潮流教主

不如買細踢玩

gn01119056

我自己建議最抵係買2-3年既車

我自己兩次買過3萬蚊既車, 揸兩年賣返出去仲有賺, 不過要好比心機搵平車, 唔可以咁計

有朋友買2萬蚊車, 比人撞左幾次私了, 已經賺左幾萬蚊

有朋友買3萬蚊golf, 3個月後要大修去左劏車, 3萬就無左

正常情況下, 新舊車既支出其實唔差太多, 因為最貴係車位
買越新既車係越抵

有些人覺得買平車會安心些, 咁未買平車玩下, 無乜問題, 最緊要自己鍾意

好似電話咁, 貴買貴用計數係更抵玩,

但有些人又鍾意買平機, 跌落地比人偷左都唔心痛, 最緊要自己用得安心

每個人價值觀唔同, 用得安心都係一種價值

billyyau

老實說，今時今日仲講新牌要買陳年腳車操真係不合時宜。

除咗車價平之外，其他使用成本一定比新車高得多，例如計油錢，新車油耗一定比舊車理想，有返咁上下車齡老化就再食油啲添，如果里數高就知油錢差別有幾大。

再者，嗰啲陳年舊車乜安全設備都冇，新車有防追撞lane keep嗰啲安全設備先係幫到新牌操車避免碰撞，舊車連後泊鏡都冇，泊車一撞花其他車，嗰條數仲襟計。

R跑車

老實說，今時今日仲講新牌要買陳年腳車操真係不合時宜。

除咗車價平之外，其他使用成本一定比新車高得多， ...
billyyau 發表於 2022-6-20 22:02

以成本計..如果用得多你計法係正確

如果用得少, 例如假日車, 個成本就可能二手車較低

lyh1993

老實說，今時今日仲講新牌要買陳年腳車操真係不合時宜。

除咗車價平之外，其他使用成本一定比新車高得多， ...
billyyau 發表於 2022-6-20 10:02 PM

真心要練車 無雷達無後波鏡先有用 依賴哂科技仲等同無練
十年前我都係渣無鏡無雷達睇燈影做人 無ABS行雪地 都係咁一路上到渣大車都係咁

via HKEPC Reader for Android

ckkong97

真心要練車 無雷達無後波鏡先有用 依賴哂科技仲等同無練
十年前我都係渣無鏡無雷達睇燈影做人 無ABS行雪 ...
lyh1993 發表於 2022-6-21 19:10

依賴科技就梗架啦，自從香港養車以黎，架架架車都有後波雷達近兩架仲要有前後sensor 加後鏡頭，有年去沖繩架corolla hybrid 後波雷達同鏡頭都無，去大家無街燈堅唔掂，真係估估下，唔知仲有幾多跌落田 不過再去已經有燈加上係架harrier 乜都有，有次去九州租note epower 仲360鏡頭真係盲既都泊倒車 淨望住個中鏡睇360已經夠

再講，二十幾年前多倫多讀書開過三年車雪地無abs 都係咁開

via HKEPC Reader for Android

billyyau

真心要練車 無雷達無後波鏡先有用 依賴哂科技仲等同無練
十年前我都係渣無鏡無雷達睇燈影做人 無ABS行雪 ...
lyh1993 發表於 2022-6-21 19:10

一步一步嚟先叫練，一步登天只會更易出事故。
熟習後，反而呢堆安全系統就真係非必要，但對新手就點都係利多於弊，除非大把錢唔怕賠。

billyyau

以成本計..如果用得多你計法係正確

如果用得少, 例如假日車, 個成本就可能二手車較低 ...
R跑車 發表於 2022-6-21 16:27

重點係，當成本相若嘅時候，點解仲要高價買架陳年二手車嚟煩自己。
操車首先要有合適嘅工具，陳年二手車除咗賣價平（唔代表使用成本平）之外，根本對新手絕非一件合適的練習工具。

個個剩係識得教新手平車唔怕撞花，但又冇諗過欠缺安全輔助系統先係其中一個好大嘅撞花原因，新手本身已唔熟路面環境，仲要兼顧埋架舊車本身各樣問題，完全係本末倒置。

lyh1993

依賴科技就梗架啦，自從香港養車以黎，架架架車都有後波雷達近兩架仲要有前後sensor 加後鏡頭，有年去沖 ...
ckkong97 發表於 2022-6-21 10:05 PM

三年前都沖繩租部spade 又係乜都無 不過我都係加拿大習慣左乜都無
所以跳上車都係咁渣 最多倒車申個頭出去望

不過我見自已朋友渣車都無乜距離感 所以有次去韓國租部7人車 平路就個女仔fd渣
泊車同D窄路入村去bnb 都係我渣

gn01119056

重點係，當成本相若嘅時候，點解仲要高價買架陳年二手車嚟煩自己。
操車首先要有合適嘅工具，陳年二手車 ...
billyyau 發表於 2022-6-21 22:44

    人地話地球係平既未由佢, 又唔係用你錢買, 岩定錯都好, 點都搵到野反駁你

就算人地鍾意唔用GPS, 鍾意拎本地圖出黎搵路, 鍾意無冷氣又關你咩事呢