FF16 會係第一隻 16禁 FF ? #2023年6月22日發售

bobopig

SE 咁大膽用生招牌, 唔用隻新遊戲黎搞......?



《Final Fantasy XVI》巴西評級成人遊戲    含暴力、性內容相等歐洲 18 禁

《Final Fantasy XVI》早前推出的預告片獲得泛歐遊戲資訊組織（PEGI）的臨時 18 級評級。近日巴西評級委員會亦將《Final Fantasy XVI》評為 16+，並指出遊戲內的不良內容。

由日本電子遊戲開發商 Square Enix 開發的《Final Fantasy XVI》被巴西評級委員會的分級系統警告含暴力、血腥、酷刑、性、部分裸體及使用毒品的內容，甚至具仇恨犯罪、企圖強姦或性脅迫的情節，或會引起廣大爭議。為了方便大眾，巴西評級委員會更將《Final Fantasy XVI》潛在的冒犯性內容詳細列出，並標貼適當的年齡限制於各個內容旁：


武器暴力（10）

性吸引力（12）

暴力行為（12）

非法使用毒品（12）

暴力描述（12）

性暗示（12）

身體傷害（12）

粗口（12）

性語言（12）

模糊的裸體（12）

血（12）

受害者的痛苦（12）

色情（14）

污名/偏見（14）

故意殺人（14）

裸體（14）

賣淫（14）

性交（14）

仇恨犯罪（16）

強姦/性騷擾（16）

自殺（16）

酷刑（16）

無端暴力/輕視暴力（16）



資料來源：Wccftech

Pppk

时代唔同边禁到
由god of war有啪啪啪进入游戏机界,道德已经伦亡

Okt04175

Game迷會大個，遊戲系列跟返最主要班Game迷一齊變成熟係好事，編劇嘅心境最終都會變。

而家最主要嗰班FF系列玩家都係已經長大成人，而提到細個班玩家都細極有限，嗰系列已經冇乜低齡新玩家入坑，出新作再唔就返班長期肯出錢幫襯嘅成年玩家就遲早會萎縮。

之前有唔少JRPG系列新作曾經被批評內容冇進步越嚟越覺幼稚難以代入，FF15拉唔到幾多新人入坑，咁出FF16就當然要好好咁迎合返啲米飯班主。FF7重製版好賣過FF15已經係答案，做商業遊戲最後都係要睇錢做人。討好潛在顧客不如討好現有顧客更實際。

新一代Game迷鍾意玩無乜劇情可言嘅玩家對玩家競技類Game，仍然有好大興趣玩3A級遊戲又捨得第一時間幫襯新作嗰班Game迷唔係接近成年就係已經成年都接近中年，咁樣啲劇情為主嘅大型RPG系列就算再點樣嘗試迎合班兒童Game迷都唔會搵多咗。

我係PS1時期FF迷都想嚟緊系列新作啲劇情可以更接近返自己嘅心境，玩劇情Game有共鳴代入到係最重要。
正統作走成熟路線，外傳作走全年齡路線，主力留米飯班主順便間中吸新客，咁樣先係最穩陣做作。

---

大清年代過咗就返唔到轉頭，鍾意玩LOL/PUBG嗰啲細路大多數都對FF系列冇興趣，其實唔止FF系列根本係對3A級遊戲冇興趣，再過多幾年3A級遊戲就會畀再新一代細路話係大人先鍾意嘅玩意。

shingzhk

Game迷會大個，遊戲系列跟返最主要班Game迷一齊變成熟係好事，編劇嘅心境最終都會變。

而家最主要嗰班FF系 ...
Okt04175 發表於 2022-12-8 00:30

唉, 講起FF7R好賣過FF15就一肚火
正確來講係正方形社整隻FF15真係垃圾到我都諗唔到可以點形容
成個故事主題係咩? open world 買個基佬去旅行周圍打卡? 講真成隻Game我最enjoy係釣魚
召喚獸系統搞到不知所謂, 魔法變成要係大自然搵石頭充能都唔知為乜, 算啦戰鬥系統再爛都好FF一向賣剷情

FF我真係好少有, 幾乎完全對佢劇情冇印象, 王子為繼承王位旅行修練? 是但啦總之冇深刻印象
明明N年前玩果堆FF7~FF13.3 都仲記得
最後吸左去異空間, 乜都解釋就過左十年世界進入黑暗, 得到力量既主角去單挑元兇? 一D鋪排都冇,
女主角得閒攝下鏡後行蹤不明, 打爆機突然來個FF劇情出返來happy ending?! 我睇緊乜?
佢似係想抄FF0最後全部死哂, 眾人FF有幸福校園生活果幕但完全做唔到

