dcc2000

淨冷機開得使唔使要造埋去水喉？
同埋風扇部分抽氣會俾個窿分薄咗
導致散熱core少咗啲氣流... ...
kanduki 發表於 2026-6-15 17:39

唔做去水咪生銹囉！

部室外機入面密封嘅咩？週圍都有窿窿罅罅喎！

咁冷暖機呢, 一定有個窿喎, 制冷時會唔會分薄咗啲氣流？

dcc2000

排水口位置當然會滴水, 做唔做埋去水喉, 就睇部機安裝位置喇, 部機對下位置都係師兄私人擁有或有控制權嘅地方, 咁就隨意囉, 唔係嘅話, 會滴落街嘅, 負責任嘅就做埋, 其實裝唔裝去水喉都係隨意, 冇人投訴或舉報咪當冇事囉！反正好多人都係咁有意或無意地做緊。

kanduki

睇你啲雪種喉咁返包法
我仲以會有完美主義者話做乜唔粗管幼管分開包呢！

唔做去水咪生銹囉！

部室外機入面密封嘅咩？週圍都有窿窿罅罅喎！

咁冷暖機呢, 一定有個窿喎, 制冷時會 ...
dcc2000 發表於 2026-6-15 18:10

咁冷暖機駁咗去水喉
個風阻會大啲

一啲機個去水窿造向散熱core出面嘅就無影響
不過咁做嘅機個窿通常都唔會封

部外機成三匹
仲要抬向個左右頂三邊都伸唔到手咁滯嘅位
我唔知當時單工程預幾多時間去完成同仲得唔得閑再做完美啲

六代火龍

呢 d 帖實有呢類正義超人入來講肺話
Miipp 發表於 2026-6-15 13:20

類似東張報道手法差不多 不食人間煙火似的

PowerShot

因為明天我安分體, 人生第一次屋企安分體, 買左三菱電機1.5P 淨冷, 睇下洗唔洗問師傅有無去水.

dcc2000

睇你啲雪種喉咁返包法
我仲以會有完美主義者話做乜唔粗管幼管分開包呢！

咁冷暖機駁咗去水喉
個風阻會大啲

一啲機個去水窿造向散熱core出面嘅就無影響
不過咁做嘅機個窿通常都唔會封

部外機成三匹
仲要抬向個左右頂三邊都伸唔到手咁滯嘅位
我唔知當時單工程預幾多時間去完成同仲得唔得閑再做完美啲
kanduki 發表於 2026-6-15 20:27

一般家用分體機, 所謂高低壓雪種銅喉, 運行時嘅温度, 有人做過實測, 兩條喉嘅温度其實只係相差幾度,
我覺得唔係必須要行孖豬腸。若係VRV機種, 兩條喉相差幾十度, 就必須分開喇！
況且, 呢壇嘢只係做修修補補, 又唔係裝新機, 部舊機又唔知捱到幾耐, 上手師傅點做, 就跟返佢囉, 唔通要換埋4芯電線咩！
“專業師傅” 就唔會咁樣搞喇！




雖然有個別淨冷機型, 去水窿開喺銅喉附近, 但大多數淨冷或冷暖機, 個窿都係開喺Coil與風扇之間嘅底盤位置。
各大廠家唔知個窿對空氣流量有影响？點解唔改良設計？







一個開喺機底, 直徑大約2cm嘅窿, 對空氣流量有幾大影响, 真係要師兄多多指教！

裝機師傅冇可能唔知道銅喉倒汗水會流入底盤, 雨水亦有機會撇入機內, 明明有個去水窿, 為何冇搣走嗰塊鐵片？
為個客着想, 底盤儲水對散熱好啲？快啲生銹換機促進本土經濟？






其實裝部室外機時, 正係全爆裝修, 當時只有呢個L型鋁架, 連旁邊及下面嘅鋁窗都未裝, 會唔夠作業空間？




見師兄嘅回覆, 字裏行間似乎比較 “體諒” 某方, 係 “業內人士”？

dcc2000

因為明天我安分體, 人生第一次屋企安分體, 買左三菱電機1.5P 淨冷, 睇下洗唔洗問師傅有無去水. ...
PowerShot 發表於 2026-6-16 01:26

總之都係嗰句, 底盤養水, 結果必然。

markmak33

無功底做唔到, 佩服, 多謝師兄分享。

kanduki

回覆 36# dcc2000


部機default封住個窿
應該預個機會裝向啲無去水喉甚至唔俾滴水嘅位置
況且個窿唔開部機都用咗十幾年先俾你發現到問題
當時裝機果個如果無同樣經驗就唔會多手開埋然後又會唔會引起其他問題

就後造幅窗門都包到部分體機咁盡無預到而家俾閣下返手維修
當時做設計甚至客戶本身可以都將事情諗得太理想