rx78_nt-1

拎多一舊真係煩的
為左認証而迫住趕路也是痛苦
我在行程中最後一日由墾丁趕去高雄
因朋友要玩而下午二時才出發
結果太陽下山我才到東港
手機又快冇電 GPS logger又唔知有冇電
眼見只有30公里先完成( GPS認証要邊度開始邊度結束)
我好怕踩夜車都只好頂住慢慢踩返高雄市區
如果唔係認証
當日我會坐車回單車鋪pack車算

eriklam9999

哈哈~ 無錯, 個下我係有灰，但個下我諗，既然都去到淡水，算la~ 我返去飲多2 杯咖啡 好過~所以都冇乜野, 咪坐車law~ 但覺得捷運唔太歡迎單車, 香港mtr 真係好d相比下。

冇個logger，好似我咁，我去到台東其實諗過放棄，因為有一下覺得真係踩夠，有d 唔想踩。而hostel 都有人同我講有2 個香港人前幾日同佢講放棄，返台北玩算。但我諗到有咖啡係花蓮，諗起kano 個句: 「木瓜都係要係有危機ge 時候才會結出最大最美好的果實」，雖然唔太關係，但係旅程中當我沮喪時，我會諗起kano 的故事，我就都係乖乖出門踩車。如果沒有咖啡支持，我應該不可能完成整個旅程。

關於logger ，我見我同行兩個HK FD, 晚上又要charge  左logger 先，又要驚冇開... 唔好玩la~ 我自己拎住一部電話, google map, 小米大裝尿袋2 日唔charge 都ok，就覺得個logger 係多舊魚，個500 蚊, 食左佢/ 飲杯咖啡好過。

旅程上的得著﹐感受，比起為個死物而趕路/ 趕，值得嗎?
我返到香港, 係會生活節奏急番，但有機會都會慢落黎，慢慢游走於香港，輕輕鬆鬆~

acog

其實我覺得好多香港人攪錯左環台既意義... 好多變左為環台而環台...
環台最初係用較慢既速度去好好欣賞同感受台灣...

當初想去環台亦因為想感受台灣, 感受台灣既人情味... 但之後不記得因由變得盲目去追, 之後因腳傷及同伴之間不恊調而被迫坐火車由台東去瑞穗, 係果度認識新朋友, 感受到台灣人既人情味, 喚醒我當初既目的, 之後數日才學懂"享受"環台的過程...

當然, 每個人都有自己環台既理由...有人為環台而環台, 有人為速度而環台
我覺得唔好忘記自己

見到師兄們都可以為自己目標堅持到底, 我想呢樣先係環台的真義

p..s 途中認識徒步環台的fish 大哥下星期就完成了, 他在途中收集了很多他人的故事, 他做了我想做的, 只用腿走路完成, 真正熱血最強

eriklam9999

其實我覺得好多香港人攪錯左環台既意義... 好多變左為環台而環台...
環台最初係用較慢既速度去好好欣賞同感 ...
acog 發表於 2014-5-11 22:48

識得咁諗就最好，啱ge，唔好忘記自己來台灣的目的。
我係路上都識到一個香港人，都係徒步環島，齋訓警局同公園，佢叫華仔，勁到爆!!

伏喱哩

其實我覺得好多香港人攪錯左環台既意義... 好多變左為環台而環台...
環台最初係用較慢既速度去好好欣賞同感 ...
acog 發表於 2014-5-11 22:48

    咁你又要搞5 DAY TRIP.

eriklam9999

咁你又要搞5 DAY TRIP.
伏喱哩 發表於 2014-5-12 09:36

唔同ge , 今次佢係為啖氣同速度呀ma :p

acog

所以我分三次去, 第一次想好好認識台灣, 感受台灣人既文化
我六月再去係為左挑戰自己(上武嶺) 同完成上次既"缺口"
如無意外我十月再去挑戰五日 + 埔里直上武嶺
所真心佩服 wolf 師兄, 先環一圈再上武嶺, 不會太趕

我講過, 唔好忘記自己. 如果當初係為挑戰而環島既, just do it, but do it yourself (講白d係, 每人有自己原因, 有人想旅遊, 有人想挑戰速度, 有人想挑戰高度, 自己做自己最好.  唔好強加別人, 亦無需理會別人)

我不可以因為自己跑了4角燈塔走過海線, 就認為走台1的不算是環台吧...
如是這般, 我沒上過武嶺也不是環台嗎?



我很簡單, 不懂左拉右拼把用不同漂漂亮亮的理由包裝得自己像個 superstar, 再勉強/強迫別人做自己要做的事 對我而言環台就是 :  enjoy your life, just do it! (but do it yourself :P)

很久以前我也說過, 只要踏出第一步, 就算只是"想"去環台, 你已經贏左自己

伏喱哩

唔同ge , 今次佢係為啖氣同速度呀ma :p
eriklam9999 發表於 2014-5-12 09:44

我踩舊年磨坊200 都係用MTB.
頭兩站96KM連休息用左4粒半鐘(6:30-11:00).AV23.
但後半段109KM大逆風再加羅柚開始痛體力下降.踩時係有AV18/19.
但埋站休息時間明顯長左(11:00~19:00).同中途抖氣都好左.

acog

如果我話我環台係我對生命既肯定....會不沒人相信？

我講過好多次， 我以前絕對係一個毒宅，三百磅，無乜朋友，常呆在家，只愛動漫, 怕面對困難。因為"偶然" 我用十個月減過百磅，之後變得不再逃避

但最影響我係，有個親人突然離世。 佢生前很活躍，潛水，單車...etc 係佢喪禮我見證了生命不在乎長短只在活得精彩，豐盛。人生不枉過算這種吧。

想著從那位親人接收的遺物我不知怎樣去繼承他的遺志。 恰巧見到epc的環台post, 便想到去環台，去証明我也要人生沒白過。
"有些事現在不做，以後也不會(不能)做" 正正是我現在的想法。

只用三個月時間學習踩車，再用小摺環台，我就想跟他說我不再怕困難勇於接受挑戰，你的lefty 我會好好使用，不需擔心 (＾ω＾)

所以整個過程我很執著去完成，就算斷鋼絲，傷腿，炒車。 就算慢得只剩一個在路上我也要完成， 因為生命的價值不只有喜事，好; 不好的，低處的也要積極面對, 勇於接受挑戰， 這才是人生不枉過。

eriklam9999

如果我話我環台係我對生命既肯定....會不沒人相信？

我講過好多次， 我以前絕對係一個毒宅，三百磅，無乜 ...
acog 發表於 2014-5-15 20:55

原來係咁...!! 加油呀CHING! 環島對好多人有唔同的意義，老套講: 有野袋到走is ok~