minki

的確如是，雖然自己蝕板不難，最麻煩是事後處理剩餘的化學品，倒落去水渠又怕損壞喉管
C_Law 發表於 2014-1-4 17:34

重點
晒版機鑽床鑽嘴我都有....但係已經一年冇用過

Amuro

好多DIY人仕都係非常非常業餘為興趣而玩下(我係其中之一),由其係香港玩電子野o既業餘人仕分分鐘都唔方會係後生仔,你要佢地學用軟件劃一個合乎標準o既檔案交比PCB廠商,分分鐘仲慘過叫佢地去擔泥,反而古老整pcb法會易學d,我相信呢個先係問題,至於d專業人仕,講o黎把鬼咩,佢地都識架啦,根本就係工作o黎,係果d學緊同電子有關o既學生先應該要學,不過我又覺得學生除左要識現代野之外,d古老基本整pcb都應該要學下先o岩
upcupcupc 發表於 2014-1-5 09:15

唔知閣下所講既古老整PCB法係指邊種方法。
我在家中做PCB都係先用CAD劃好個layout，然後先印出嚟晒板。而就算自己晒板，劃layout時都要符合一啲要求先至可以避免晒板時出問題，而由於打板既PCB板廠既制程能力比自己晒高好多，所以合符自己晒板要求既layout的話，比PCB板廠做就更無問題。反而因為比板廠做可以雙面、幼到6mil…，比起自己晒多數只會係單面、最幼~10mil，比板廠做時走線易好多。所以技術上，比PCB廠打板整體上係易咗。
置於香港DIY人事既年紀…我睇法完全相反，老一輩，~35以上，如果唔係本身做開的話，都幾難會有興趣DIY電子嘢，因為無大部份都已經有家室，時間係問題，而且電子嘢始終一門專業，除非有工作須要，話學用一套CAD難，咁學懂電子線路設計就更難。當然，這個只係我個人睇法。

不個這個唔係重點，最重要係電子嘢係每一個工序中其實都可以有當中趣味，設計電子線路可以好好玩、用CAD設計PCB一樣可以好好玩，當然制作PCB都係好好玩，但工具同材料既處理就係最麻煩。

amb_cpl

其實係唔有D導電油筆, 係塊電木 (甚至膠板) 上用手就可以畫到D線路出黎... 咁咪少左好多處理化學藥水既難度...

PS: 我唔識架, 路過架咋...

shingzhk

講起呢樣, 有冇D小型CNC, 類似3D printer感既size可以自己刻PCB加鑽孔
大致元件應該同3D printer差唔多,不過就唔見有相同價位既物體賣

http://item.taobao.com/item.htm? ... &id=14185904988
呢類野有冇人用過?

uganda_martyr

回復 16# shingzhk

福仁商場地下有間賣大陸書和雜誌嘅舖內有一部.
見佢有數塊雕龍雕鳳的亞加力喺度, 雕得頗深.

但由於我攪攪震, 冇幫襯, 故此冇問佢雕塊pcb嚟睇吓.

Amuro

回復  Amuro
    古老方式例如用手o係pcb上直接劃啦,貼紙等等啦,先進d 咪用小畫家,再先進d 可能係photoshop之類囉,用freepcb呢d已經係好先進,仲要佢輸出CAD檔而無乜錯去交比廠家生產,呢d要d後生仔讀現代書o既人先得,咁緊有d例外o既

你緊係後生仔o黎,我個年代唔係做製衣廠就係電子廠架啦,咁而家無乜野做,一係就種下花撚下雀囉,唔係除左玩下電子野之外仲有乜野好搞丫,唔通學d後生去跳街舞咩

上左年妃好難學野(只係較難而唔係話學唔到),由其係一d比較複雜o既野,我三十出頭時都可以仲有本事睇完一日說明就學識寫程式仲去搵食添,但一到五十已經力不從心,只係更新一下個腦o既資訊都要花上成個星期

你應該會發現年紀愈大o既人,佢地每日都好有興趣重複又重複去玩同一樣野,而唔似得後生仔咁日日新鮮

其實自己倣pcb都有好處,起碼可以即興即食
upcupcupc 發表於 2014-1-7 11:01

先多謝閣下日行一善，話我後生，雖然這個無可能成真。
我讀書果時用筆或移印紙直接在PCB上劃，初初出嚟做嘢果個時期試過用移印紙、移印帶，係牛油紙上以x10 size劃晒film用既圖紙。
當初第一次用CAD劃線路，一本書都無睇過，只睇過OrCAD既一張幾分鐘既demo 5.5"軟碟，PCB第一次係學Pads，的確係有人教，對做簡單PCB嚟講完全唔難上手，主要反而係要知基本既layout parameter，知道後啲數照入一次就可以，至於出圖(Gerber)，有得preview可以未出圖並睇返，唔得就改下setup睇變化、修正，唔覺有難道。
興趣唔一定要同往時工作有關，不過興趣係好個人化既嘢，對其他人既觀點我唔多講。有過我自己如果唔搞電子嘢的話仲有大把嘢想試，仍然可以好忙，當然，條件係唔使忙搵錢後先講。

做電子既其中一個好玩地方就係不停有新嘢，唔會悶，我做咁多年都不停學新嘢，只要自己心中有唔完全明白既嘢就即是自己會有新嘢你未學過，更唔使講要世界在變。唔使到年紀大，當人覺得疲倦，想懶就自然想只用舊方法而唔想學新嘢，我自己間唔中都有類似情況，同年紀無必然關系，其實同心理狀態有關，低潮過後我又會積極起來，同一個功能，我用既線路間中都會變一變，不斷改進。
信我，積極啲不停學習下，個腦退化會慢好多。有時會覺辛苦，但過後欣賞倒自己既成果就會覺得值得。

好多時用腦既動力其實就係想懶，如果我要快，省工夫，而線路簡單的話，我會搭棚，連PCB都慳翻。往時有腳搭棚，而家SMD一樣搭棚，之前就post過一次解決mouse制想tick一下但自動變兩下既問題，就係SMD搭棚搭出嚟。除非要求極小型化，又或一次要重複做好多個同樣既PCBA，否則搭棚就最快手。另一個個人觀點係，設計PCB每次個design都唔同，所以都唔會悶，但製作PCB的工序每次都一樣，頭幾次有新鮮感當然有趣，但多幾次後就會覺悶。所以我都讚成頭幾次可以試下自己造(不論年紀)，幾好玩。

Amuro

講起呢樣, 有冇D小型CNC, 類似3D printer感既size可以自己刻PCB加鑽孔
大致元件應該同3D printer差唔多,不 ...
shingzhk 發表於 2014-1-7 11:48

有，觀塘幾年前有間鋪用此方法幫人做PCB，十塊要收二三百。

shingzhk

有，觀塘幾年前有間鋪用此方法幫人做PCB，十塊要收二三百。
Amuro 發表於 2014-1-7 14:27

問題唔知食CAD方唔方便同準唔準
我完全唔需要快, 但如果郁D都要tune個零鐘, 移左位又哂料的話
我用萬用板都冇禁嬲
(雖然我已經係用萬用板用到火滾先諗CNC)

好用的話,除返開 HKD$3.5k 左右,冇病冇痛(的話)玩一世, 都買得過