vacuum.tube

呢到批尊貴的長老會員唔單只思想守舊，接受唔到新事物，連發言支持自己嘅能力都無咗。
唔夠新人講就話人結怨，打發時間，更犀利係話人搵獵物!
不如回歸話題點解要介紹不明來歷嘅簡體字寫明只限國內銷售嘅街邊100蚊負碌101電錶啦！

Offer

小弟先和上面各前輩拜年， 希望各位身體健康，一團和氣



*****版主示

fundive

SSP 特色就係不明來歷同賣得平

raywan

呢到批尊貴的長老會員唔單只思想守舊，接受唔到新事物，連發言支持自己嘅能力都無咗。
唔夠新人講就話人結 ...
vacuum.tube 發表於 2023-1-29 09:24

    老實講,鴨記都好難買到正貨fluke,101 賣$100的確夠便
正貨同水貨都係fluke出品,無話邊個買水貨就唔支持香港既.....我正貨水貨fluke 都用過,無咩分別
不過正貨fluke話條fuse係好O的,水貨fluke表條fuse就係大陸玻璃fuse,唔知真唔真,有無圖同真相呢?

dcc2000

暫未見過不同產地嘅Fluke萬用錶/儀錶, 有使用 “玻璃” fuse, 不論係所謂國際版, 還是專供中國國內銷售, 後綴帶 “C” 嘅型號。

香港被稱之為購物天堂, 市場上來自各國嘅水貨(正確名稱叫做 “平行進口”貨)多不勝數, 甚至唔符合香港市電規格嘅100V/110V電器都大把人賣緊/用緊, 不論係購自各網購平台, 還是水貨商/店舖。

某些產品會喺包裝盒/說明書/保用證標示只供某某國家/地區銷售, 主要原因係維修保養責任問題, 當然亦係用嚟保障各地區嘅代理商或銷售商嘅利益, 與產品質素無必然直接關係。

dcc2000

若本地嘅所謂代理商能提供種類眾多、價格相宜嘅產品及優質嘅售後服務, 相信大部份消費者會樂於支持所謂本地行貨, 奈何事實總係殘酷！
雖然所謂水貨存在喪失保養嘅風險, 但喺售價可能平一截嘅前題下, 可能好多人會選擇水貨或外地網購。特別係電子零件/配件之類, 國內網購平台必定較本地實體店舖有更多選擇。

以咩形式購物消費, 純屬個人需要及喜好, 只局限於某種消費模式, 只會導至較少選擇, 不合時宜。另外, 夜冷貨有多種入貨渠道, 進貨價未必與貨物類型掛鈎, 有人甚至話呢類夜冷貨, 進貨價係以整個貨柜箱重量/件數計算價格, 成本可以好低, 轉手到夜冷舖/街邊排檔, 最終零售價高與低, 同件貨品本身價值(原價)並無直接關係, 賣家鍾意賣幾錢都可以, 有時仲可以講吓價, 所以單憑售價低就認為係假貨、A貨、或米奇貨, 似乎過於妄斷。

例如呢幾隻全新血氧計, 商舖或網店售價可能賣緊過百, 夜冷舖只係賣十零蚊。

下載 (109 KB)

2023-1-31 00:51

dcc2000

又例如呢款山寨JBC(配三支國產C245 tips), "原價" 六~七百, 夜冷舖四舊水有找。

下載 (145.26 KB)

2023-1-31 01:20

rhino

又例如呢款山寨JBC(配三支國產C245 tips), "原價" 六~七百, 夜冷舖四舊水有找。

...
dcc2000 發表於 2023-1-31 01:20

    求夜冷舖地址

dcc2000

求夜冷舖地址
rhino 發表於 2023-1-31 14:40

牛頭角某工廈地舖, 間嘢乜鬼類型產品都有, 要嘥少少時間“尋寶”, 有價錢合理嘅, 亦有亂標價格, 可以好平, 亦可好貴

不過呢類“夜冷貨”, 部份只係一件起、兩件止, 而且部份電器產品亦可能係國外電壓及插頭規格, 當時呢款山寨焊台亦只有一set, 配歐規電源線, 估計佢係220V, 雖然呢款係採用SMPS供電, 但唔排除會係110V嘅出口版本, 上網check見佢除咗可用JBC咀, 亦可用T12, 甚至936 (當然要另配T12/936手柄), 於是買嚟玩下, 其實已有一套老翻JBC(jabe UD-1200)  

睇貨品種類, 呢間舖與深水埗一帶嘅短租舖或街檔賣緊嘅夜冷貨, 相信亦係同一貨源, 其實某C字頭二手網都有好多呢類夜冷貨。

早兩日喺hon829師兄同一排檔摷到幾條MFI A to L線, 廿零蚊條, 唔算好平, 還可以。

下載 (113.13 KB)

2023-1-31 16:38

dcc2000

包裝盒後面仲貼有某Official Apple Premium Reseller嘅價錢牌添, 難道如某人所講, 賣得平就等同於假貨、A貨、米奇貨？

呢類平價貨嘅部份來源, 相信係商家典型嘅清舊貨方式, 而衍生出嚟嘅喊欄貨或稱夜冷貨, common sense嚟啫。

下載 (140.03 KB)

2023-1-31 18:10