機頂盒硬碟機出現Error 127點算好？(已解決)

本帖最後由 diy-apprentice 於 2017-3-20 14:25 編輯

先前看過有其他人有這經歷，今日終於輪到我了！原先用開個WD 1TB Black錄左幾個星期的節目，早上仲用緊好地地，下午想將硬碟機的節目抄出來整理一下，點知一上電腦就話Error，再放返入去3200D和3300D機頂盒內，均同樣出現問題，亦試過用這兩部機內置的功能來嘗試修復，但兩部都不成功！

有無人試過用其他軟件或方法真係可以成功救得到呢？希望能分享一下經驗！謝謝！

0

0

diy-apprentice

進階會員

Rank: 3 Rank: 3 Rank: 3

2^#

發表於 2017-3-20 14:28 | 只看該作者

搞左成日，試左好多隻軟件都係無料到，搞到無晒癮！那些所謂可以救得到的軟件，講真我就真係無晒信心！點解咁講，因為佢地連我隻硬碟都detect唔到，又或者聲稱話搵到我隻碟內的一些檔案和資料，不過就完全係九唔搭八的結果，我的只係機頂盒錄出來的節目，點有變左咁多無厘頭的其他檔案？跟住就同你講，要俾錢買佢個正式版，在這個情況下，你會點做？

TOP

diy-apprentice

進階會員

Rank: 3 Rank: 3 Rank: 3

3^#

發表於 2017-3-20 14:31 | 只看該作者

就算我真係肯俾錢買，但假如之後完來一樣係無料到，又或者幫我救番一堆唔知係乜野的檔案，根本完全唔係我之前的錄影片段，到時就真係賠了夫人又折兵，盞激氣添！其實昨日我試過用Win 10的chkdsk等，但佢連我個硬碟機都讀唔到，更唔好講進一步的行動去救了！

TOP

diy-apprentice

進階會員

Rank: 3 Rank: 3 Rank: 3

4^#

發表於 2017-3-20 14:36 | 只看該作者

本帖最後由 diy-apprentice 於 2017-3-20 14:37 編輯

今日，諗住都係即管試一試，試埋唔得就早抖算數的心態，走去搵另一個舊OS，插返隻Win 7的OS落去部機，再插埋這隻讀唔到的硬碟機入去，跟住開機，當然係同Win 10 一樣話detect到新HDD和建議scan檢查啦，但之前Win 10的scan唔知點解真係無料到！但這次奇蹟出現了！Win 7的竟然可以detect到，並且列埋一些error出來，跟手同我修復埋添！入到Win 7，就真係可以讀得到這硬碟機，並且內容絲毫無損！而家我就馬上將佢地全部抄返晒出來去另一個硬碟機！估唔到原來Win 7真係有寶架！