DHE3

兒童節目應要規定有字幕，最多減少少規定時數。一邊收緊一邊放寬已算平衡各方利益。

死宅男@XC

之前已經放寬至兩年內播4次，仲增加重播更影響兒童觀眾利益。
DHE3 發表於 2025-8-3 19:44

問題係選擇少，咁要填夠時數就係要做重播
然後重播得越多對觀眾利益就越少
咁結論都係要cut鐘

julaw

無論幾多%都好，會唔會令電視台為滿足要求而粗製濫造？
再者，中長期嚟講如果電視台再cut cost，限制反 ...
williamC2023 發表於 2025-8-3 15:43

我覺得趁本地仲有電視製作人才，係時候要開始搵辦法確保呢班人有一定數量工作嘅機會
如果當局坐視不理，外購比例只會逐漸提高
到十幾廿年後某一日觀眾發現點解成晚都要睇外購節目，到時先至醒覺香港已經喪失自行製作電視節目嘅能力，必須依賴外地/內地製作節目，就已經無得救
就算溫和少少，將個黃金時段外購節目上限先鎖定於等同77台現狀嘅每星期12小時（43%），都好過乜都唔做

williamC2023

我覺得趁本地仲有電視製作人才，係時候要開始搵辦法確保呢班人有一定數量工作嘅機會
如果當局坐視不理，外 ...
julaw 發表於 2025-8-3 22:42

黃金時段節目題材較侷限，以24小時來計能否令本地製作節目類型更多元化，減少流水式作業？
其實現行牌照都有本地製作總時數下限(唔分黃金/非黃金)，你咁講我又覺得可以考慮提高下

DHE3

問題係選擇少，咁要填夠時數就係要做重播
然後重播得越多對觀眾利益就越少
咁結論都係要cut鐘 ...
死宅男@XC 發表於 2025-8-3 21:08

cut鐘我也可以接受，但應要做字幕。

DHE3

黃金時段節目題材較侷限，以24小時來計能否令本地製作節目類型更多元化，減少流水式作業？
其實現行牌照 ...
williamC2023 發表於 2025-8-3 23:22

其實外購多咗核心原因係自製成本高/收益較低，有啲外購節目係為滿足牌照指定類型節目要求，本地製作時數可以set高少少，但太高唔得，因為上述核心原因電視台只能推大量低成本節目，例如清談節目咁做。

isar

其實外購多咗核心原因係自製成本高/收益較低，有啲外購節目係為滿足牌照指定類型節目要求，本地製作時數 ...
DHE3 發表於 2025-8-4 09:04

其實咁講個個台既下場都會係亞視化
好似82台夜晚咁既陣容其實唔係好過以前亞視本港台好多
係叫做仲有自製節目

反而對電視台黎講新聞先係燒錢
不過大台識得用83黎生財
一小時新聞時段實際可能得半小時新聞
其餘係廣告/贊助環節

kevinip

我又提出以下建議：

米蘭-哥甸拿丹普索冬季奧林匹克運動會(米蘭冬奧)將於2026年2月6-22日舉行，美國、加拿大、墨西哥國際足總世界盃將於2026年6月11日至7月19日舉行，愛知-名古屋第20屆亞洲運動會(名古屋亞運)將於2026年9月19日至10月4日舉行，洛杉磯夏季奧林匹克運動會(洛杉磯奧運)將於2028年7月14-30日舉行。有意見指出，以上四項盛事是世界矚目的國際盛事，展現運動員刻苦訓練、頑強拼搏的精神面貌，是說好中國故事、說好中國香港故事的好機會，而製作大型運動會節目亦要未雨綢繆。

特區政府已分別於2021年及2024年購入了東京奧運會及巴黎奧運會的香港地區播映權，引起一陣運動熱潮。社會上亦有不少聲音希望特區政府能夠購入2026-2028年的奧運會、亞運會及世界盃的電視播映權，以確保香港市民能夠免費觀看國際大型運動會。鑒於以上情況，本人繼續提議特區政府購入以上四項大型國際運動會的香港區播映權，讓全港市民可以在電視上免費觀看大型國際運動會的賽事，為國家和香港的運動員打氣；並與三間在香港持有免費電視牌照的商業廣播機構及香港電台達成有關電視轉播國際大型運動會的安排，在牌照條件上加設以上條件，特區政府會全數支付購買國際大型運動會播映權的費用，各參與的廣播機構只須承擔所有製作費用，以及履行一些廣播責任和義務，包括製作節目，宣傳大型國際體育盛事，以及推動本地體育發展。

werelectricemu3

上一post已鎖  ，因此另開新貼



電視暨網上公眾諮詢會

公眾人士可報名參加電視暨網上公眾諮詢會發表意見 ...
Tonynck 發表於 2025-8-19 11:51

我覺得應該強制所有直播節目必須加上"直播" icon 讓觀衆知道

Tonynck

今年電視諮詢會又是Zoom搞，冇得親身出席