機米鬆脫問題

Super169

之前砌左部 玩具CNC, 砌完之後, 咁耐都無野出...之前送漏既野都補番哂了, 但就一直都比粒機米玩死.

由於平台同XY軸本身有一定落差 (左右相差超過 1mm), 如果要雕 PCB, 一定要先銑出一個新平台.
為左銑一個 100x100mm 既平台, 呢幾日都係咁試, X軸甩機米, 我玩左幾日, 浪費左幾塊膠了.
之前試簡單 D, 切細膠件 (搵唔到合 size, 買左塊大左既膠, 要先切細), 每次只行 X軸去試.
發覺基本上就算唔係挖緊野, 只要開住電機, X 軸來回一次 (每次 90mm), 中途已經甩左.
尋晚忍唔住, 扭到好實之餘, 之前部野印機同步輪都有甩機米, 所以買左螺絲膠.
試下再落埋螺絲膠, 初時只落一滴仔, 唔掂.  尋晚最後再落多 D, 圍哂邊, 等到今朝乾左再來, 一樣係甩.  
問過賣家, 佢都賣出左好多部, 都無呢個問題, 叫我同其他軸換黎試下.  又要拆機, 真係唔多想.
而且今次主要甩 X 軸, 有可能因為我係打橫行, 切膠同銑平台都係一樣, 開住電機只係推 X軸為主, 所以受震影響最大係 X 軸.

想問問,

1) 螺絲腸咁樣落, 對機米得唔得呢?  家陣次次都係甩牙條果條.

下載 (68.78 KB)

2015-9-20 14:28

2) 我肯定已經好大力扭了, 連條牙條既紋都比我扭到凹左.  機米換過, 落埋膠都唔得, 都仲係好易甩, 有無其他辦法?

bunbunlui

回覆 1# Super169

條絲杆接聯軸器嗰度有冇銼平少少？即係好似D型電機軸咁，等機米食得實d

(Sent from HKEPC iPhone app)

Super169

回覆  Super169

條絲杆接聯軸器嗰度有冇銼平少少？即係好似D型電機軸咁，等機米食得實d

(Sent from HKEP ...
bunbunlui 發表於 2015-9-20 14:59

oh... 要咁做?  唔知添.  無銼到....我以為果 D 係訂做至會咁, 尾端無牙同埋有個平面上機米.
不過, 家陣條牙條可以由另一邊經螺母拆出黎換的.  我怕會唔會銼平左, 第日過唔到螺母拆出黎, 就一定要成架拆開至得.  而且, 家陣既問題係粒機米鬆左出黎 (我都唔明, 落埋膠都可以鬆出黎), 而唔係牙條轉開.

monogram

2樓正解，要有平位至注得實。好多步進支軸都有平位，係 D字形狀。

高登阿伯

回覆 3# Super169

聯軸器係鋁件?

Super169

2樓正解，要有平位至注得實。好多步進支軸都有平位，係 D字形狀。
monogram 發表於 2015-9-20 15:15

家陣出現既問題係機米鬆脫, 而唔係支軸鎖唔緊打轉.
試左幾次無為意, 成粒機米跌左出黎, 就算支軸左右有平面都無用喎.   
不過, 有個平面會唔會食得緊 D 就唔肯定, 但我睇佢轉轉下甩出黎, 可能作用唔大.
anyway, 無計既話, 可能都要一試.

Super169

回覆  Super169

聯軸器係鋁件?
高登阿伯 發表於 2015-9-20 16:56

yes, 係剛性鋁合金聯軸, 呢個我當初亦問過賣家, 因為要求精確度高, 剛性比彈性既好.
但同樣會帶出一個問題, 就係避震能力差.  佢話初時佢都有甩, 但都唔會話行幾步都唔掂.
我初時都可以玩幾耐下的, 不過當重裝一次後, 開埋主軸電機, 就超易甩了.
只係奇怪, 落左螺絲膠, 應該頂得下一定既震動, 但都可以轉轉下咁鬆左, 只係粒螺絲唔會飛走.

可能會試下買支彈性既睇下, 係咪準確度會差好多.  不過, 香港唔知邊度易買到.

高登阿伯

回覆 7# Super169

THX，會咁問係我懷疑聯軸器嘅螺絲位已經蝕咗，所以用螺絲膠都係上唔實。

螺絲膠係厭氧膠，要靠缺氧觸發固化反應至黐得實，如果螺絲位蝕咗中間空隙太大，缺氧程度唔夠，固化不全，所以黐唔實。

monogram

回覆 6# Super169
用 剛性鋁合金聯軸器, 絲杆 與 步進軸心 要有很高的同心度, 否則支軸會有扭動的情況
一係粒機米注得實就支絲杆轉動不順, 一係粒機米注唔實就很容易番鬆出來。

Super169

回覆  Super169
用 剛性鋁合金聯軸器, 絲杆 與 步進軸心 要有很高的同心度, 否則支軸會有扭動的情況
一係 ...
monogram 發表於 2015-9-20 21:23

oh, 我用眼看, 感覺到支軸有少許上下擺動, 不知是否你說的 "扭動的情況", 但我也不肯定會否自己被螺紋影響而看錯了.
你的說法, 好像太實也不一定好, 我一直以為要夠實才可以, 請問有什麼方法呢?