[開箱] $1000 大廠一圈四鐵 - 享听

今次試左呢隻幾冷門既一圈四鐵耳機。今次買前向賣家問清楚係咪可以試聽退貨，因為曾出現盲衝失敗，所以要小心買。因為順豐寄野番大陸好麻煩，所以要退就要用ems.
講番隻耳機，1000頭，一隻圈同四粒婁氏單元。睇spec 係好抵玩，加上而家kz cca 個啲用大陸單元都講緊700以上。所以1099係可接近。
耳機冇得揀顏色，我自己就較中意佢隻一圈兩鐵，可惜得紫色。
耳機黎到，如我所估計，冇包裝，耳機比我估計細隻，而且輕身，配戴感非常好。兩針插有少少緊，可能係新做關係。
高中低頻相當順滑,超級中正既聲音，音場闊,定位幾出色。店家同我講每隻耳機都係人手做,所以造工，聲音都相當嚴格。佢個高頻分析力高，盡行黎唔刺，而人聲同樂器聲都取得一個平衡, 低頻係呢隻耳機既重點，粒圈有質素,鼓聲有層次，並不是只提供重低音既效果。
我專登拎左老豆隻campfire solaris 比較，我買唔起大廠，只玩大陸耳機。
呢隻一圈四鐵vs一圈三鐵。
聲音係相當接近。我老豆聽完都冇野好講，十倍價錢。
對比佢另一隻vega，低頻就冇咁打入心，但音樂感平衡好多。
我開翻李克勤隻演奏廳聽，更令我中意隻耳機，樂器定位好好，左右樂器距離感不得了，真係臨場感相當豐富