pobpob

當時亞視能否獲得續牌未卜，假如港視獲得牌照，肯定會加速亞視的滅亡，亦對「大台」利益造成明顯傷害。我 ...
daemongmong 發表於 2018-3-29 11:56

亞視當年跟本死硬，我反而覺得係政府有刻意吊住亞視條命，否則亞視一摺就冇借口唔俾牌wifi，睇返之後原來亞視冇交牌費，糧都唔出，政府都幫佢拖就知，俾著係其他公司，晨早已經拉人封艇。

peter_chan

同意佢見解，當年確實係見到成班熱血老中青，燒得慶喜之際完全係俾一盤冷水淋熄哂。

港視主席王維基出席一 ...
pobpob 發表於 2018-3-29 10:13

成件事﹐其實都好古怪的。
究竟點解當年會有官員叫維基做電視台?

當年維基被政府叫提意申請電視牌﹐但係當時ATV/TVB 2間公司的牌照又仲有一段時間。
馬後炮講﹐當時牌照未完﹐又再發新牌﹐會唔會引起問題?
事實就係2間公司都有出聲及相應行動。當中一次﹐好似係TVB出手做司法覆核﹐結果係法庭判理據成立﹐但係(發新牌照)未成事實﹐所以拒絕申請﹐但日後成為事實後可以再申請司法覆核。


之後﹐又多2間公司申請牌照﹐結果又係要有排等。


當時﹐仲係做新台的黃金時間。
好可能政府才發現如果短時間內出新牌照﹐現存2間電視台一定齊齊反對﹐一定會玩大﹐政府未必有勝素﹐引起好大後果的。
結果有線原本打算用2012奧運做免費台的頭炮﹐都係泡湯了。

結果﹐去到TVB續牌時﹐同TVB講明日後唔一定只有2間免費電視台﹐再去到ATV熄機﹐最大的發牌隱憂即時消除﹐政府才出牌給予viu TV 及 奇妙電視。

你話政府唔係關顧當時2間電視台﹐我唔會否認。不過唔係特別照顧TVB﹐而係唔係太想ATV進一步步入熄機。所以配合一直存在的法例觀點隱憂﹐一直都唔出新牌照﹐直至當時的牌照到期續牌﹐可以解決此問題為止。


維基台就一直都有傳聞就係野心太大﹐一口氣出大多台﹐政府講明怕入不敷出﹐好快燒完銀紙﹐叫維基修改做一中一英2個台﹐只係維基唔肯。


不過正如我一直所講﹐做免費電視台的黃金時代已經過了﹐就算維基有牌﹐條路都係極之難行。


計我話﹐"一男子"其實係打救了維基﹐如果出牌比維基﹐恐怕他 已經/未來三幾年 公司清盤收場。

frank817

另一個老問題，早在三個免費電視牌照申請也在審批階段時，因為拖得太耐，就有意見認為維基與其無了期等發牌，不如收購亞視，然後改革成港視；被拒發牌後，亦有聲音提議與其同一男子纏擾不休，又係不如收購亞視。但維基一直堅拒，又係乜野原因？

我明白維基被拒發牌後，即使收購亞視並成功改革成港視，不久後原亞視牌照到期時，也極可能被一男子拒續牌，維基可能就是擔心這點。但為何未被拒發牌前，維基仍堅拒收購亞視呢？

是因為亞視唔肯賣？是因為維基認為亞視已腐敗斬掉也不能重練，只能開新檔(尤其經歷過2008年的事)？

pobpob

另一個老問題，早在三個免費電視牌照申請也在審批階段時，因為拖得太耐，就有意見認為維基與其無了期等發牌 ...
frank817 發表於 2018-3-30 02:27

當時報紙好似話亞視應該係負債十幾廿億(好似王x要收返佢掉落去嗰啲)，再加上王x獅子開大口，所以唔會考慮。wiki做過幾日亞視人睇盤數又亂到七彩，但其實如果唔發牌有上面意思呢點成份，亞視大陸金主更加唔敢賣俾wiki。