abyss

耳機唔似其他電子產品，貴唔一定好，反而平嘢有時會有驚喜。
   買其他電子產品，我會直接買同價位最 ...
hk133 發表於 13/8/2024 00:08

一味買埋啲國產平嘢質素當然唔穏定, 買返正路大牌子相對穏陣

唔係話唔好買平價國產, 但係既然知道自己有要求點解唔直接買隻好啲嘅要不斷嘥時間同錢去試

marcochl

回覆 10# hk133

我諗其實個重點都係要去現場試, 試左之後先知水平係點同夾唔夾
但有種老生常談就係好野唔會賣得平 (當然唔可以講貴=好)

ebtg

一味買埋啲國產平嘢質素當然唔穏定, 買返正路大牌子相對穏陣

唔係話唔好買平價國產, 但係既然知道自己有 ...
abyss 發表於 2024-8-13 07:49

出名如聲海 MTW3 都出現災情, 壞完又壞, 整完又整, 一年送修了三次個案為數不少, 壞到3代停產要換4代比客.  AZ80 都出現不少用家半年就一邊單元叉唔到要攞去代理整. 買大牌子唔代表質素穩定,  由其係 TWS 零件精細電子產品更易壞.  另外, 好耐以前買個三叔手機送隻定價過千既 BUDS PRO, 試完聲覺得D音質真係送到唔要.

Free888

回覆  hk133

我自己對電子既做法多數都由頂開始試, 之後按價位睇下自己聽唔聽到/用唔用得出分別
如果用得 ...
marcochl 發表於 2024-8-13 00:27

    但係如果個頂唔啱聽，你會盡快賣番出去？

我電子嘢嘅approach反而係先試性價比高嘅中低階，用到壞/唔夠力再慢慢升上去

jacktsui

呢啲豆豆唔少心跌一跌就隨時歸天, 唔敢買over 1千蚊

marcochl

回覆 14# Free888

應該話唔啱聽已經直接放低唔帶返屋企
我喺相機到領教過性價比某程度上係偽命題，因為到你要多少少果陣都係要買過
而且中低階轉手都唔值幾多錢，所以係咪慳到我有保留

hk133

一味買埋啲國產平嘢質素當然唔穏定, 買返正路大牌子相對穏陣

唔係話唔好買平價國產, 但係既然知道自己有 ...
abyss 發表於 2024-8-12 23:49

    開放式耳機普遍都係喺幾百蚊呢個價位，我買呢堆基本上都算係中階，低階、入門款普遍都係一百有找，有唔少數碼配件品牌都有賣埋開放式耳機。

    一味講價錢其實冇任何意義，之前已經講過原因我就唔再贅述。

    我會覺得試耳機係一種樂趣，好多時候唔係對自己手頭上嘅耳機唔滿意，而係期待其他品牌出嘅新嘢、或者跌價嘅舊款聲音表現會唔會有驚喜，比依家用緊嘅更好。只要唔係走去相信啲 DIY 小作坊吹到天花龍鳳嘅產品，質素其實係有一定保證。

    稱得上係伏嘅「調音大師」同 魅藍，其實佢哋都係各自用上不同嘅 OEM 方案，同一個外型其他品牌都用緊，只係佢哋調音唔掂先至變為伏嘢。

    中國藍牙耳機主要都係用某幾間大企業嘅 OEM 方案，尤其係唔少耳機廠商，根本不具備自己開發藍牙耳機嘅能力，就非常依賴呢啲 OEM 企業。雖然藍牙耳機睇落細細粒，但係裡面牽涉到高集成度嘅電路設計、精密嘅天線佈局、藍牙認證申請等等複雜事項，所以多數廠商，包括一啲冇咁大規模嘅 HiFi 耳機品牌，都係靠 OEM + 外殼小幅度修改嚟做出自己品牌嘅藍牙耳機。

    講下我買過嘅嗰啲品牌，QCY 有能力自己開發藍牙耳機，亦係最先開始做真無線耳機嘅中國廠商之一。
    Soundpeats、Soundcore 雖然係運動耳機品牌，但呢幾年都累積咗相當嘅口碑，海外銷售都有相當不錯嘅成績，
    Edifier、1MORE 都係有相當經驗生產 HiFi 耳機以及藍牙耳機，一個係三十幾年大品牌，另一個同小米有好大淵源，都係頗具實力嘅耳機大廠，
    FiiO 本業係 HiFi 播放器，近幾年踏入 HiFi 耳機呢個領域，成績都唔錯，呢次做真無線耳機係選用穩定嘅 OEM 方案 + 自己調音，出嚟嘅效果確實反映佢哋調音係有料到。

    真係要講「唔穩定」嘅，應該係售價，尤其係 HiFi 耳機廠商出品嘅耳機，一開始正價賣係要收回研發成本，佢哋物料成本其實唔高。賣到咁上下，回咗本就有好大降價空間。

hk133

回覆  hk133

我諗其實個重點都係要去現場試, 試左之後先知水平係點同夾唔夾
但有種老生常談就係好野唔會 ...
marcochl 發表於 2024-8-13 01:07

    開放式耳機係解決咗平頭耳機嘅漏聲問題，
    但係冇徹底解決到聲音衰減問題，而係靠低頻補償嚟改善聽感，
    喺街用要較到好大聲，否則好難聽得清播緊乜。喺街試唔容易，除非係去啲冇乜人幫襯嘅樓上舖。
    但真無線耳機好少有得試，開放式耳機普遍嘅價位都係唔超過 1000，要揾地方肯放 demo 出嚟都難。
    細間嘅唔講，Soundpeats、Soundcore、Edifier、1MORE 呢四間嘅開放式耳機，有幾多地方有得試、環境又適合嚟試？

    聲音衰減未解決到，買副 1000 嘅帶出街，同 1xx 一副大廠出品嘅冇乜分別，都係聽唔清 details。
    我諗真係要等到呢啲開放式耳機都做到 ANC，進一步減少環境聲嘅干擾，先至有機會好似入耳式耳機咁開始軍備競賽式瘋狂堆料。

jacktsui

開放式耳機普遍都係喺幾百蚊呢個價位，我買呢堆基本上都算係中階，低階、入門款普遍都係一百有找， ...
hk133 發表於 2024-8-13 16:24

Soundpeats 表現好穩定, 無投訴
Edifier 硬件好, 軟件就真係差左少少, 佢比較遲先開始搞真無線, 所以感覺上係落後左少少

jacktsui

開放式耳機係解決咗平頭耳機嘅漏聲問題，
    但係冇徹底解決到聲音衰減問題，而係靠低頻補償嚟改善 ...
hk133 發表於 2024-8-13 16:36

呢樣真, 條街咁嘈, 無anc既話, 幾好聲都係假...
所以anc耳豆需求係前所未有咁大, 亦都令都市場多錢流入-> 多競爭->換代快
舊款減價一樣咁快 一日未到科技樽頸, 一日都唔駛花大錢追到咁貼~