[開箱] 頭戴式放大鏡

C_Law

源自這舊 Post  8#：
https://www.hkepc.com/forum/viewthread.php?fid=19&tid=2700420

之前用老花眼鏡貼片(以上舊 Post 4#)係香港 12文店間中有，12文/塊，如果逃的話連運費都十幾人仔一塊。

以上舊 Post 8# 的頭戴式放大鏡，20 人仔已經包幾塊不同倍數鏡片，睇落好抵玩，剛好逃開其他東西，一於逃埋攤分集運費。

由於貨源係山東，山長水遠，大陸段運輸都要時間(27號下午落單，28號朝早發貨，28號6pm速遞收件，30號朝早先至到東莞集運倉)。逃的時候都見過廣東一帶都有逃佬店賣這款放大鏡(不肯定是否一樣，或者只係近似)，但貴好多 ，要 30 人仔以上，不想等都可考慮。

剛收到集運 SMS，件貨已到自提點，一陣收工去拎，今晚有時間的話再上來講下試用效果。

ghost2377

(警告、警告、警告)頭戴式放大鏡，
头大戴唔落
头中戴完痛
头小岩岩好
不過不過不過真係唔舒服，仲會有小小头暈

liyee

回覆 1# C_Law


    支持師兄
拭目以待

C_Law

收貨後例牌動作，先去自修室去除多餘包裝。 (有廢紙廢膠回收箱 )

咁大盒！？


打開睇下，實際細盒好多，個外盒夠裝兩盒有凸！

開盒睇下，內有：簡中/英文說明書、頭戴架(已裝眼鏡臂)，橡筋帶(可拆走眼鏡臂改用橡筋帶箍住個頭)，一盒 5 塊不同倍數鏡片(1.0、1.5、2.0、2.5、3.5)、還有一塊仔眼鏡布(影相時未見到，原來係盒鏡片底 )。


初步試下，戴住眼鏡都仍然戴到這套放大鏡。重量主要靠眼鏡臂夾住頭兩側去枝撐，個人感覺夾住個頭的力度可以，夠力承托個鏡架(不過我未入電芯)，但又不會太緊，不至於樓上所講的夾到頭痛頭暈。

粗略試下加埋鏡片，用 1.0 鏡片睇返張英文說明書(細字過簡中)，效果都不錯，1.5 會更楚。不過由 2.0 起，雖然可放得更大，不過焦距較短，要靠近小小目標物件先至睇得清，用倍數越大的鏡片，就要越近。

暫時試住咁多，返屋企食埋飯再玩。

C_Law

之前話收貨時個外盒大到離譜，睇返集運訊息，入倉時報稱的重量係 0.6kg(但不排除集運報大數，外包裝己係自修室掉了去回收箱，無帶埋返屋企磅)，但去除多餘包裝後拎返屋企磅下，其實成盒都只係 0.32kg。


想話試下放入電芯後戴上頭的重量感覺，但搵了全屋都只係得一個遙控器內有 2 粒 AAA 電，不過這個放大鏡要 3 粒，所以無得試。不過就搵粒 18650 駁線入電池盒試下開著兩粒白光 LED，光度算係一般般啦，反正我不在乎，真係要戴住它去工作時都會開燈，基本上是不會需要開 LED。

個鏡架有兩個鉸位(紅箭嘴)，可以改變鏡片角度 and/or 同眼睛距離。


另外這個座也可以前後移動。


睇得清不清就視乎鏡片位置調校得好不好。

以下係一塊 ESP8266 WeMos D1 mini(for size reference，兩排針的針距係 0.1")，我用 3.5 倍鏡片，校好位置後(包括鏡片同眼睛距離，以及鏡片同塊 WeMos D1 mini 的距離)， 係睇得到上面貼片電阻的數字。如上面 4# 所講，鏡片倍數越大就要越近，我用 3.5 鏡片睇埋 WeMos D1 的貼片電阻，要距離/個鼻大約 20cm(因為戴住副鏡，度不到同對眼距離 )，太近太遠都 Focus 不到(大概 ±1cm)。


戴埋眼鏡，就大約是這個樣。


總括來講，暫時試用效果滿意。

以前用開這個座檯放大鏡，但鏡片直徑太細，好多時都只能單一隻眼經放大鏡望到工件(除非好好好好刻意就位置先至勉強可以雙眼同時經塊鏡望到工件)，結果失去立體感(單眼用辣雞，無立體感分分鐘辣到手指，盡可能要避免 )。現在用這副頭戴放大鏡，雙眼都可經放大鏡望到工件，立體感好得多。


最後，Post 埋份簡中說明書。

liyee

之前話收貨時個外盒大到離譜，睇返集運訊息，入倉時報稱的重量係 0.6kg(但不排除集運報大數，外包裝己係自 ...
C_Law 發表於 2023-7-31 22:53

多謝分享
遲下都要買個，

師兄你近視都好深下喎，塊鏡片邊咁厚

C_Law

多謝分享
遲下都要買個，

師兄你近視都好深下喎，塊鏡片邊咁厚
liyee 發表於 2023/8/1 00:10

兩邊都大約 350 度，不算深，只係副眼鏡 Cheap，最平的纖維鏡，所以鏡片厚。

HK2046

我見有日本youtuber都係用呢款插入式
可能冇咁熱同埋 輕啲
我上次收貨爛咗嗰個四塊放大鏡旋鈕調節式非常重
唔好買

hon829

簡單講 "物件+鏡片+眼"要長期固定hold著所需距離! 放大倍數越大景深越短, 頭一岳前岳後即蒙 戴住望下其他嘢好快知咩事
用顯微鏡時頭可接近目鏡可自然保持住, 這類眼鏡式放大鏡短時間望幾眼可以, 但要作業

最好樓主分享埋戴著焊嘢的經驗