救教大厦天線系統!

floorcrew

各位師兄好!小弟屋企收高清電視一切正常的,但最近突然冇咗31,32,33台,落去問大厦管理主任,佢話装過有線就會咁,叫有線揾人搞,我火都黎,係人都知如果靠有線收高清台,當你cut咗有線之後,有線唔同你normal返,乜高清台都冇晒啦,又點會得3個台冇得睇吖!擺明唔想做野,推得就推!依家問題就喺點解睇睇下會冇左3個台呢?(電視顯示信號弱或冇訊號),小弟對大厦天線只識皮毛,只知到有channel amp,分層amp等,會不會是channel amp弱咗呢?又冇得加大少少呢?謝謝賜教!

C-Leung

回復 1 #floorcrew


你收到奇妙76 77?
我大廈嘅有線天線就remap咗rthk去ch54而唔係ch62
你可以試下追一次台睇下會唔會追得返出來

不過有線天線之前係收唔到rthk
另外睇睇下無啦啦冇咗又真係幾古怪

wklie

不過有線天線之前係收唔到rthk
C-Leung 發表於 2016-11-16 08:57

In my case, my building antenna/amp does not carry RTHK, but if I switch to iCable feed I can get RTHK digital TV (and 76/77).

C-Leung

回覆 3# wklie


唔同大廈天線系統唔同做法
估計有d會落channel filter保留主要頻道(e.g. ATV ch21 23 25 27 + DTV ch22 35 37)避免過多雜訊
由於ch62係之後先廣播，加上天生訊號弱所以大廈天線系統收唔到都唔出奇

我住果度嘅cabletv天線系統初頭係冇rthk訊號嘅(當時用icable上網)
所以一路都cabletv mix大廈天線咁去收齊d台同上到網
之後cut咗icable就唔再收cabletv天線
直到近半年cable準備開台，又由大廈天線轉去cabletv天線，先發現cabletv天線已經有rthk仲remap咗去ch54

boot

回覆  wklie


唔同大廈天線系統唔同做法
估計有d會落channel filter保留主要頻道(e.g. ATV ch21 23 25 27 ...
C-Leung 發表於 2016-11-17 21:52

好奇怪,呢1-2年幾,部電視唔知點解突然無左大厦4部升降機的閉路電視畫面,只得番大門口按密碼的閉路電視畫面,但我睇到同我同一座大厦的對面隣居部電視又可以睇到大厦4部升降機的閉路電視畫面,請問ching係咩原因? 謝謝!

C-Leung

回復 5 #boot

呢個就難講，照計閉仔行atv，唔會收唔到最多收得差

boot

回復 boot

呢個就難講，照計閉仔行atv，唔會收唔到最多收得差
C-Leung 發表於 2016-11-18 18:40

真係收唔到,試過自動搜台幾次都唔得,記得好似睇開的原本閉仔頻道變做"奇妙電視中文台"頻道...

C-Leung

回復 7 #boot

撞channel?又或者你用緊cable天線，對面用緊大廈天線？

boot

回復 boot

撞channel?又或者你用緊cable天線，對面用緊大廈天線？
C-Leung 發表於 2016-11-18 21:32

唔知係撞channel定點,我個大廈係cable保養,對面用緊大廈天線會正常收到閉仔頻道4部升降機畫面?
試過找護衛員,佢要求上門檢查...

floorcrew

多謝各位師兄回覆!我座大厦管理公司一味話唔關佢地事,叫我揾Cable電視黎整,我再三堅持下,佢終於派咗個所謂師父既人跟我上樓試,重帶埋個Mon仔比我睇,佢查實原來係水電師父,阿叔黎既,點知佢喺掣房試到比我睇有港台之後,就沾沾自喜,有佢講冇人講,又粗聲粗氣,靠嚇咁款,務求要你收貨了事!於是再帶佢入屋,第一個天線插座位又收到,到第二個位(駁電視)先至收唔到,我話我冇郁過任何野,一直睇緊冇事,好大可能入屋訊號弱左,佢就粗聲粗氣一口咬定話係我屋企內部天線bad contact,唔關大厦事,跟住賴叻咁走X咗!我條氣當然唔順啦,於是醒起用部Magic TV睇各台啲訊號,所有台訊號強度40-43%,訊號質素96-99,唯獨港台三個台訊號强度得36%,訊號質素得71-76(浮動的),有線奇妙電視訊號强度38%質素98%,好明顯我既推測喺正確既!港台頻段訊號比其他台弱是不正常的,問過下人,佢估計應該喺管呢段頻度既Channel amp有問題!我好奇怪呢間大厦管理公司(康業)啲員工唔喺去幫住户解決問題,而係諗辦法盡快要人"消案"!自己一知半解,又唔多想揾專業人員去處理問題,只求甩身!呢單嘢我唔會就咁算!!