少女終末旅行 - 有劇透, 少少感想

db3

好似唔係好多人講呢套動畫, 呢套係我近來可以一集接一集睇追到結尾, 尋日得閒一口氣睇晒,

op, ed, bgm 好聽, 每一集都有兩個人係末日旅行既日常, 睇星, 風呂, 兩聲, 拍照, 烹調, 月下共舞, 睇落真係好治癒, 但係我每次睇完反而覺得有點心酸, 兩個女仔可唔可以一直生存落去? 食物會食完, 水會飲完, 沿途除左見過兩個人外, 一直都見唔到有人, 四周一片死寂, 架車壞左點算 (雖然第一次壞左有人幫手整返), 如果出意外其中一個香左另一個會點, 佢地就好似係剩餘時間作樂, 因為唔知聽日會仲可唔可以生存落去, 可能有人會講, 睇動畫啫, 使乜咁認真, 或者我自己代入感太強吧, 但係一唸到兩個少女一直咁開心, 有一日要面臨斷水斷糧, 車又壞埋, 佢地會點過落去?
  

睇完動畫, 今日食午飯再補漫畫, 真係烏鴉口, 後續情況愈黎愈差, 當佢地要放棄一直陪住佢地行咁耐既車, 其中一個喊左出黎, 最後講左句一直以來辛苦你了, 我都有D眼濕濕, 好多評論都話最後係BE (因為佢地已經乜都無晒), 甚至講下一話應該係最終回, 作者係TWITTER 只係講下一回係1月12日, 但無講係唔係BE, 希望係HE 吧。

0186

知音人~
http://www.hkepc.com/forum/redir ... 36&pid=37019520

但我未補漫畫一真係好耐冇一口氣清晒, 對上一套唔瞓都要睇晒應該已經係傳頌之物
季初都冇想會追e套, 但睇完第一集,單單因為bgm, 機車聲, 金屬水管, 主角的食相.....已經好突出

套動畫有大和號的影子, 旅程一直走, 都是我們現代的文字, 標誌, 武器等等, 但歷史沒留下, 使主角有一種在山洞避世, 很久出來的時候世界已經完全不同了, 要不停前進, (用手指讓風決定...)

bgm看來做得好用心, 起初以為雨だれの歌好似監獄兔果d咁...原來歌詞加上兩位(小女孩)唱出來好有感覺

終ワリノ歌更是一首好似幾熟既歌>>新海誠的星を追う子ども 用礦石收到了靈魂的旋律好相似, 個人喜好這一類的歌

【漫画版】ボーカロイドと終末少女 | こころりぴ
https://www.pixiv.net/member_ill ... ;illust_id=66470183