Antec H2O 1250 開箱評測

之前epc呢度搞左個活動係antec 650一體水既開箱文活動

見到呢位師兄介紹話水冷頭識得感應到cpu高溫時會識得將led燈轉會紫色

多段轉色,對於透明側版既用家而言可以話係一個吸引之處

之前都係用普普通通既雞野散熱器,今次索性買隻好小小既,見佢雙水泵設計好似幾勁咁

早幾日落腦場同個fd買antec 火牛都唔見

再為家中增添一名antec成員,之前入手既係antec hcg620m貪佢唔洗插咁多線

1250佢既扣具支援目前絕大部份現有或較早前既平台

產品特色,雙水泵都幾有特色,市場上都比較小見,同埋其他產品個樣都比較囧所以都吸引唔到我

只係識小小雞腸,應該就係話水冷頭係用銅打造同埋利用雙水泵有效將熱力帶走

水冷就最驚漏水,三年保都算合理個保養期

聞名不如見面,見到雙水泵既一面,知道佢係什麼樣子
見到奶白色既風扇就諗起OREO LAM一LAM個廣告

水冷頭之前提過銅來,Antec仲預塗散熱膏,省去不少時間

水冷頭仲有反光,影得唔係太清楚,見諒

應該係鋁排黎,標準雙12cm

接口位包到密密實實,相信無咁易漏水

水冷泵上面仲有方向指示,到時過左保再diy都應該有d 頭緒

呢度應該就係水冷既核心,水冷泵既所在地

本身兩把fan 係連住條控速線,不過我手多蚊左出來

就算之後再加多兩把風扇用來做抽出都可以集中控速

扣具就係整合左amd同intel,只要輕輕力就可以轉換到intel 或amd

只要用黑色既膠塞塞住佢就ok,前背版就有分amd同intel 兩面

如果你係amd既用家,你可以考慮用番原有底版既扣具

用amd original back plate 呢一set 野就可以將水冷頭鎖緊

左邊螺絲係用來直接上落機箱,而右邊螺絲係比我裝抽出風扇時用

antec驚死你部機唔夠位,佢仲跟左個額外支架去比你轉換安裝位置

上機之前試下有冇電到先,見到紫燈都安心d

都算係幾靜下同埋個PUMP唔多察覺話有聲,當然check過個pump係working啦 haha

拎來打機今次實無死人啦,粒u唔算話好勁,係間房熱左小小姐

如果連雙水泵都壓唔住,咪有好多人部機死先過我;P

拎上手唔算話好重,唔洗驚話壓爆版,輕輕8粒螺絲就可以將佢掛上機箱頂

出廠個時配件包裝好,一袋袋分好了,減小機會用錯零件而浪費安裝時間

安裝時間方面唔算特別長,說明書亦都好詳細"立一立"都明佢要點裝