alax

距離 9# 個 Post 已接近一個鐘。

試下駁住火牛開機，入到 Windows 後竟然見到電池量有 91%！！
照計本來 0 ...
C_Law 發表於 2024-8-10 01:08

純粹9估：
1. 電池虛標/或者放得太耐已經開始老化。試下循環多幾次睇下有冇改善（即用晒啲電再充滿）
2. 保護板有問題/電源管理芯片有問題

via HKEPC Reader for Android

jwong852

電量顯示不正常，可能係：
1. 平板內置的電量計不準，未知新電池容量。
2. 新電池化學結構未完全激活

先充滿電，用到低電量自動關機，重覆三次。
如使用時間仍然沒舊電池長，即是新電池垃圾電。



via HKEPC Reader for Android

Ian_Seabourne

平板都拆開咗，既然唔信佢嘅 %，又懷疑電池有問題，點解唔用萬用表度下電壓呢？
睇下是接近4.2Vx2? 還是已經跌到 3.XXVx2 ？

C_Law

唔該各位先！

昨晚試過一次，熄了機駁 PD 牛充電，充到滿就拔走火牛，開機入到 Windows 見到 100%，但開住 PotPlayer 以 2x 速度播片，電量跌得好快，半個鐘左右就跌到自動 Sleep。

今晚返屋企試下充放電幾個 Cycle 試下。

C_Law

回覆 13# Ian_Seabourne

其實昨晚係有度過電壓。駁上新電後，駁住火牛開機，兩塊電的電壓都一定係大約 4.xV(因為火牛充緊電)，充幾分鐘後，拔走火牛但繼續開住機去度，兩塊電就大約 3.8V，之後熄機再度，就升小小(0.0xV)。

熄機狀態下駁返火牛去充電，充到滿(部機的充電 LED 熄燈)，拔走火牛後度到每塊電有大約 4.3V。無駁火牛下開機，入到 Windows 見電量 100%，但下降得好快，幾分鐘就無 10%，去到  90% 時度下兩塊電，已經去到 4.0V 左右。中途無再度(這時候掛住睇法國對西班牙場波)，部機無駁火牛下播片半個鐘左右就自動 Sleep，這時候度下電池，每塊大約 3.7~3.8 左右。

今晚再玩過。

C_Law

另外講下，拆了電池後，暫時發現兩個小問題：

1. 開機比較慢。
以往按 Power 掣，三幾秒內見到 Dispaly 著，顯示下部機的牌子 Logo，跟住就開始 Boot 入 Windows(由按 Power 掣起計，大約 5 秒內)。但拆電後，按 Power 掣後要等 30 秒先至見到著 Display，但不是即時出現牌子 Logo，而係要再等多廿零秒先至出現，大約由按 Power 掣後要等大約 55 秒先至開始進入 Boot 入 Windows 的程序。

2. 失去系統時間
昨晚無裝電池也無駁火牛。今朝瞓醒開機睇下，雖然日子正確，但時間就係昨晚熄機後大約半個至一個鐘。

Ian_Seabourne

另外講下，拆了電池後，暫時發現兩個小問題：

1. 開機比較慢。
以往按 Power 掣，三幾秒內見到 Dispaly 著 ...
C_Law 發表於 2024-8-10 17:07

拆了電池後，有量過 USB 的電壓電流嗎？有 USB 電壓電流錶嗎？
看看不充電情況下，在用多少 W？

kwliu

初頭以為係電量計出問題，但差滿可以短時間跌到去3.7-3.8V似係電池本身問題，一係將就用一係去另一間店淘過。
如果有18650電加電池座可以搭橋比試下。

C_Law

今晚好攰，無心機去搞，擇日再搞！



年紀開始大，長輩年紀就更大，開始多病痛，上周末先至陪一個入廠出廠，今晚又有一個要去睇醫生。

C_Law

拆了電池後，有量過 USB 的電壓電流嗎？有 USB 電壓電流錶嗎？
看看不充電情況下，在用多少 W？ ...
Ian_Seabourne 發表於 2024/8/10 18:36

係就係有個 USB-C 錶頭，但廢廢地的。V 值或者可信，但個 A 值就危危乎，更離譜係，有時電流方向都錯！以前駁尿袋去電腦，有時見電流係由尿袋走去電腦，但有時會見電流由電腦走去尿袋，當時心諗可能電腦已滿電，相反個尿袋未滿，會掉轉頭走由電腦向尿袋充電。不過現在已拆走部機的電池組，電流一定係由 PD 牛走入電腦，但個錶頭都夠膽死間中顯示相反方向。