最噁心我既係佢賣DLC季票, 隔左代FF14冇玩, 本身都想支持下佢地叫做買左(記憶上好似成隻Game價錢)
結果由我買完放係到, 慢慢玩, 拖到白金, 再放到海枯石爛我都唔知我買左D咩
去到幾年後偶爾check獎杯先見到佢有追加chapter有第2個白金, 但已經完全冇幹勁
其實比錢佢賺真係唔係問題, FF7R 拆幾隻我都照買, 問題係買完返來覺得完全唔值, 甚至賣搵笨期貨, 令我好反感

FF15除左爛到骨子裡, 我都唔知有咩好評價
明明FF13一開始融入機械元素既科幻世界仲好比到衝擊人
世界角色人物戰鬥全部都好鮮明, 當作吸引新手份坑都有足夠條件, 中間到底發生咩事?
如果佢用今日技術, 出返當日FF10感樣王道作品我覺得已經好夠食
起碼冇突破都唔會中伏可以穩穩定定地吸引人玩

Eleden Ring /只狼/地平線呢D都(算)係RPG, 如果你做得好一樣有Player賞識
唔同意而家D細路只係鐘意玩競技系, 如果做得好可以引起爆發性話題, 仲可以順道擦靚FF系列招牌, 吸納長線玩家
(我就係玩完人中6, 覺得隻Game好有心做, 先倒轉返去玩012345)
相反, 真係冇心做就學人中系統感索性摺左佢, 改過第2個title算罷啦

Pppk

FF15就係劇情導演太差,戰鬥系統想爽快但唔爽快~
都有留意個故事其實唔差,不過真係安排得好差,故事個前導應該唔好話主角係走難,應該係先冇乜事,再發生大件事,搞到人人覺得主角唔係走難而係郊遊

Okt04175

唉, 講起FF7R好賣過FF15就一肚火
正確來講係正方形社整隻FF15真係垃圾到我都諗唔到可以點形容
成個故事主 ...
shingzhk 發表於 2022-12-8 02:40

FF15做到虎頭蛇尾同埋PC版收尾嘅開發棄埋坑係不爭事實，不過之前舊作啲劇情跟唔上而家啲青少年嘅早熟程度都係事實。

啲遊戲內容尺道分級標準明顯跟唔上時代發展，所謂18+分級標準嘅野根本而家大部份青少年平時上網已經接觸開，啲13+分級標準嘅野班細路平時都從家姐/阿哥度了解咗，班左膠政棍係應該要面對資訊發達年代細路同青少年早熟嘅事實重新修訂分級標準，啲Game廠繼續就住過時嘅分級標準整新Game遲早會搞到某代細路都唔再欣賞全年齡Game嫌幼稚。

---

畀我做監護人我會早啲陪細路玩13+嘅遊戲早啲教定一啲觀念，睇現今社會就知根本係早熟嘅細路先會喺10幾年後嘅社會撈得順利。自己口講道理都唔夠陪細路打機同佢簡單解釋下啲劇情概念咁樣更有效教到嗰細路自己建立一套社會、人生&價值嘅觀念，冇互動純粹聽人講同打機有互動情況下接觸到嘅入腦程度差好遠。

不過政棍實係怕承認新一代人早熟，佢哋最想下一代維持返上個世紀咁天真遲熟咁樣自己先可以更輕易咁玩愚民政策。人心越複雜嘅地方啲細路同青少年就係越早熟。

Xingson

細路只會玩手機，頂多加部Switch
其他家機同PC基本上只有成人市場
R18有乜問題？

不過聽聞巴西嘅家機係超級地貴
唔係話主要市場仲係世嘉5代咩？
呢D最新銳遊戲真係會拎去果邊做評審正式發行？

shingzhk

FF15做到虎頭蛇尾同埋PC版收尾嘅開發棄埋坑係不爭事實，不過之前舊作啲劇情跟唔上而家啲青少年嘅早熟程度 ...
Okt04175 發表於 2022-12-8 07:57

內容尺道唔係問題, 只係表現手法
FF主題一向都係水晶光芒既SF之旅, 係呢個大主題之下唔應該扭曲得太遠
如果玩家希望見到18+內容, 直接買相應主題遊戲還比較快
特別係最近既FF15, 除左戰鬥部份直情連幻想風都消失埋, 美國西部城市做背景?

bobopig

剛剛出左.
正式發售日, 2023年6月22日.


好似幾正.......召喚獸出場幾多. 仲可以亙打.
今集著重動作多D ? 唔駛開車四圍走?