williechu

嘩！一search先知原來我唔係惟一一個.
上面有人話佢惡, 我又唔覺佢點樣惡, 不過我覺得佢好麻煩囉, 原本可以順利買嘢走人, 但有兩三次都係係果個收銀呀嬸果關出事. 試過佢想游說我用八逹通唔用銀紙付款, 我冇理佢照用銀紙, 找銀時原本可以用兩三個硬幣找給我的, 佢竟然專登找豪子湊合給我... 不過數量唔多, 我唔同佢嘈啦~

蟹口蟹面呢啲我反而唔太在意，每次買嘢除非要佢報價，唔係我都唔會問問題，直接執好零件然後去櫃臺比錢走人。只要佢唔好搞我，大家一買一賣順順利利就算了,我唔駛佢同我交流架啦, 唔該晒。但今次真係卑個收銀呀嬸吹到啤啤聲～
(首先, 如果那位華輝收銀大嬸妳睇到這段留言的話, 我奉勸妳一句, 冇咩事妳都唔好講嘢啦! 蟹口蟹面本身沒有錯, 只要妳唔防礙到人就冇問題, 之但係妳每次一講嘢就勁黑人爭, 所以妳都係合埋把口吧啦! 妳只收銀咩嘢都唔講就天下太平架啦!!)

係,我這次買嘢唔多，只係買十零蚊嘢，惗著搵張廿蚊紙卑佢找，點知佢又開口講嘢話：

［換過張卑我，你呢張污遭...］

後來我心惗 我時運真低. 咁都會撞正佢開口講嘢...
果一刻我當堂成個人定咗向度兩秒唔知點反應！~~ 拒收硬幣我都能理解，但我成世人是第一次給人拒收銀紙，張銀紙冇穿冇爛，係有啲污漬，但同樣的銀紙我以前一樣係咁用, 從來冇問題, 我自己就完全無為意, 影張相大家睇下:

下載 (134.03 KB)

2017-6-23 22:29

下載 (140.48 KB)

2017-6-23 22:29

唔同佢嘈, 係因為唔想阻著後面排緊隊0既人, 唔係0既話我都可以堅持張銀紙冇問題, 我唔收回. 最多果幾蚊豪給佢唔駛佢找.
老實講, 我無興趣走返去玩嘢報復, 又或者專登買好多唔同的零件要佢為難, 但我惗我以後都會盡量避免再去華輝了. 各位師兄要唔要去, 各人自己選擇啦. 不竟華輝確實是有直得留低的價值0既~

tcbyxo

華輝收皮啦，E 家真係一年半載先上去一次，就算上去都好多時買唔到要既野！！

月鏡十夜

咁講得我諗去開嘅都知講緊邊個
每次買野都好似隊林左佢老豆老母咁
PheniX01 發表於 2017-4-16 15:37

今天上去, 沒事發生, 我想可能有小孩子在旁邊會好一點, 因為我付款時後面那個帶著小孩子一起, 她就跟小孩子玩起來了

pacificrim

正正因為有d客覺得寸係老奉係優待，　所以先助長呢ｄ人

williechu

佢地給我嘅感覺，係佢地跟本冇當入來買嘢嘅人係客，就好似二三十年前入境處啲公務員咁，走埋佢櫃臺嘅人都係增添佢工作量&卑麻煩佢嘅麻煩友，佢而得你唔好買嘢快啲走咁樣... 老實講，成條鴨記，得華輝比到我呢種感覺～

avdaemon

因為現在賣電子零件跟本係蝕，依靠賣其他工具來補貼，如果咁好賺點解其他店舖唔做，以前啲街邊檔都冇晒好多年了

YYuu

不過許多零件空了都無補貨。就像2SD 965 前星期去找，無，到現在都未補貨。咁，旺角，新埴地街有無？ ...
lv123 發表於 2017-5-29 00:46

師兄，上淘寶買

PheniX01

因為現在賣電子零件跟本係蝕，依靠賣其他工具來補貼，如果咁好賺點解其他店舖唔做，以前啲街邊檔都冇晒好多 ...
avdaemon 發表於 2017-6-26 10:57

你估個阿姐係股東咩，佢收人工姐，蝕唔蝕關佢鬼事
就算真係估東，都唔成西臉理由掛，唔高興咪執左佢囉

williechu

你估個阿姐係股東咩，佢收人工姐，蝕唔蝕關佢鬼事
就算真係估東，都唔成西臉理由掛，唔高興咪執左佢囉 ...
PheniX01 發表於 2017-6-28 17:18

師兄又恕我多嘴講句啦～ 佢要以咩態度做人係佢嘅自由，我地吹佢唔脹。就好似我有時放工後去買嘢，已經身心疲累，我都一樣全程木口木面，但我唔會為難啲店員（或者有而自己唔知）。我地唯一可做嘅就係用腳去投票---唔高興就以後唔再去買嘢，由得佢繼續行使佢嘅自由。
話說回來，其實我唔係介意佢蟹面，我係猙佢地洒大牌，唔用八達通付費又唔高興，銀紙舊啲又話唔收，連咨詢產品問題，有時佢地都答得好求其（但有時又好正常，這也是事實，但唔知佢地幾時發作），成條街佢最高級。

dieago

x輝，鬼甘貴，以前有價一粒粒一塊塊一條條甘買，有問有答。可能生意難做，感覺佢e+想做多d大單野，想代理甘做，早排見佢cctv d catalog 多到以為佢轉形。
上網買真系限左吾少時間，現在有google同tb, 我覺得很幸福了。