合併多個excel files

神奇嬰兒.

公司每月都會派一個excel file俾十幾個sales 同事,入面有1000個row

內容大致係
第一個column係客戶ID
第二個column係客戶名稱
之後嘅column就係嗰個月賣貨嘅資料,例如Column C 係第一張單嘅日期,Column D係第一張單銷售額,Column E係第二張單嘅日期,如此類推

個excel本身係按客戶ID 由1至1000咁排

每個同事負責嘅客戶都唔係順序,例如同事A負責客戶#12, #25, #101之類
同事各自入自己賣左幾多貨落佢地個excel 度
下一月頭就由我收集返呢十幾個同事嘅file,
然後合埋做同一個交上去俾老細
但大家想像到,每個同事俾我嘅excel入面, 1000個row,可能只係得幾十個分散嘅row 係有客戶ID同名以外嘅野 (即係嗰個月係有賣貨嘅)

我而家嘅做法係將呢十幾個file 嘅1000個row,不論有數定冇數,都copy晒落同一個file
然後按Column C做sorting, 再delete 晒Column C 係空白嘅row

雖然都做到,但想問下,有冇方法可以快啲合併到做一個excel?
(最簡單當然係重新執過派俾同事嘅excel,或者叫同事整理好先俾我,但現實做唔到 ...)

希望各位指點下！謝謝！

via HKEPC Reader for Android

Aÿ

如果本身個template無鎖死格式，又如果做唔到源頭管理，你做咩都無用，總有人會insert D奇怪資料/row/column奇怪格式甚至加上comment
與其要handle佢，不如乖乖地人手做

東尼仔

試下咁共用
https://support.microsoft.com/zh ... c-a3bb-3024e46fb104

cake

下載 (124.59 KB)

2022-5-26 16:29

神奇嬰兒.

回復 2 #Aÿ

師兄講得啱
源頭做起係最好，可惜實行唔到

via HKEPC Reader for Android

神奇嬰兒.

回復 3 #東尼仔

公司好老土，同事間亦都唔想公開自己嘅條數

via HKEPC Reader for Android

神奇嬰兒.

回復 4 #cake

好，研究下先
上網搵到啲介紹都係改column
係咪可以箍走某啲符合條件嘅row?


via HKEPC Reader for Android

cake

回復 cake

好，研究下先
上網搵到啲介紹都係改column
係咪可以箍走某啲符合條件嘅row?


via HKEPC Reade ...
神奇嬰兒. 發表於 2022-5-26 19:09

你combin左，之後可以用Pivot table做箍選，估計從combin到箍出來整個過程，熟左之後唔使5分鐘。

victor59hk

如果係 csv
cmd prompt
copy /b file1.csv+file2.csv result.csv

zero-lam

如果係 csv
cmd prompt
copy /b file1.csv+file2.csv result.csv
victor59hk 發表於 2022-5-27 21:39

好多人都唔知 csv 係咩黎, 要教佢地好難
csv 仲有分用咩符號, character 用咩 code..............