sniperX

有冇睇哂樓主段嘢?
末段『如果再比我見到你衝燈，我一定搵野撞停你然後報警。』
雖然講下冇乜嘢~ 但真係 ...
fai420 發表於 2014-8-28 16:26

咁冇人犯规就唔會發生呢d事，有朝真係撞到人點算？

對其他犯法之後有人以暴逆暴唔可以話後發者邪惡。只可以話佢一樣犯法。

PS: 小弟係呢件事上只係讚成交俾警方處理，市民不應該以暴力行為表達對他人不滿。

sniperX

還好~ 有一點我是同意的 (市民不應該以暴力行為表達對他人不滿)
fai420 發表於 2014-8-28 17:01

師兄，如果你試過俾幾架單車係綠色行人指揮燈係你旁邊全速沖過可能會更同情樓主。小弟最近都有踩單車當做運動，我覺得踩單車都要遵守交通規則，單車沖紅燈呢種動作要重罰。出意外一定係累人累己。

其實我覺得政府應該立例要行馬路嘅單車駕使者要考筆試，有牌先可上馬路，衝燈照罰四百五。

sniperX

其實踩單車違反交通條例 E.G. 衝燈 真係犯法架~ 有車排要扣分添~
我覺得係用理性, 思考去分對錯~ 唔係同 ...
fai420 發表於 2014-8-28 17:44

我覺得係要立例管制，大家遵守規則就安全d。對交通規則唔熟嘅人唔應該用馬路。

nkygaiin0

回覆 14# sniperX

考牌減低意外唔覺好無謂咩
揸車有牌一樣多意外, 學就一套,做就另一套, 個個盲毛司機考完牌一樣唔1望盲點

單車沖燈邊個話唔洗罰? 冇牌都要照罰架, 問題係冇人捉

唔明樓主咁偏激有咩值得同情, 其實冇人存心想撞你, 你正常行緊, 人地估算到你點行,冇咁易出意外, 夜媽媽就包容下啦,同理, 你亂過馬路, 係咪要呠到你暈低先

人地犯法就可以做底人, 咩道理, 咁樓主唔好亂過馬路呀(犯法), 揸車的下次見到就可以撞低佢?

=鋼=

其實屯門區既單車徑根本就畫錯晒同亂咁畫...
特別係河田個到...
只要佢做一個好似橋既物體啲行人就唔會怕比單車撞...單車人又唔洗落車推過個一少段路...
雖則好多人都唔落車直衝...

其實單車人都好痛苦...我自己都有踩單車...單車徑就比啲行人用黎拍拖放狗跑步散步
踩單車係單車徑見到依啲人又要避佢地...最好笑係個班人會鬧番你轉頭...但明明個到係單車徑...
即係佢地行單車徑就無問題...佢地又唔諗下佢地會唔會係馬路中心到行之後鬧啲車??
屯門仲有個位係單車徑同行人路交差左...係卓爾居同澤豐之間個到係一條單車徑同行人路交差左...
啲行人就會行行下唔行行人路行落單車徑到...有幾次我踩緊單車都算有少少快大約30km/h之後啲人亂咁衝出黎搞到我差啲炒車...個啲人仲要不停望住你怕你撞親佢...
好心啦...怕比人撞就唔好行單車徑...到真係因為你亂衝亂撞比單車撞親就踩單車個條友比人捉...其實都幾唔公平....
好發洩完畢

ckarea

岩就岩,錯就錯, 法律好清楚

佢唔唸他人安全, 邊個邪惡?

香港法治, 唔想抄車, 請守法

sniperX

其實屯門區既單車徑根本就畫錯晒同亂咁畫...
特別係河田個到...
只要佢做一個好似橋既物體啲行人就唔會怕比 ...
=鋼= 發表於 2014-8-28 23:36

有幾次我踩緊單車都算有少少快大約30km/h之後啲人亂咁衝出黎搞到我差啲炒車...個啲人仲要不停望住你怕你撞親佢...

我以前都試過係沙田單車徑都試過小朋友突然衝去黎，差d撞倒佢。對住呢d人冇計喎，唯有死忍。因為我技術唔好，而家我只會係小車嘅馬路先踩快d，單車徑都慢速。