1km？  今日油價要$3？ 假日車真系要買7人車？
初步覺得預得太窄，未 ...
blkbd5 發表於 2022-5-16 05:26

假日車, 油錢唔多駛怕, 多極都係一個月幾次, 當然有大買大. 不過高CC牌費就貴D, 多數都係迫迫地 2000 cc 左右的就算.  入門級, 例如 serena, noah 之類都夠, 原價30 萬左右車仔維修起黎平D.  
elgrand 級數有乜壞就唔同整法, 零件樣樣貴一個開.

mo9394

其實成本最貴係自己停車場, 除非住村屋唔洗錢, 否則3500-4000走唔甩, 加埋油錢保險牌費隧道停車場等, 就 ...
jimking332 發表於 2022-5-16 19:33

如果有小朋友, 有老人家, 疫情底下, 有時計唔到咁多. 可能多四五百蚊一次車程, 不過安心同輕鬆好多. 依家你搭的士/UBER 口罩唔會除都已經好唔同喇, 傾計有外人都唔方便.

租得車位就渣多少少拉勻條數, CC 唔好買太大, 正常七人車, 正常使用.  個人認為假日車, 唔係成日看住, 有D 小問題唔會平日一個人出入時留意到, 突然間到假日先知壞左, 你要整, 成家人企喺度等你但出唔到車, 浪費一個假期就麻煩. 買新車低一級少野整, 好過舊車高一級但多左野整.  第一次買, 最好買五年左右的二手車好了, D 野壞起上黎唔會太大問題, 整的錢有限. 十年以上車, 就真係好好的學習機會, 好多小問題出黎, 小到未必想去車房搞但又麻煩咁, 你鍾意學整車就OKAY, 只為代步就無謂.

主要如果成日要轉幾程車先玩到, 同行的所有人是否都方便之類. 如果出出入入都一程巴士/鐵路到到就無謂. 如果好大機會要轉兩三程就時間慳唔少

elgrand 同大霸要留意高位, 舊停車場有唔少入唔到, 或者個別位置會撞消防喉. 無必要咁大, 唔會建議咁高的車. 去太古城, 落銅鑼灣之類, 都要睇定邊個場得 (或者同一個場, 一層樓得一層樓唔得).  停車場要慢駛, 彈一彈起就可能刮頂咁

antonyhk

其實問得呢條問題既，即係唔知道揸車既樂趣，咁不如call車仲化算！