[測試] Meyer-Optik Görlitz Oreston 50 F1.8 拆解分享(完)

imback

籌備左兩個幾月,又睇好多資料教拆鏡,又搵工具....琴日由四點幾打到10點半,終於搞店.
資料:

Meyer-OptikGörlitz Oreston 50/1.8勝利之吻(水银质感)

有三个版本：1Q细斑马，细斑马和大斑马，其中大斑马不打板，质量最好的应该是1Q细斑马。
我呢支係大大斑马, 當年上網買好似3百蚊有找

镜头结构 Oreston

镜头类别
标准,双高斯对称设计

发售日期 1965

卡口类型 M42

镜组结构（片/组） 6片

镜头焦距(mm) 50

最大光圈(f/) 1.8 , 2.8, 4, 5.6, 8, 11, 16

最小光圈(f/) 22 (大班馬只有16)

光圈叶片 6

最近对焦距离(m) 0.33

滤镜直径(mm) 49

引述網上說話:

meyer在高光控制上大大强于pentacon，meyer高光细节相当的丰富。而pentacon则很容易高光“死白”。

强悍的高光层次，优秀的暗部能力，浓而不腻的色感的优秀质感。

于老镜头优秀的高光层次捕捉能力，高光层次很难过暴，既然不过暴就不会溢出，不会溢出，自然很少会有紫边，低反差的，这类镜头在阴天使用会产生反差过低的问题，反而在晴天能够表达出强烈的优势

meyer的红色属于比较沉稳的，略带冷调，层次丰富，但是和海尔比有点缺乏活力。

支鏡最主要問題是漏油,底部M42接環都有油滲出,要用紙巾刷乾淨,鏡片邊有奇怪污漬,光圈葉面有漬,成像有D曚霧化發白



大多數人呢支鏡都係外觀呢個位磨到入肉露白,附近有粒唔起眼既彈彈掣,按下會收放光圈


最先扭開呢粒微細一字螺絲,約0.2MM左右,切記扭到一半左右就停,唔好整跌出黎

背面粒螺絲突出少少
佢作用係頂住前面蓋唔好跌出黎

用個膠筒扭開前面蓋



去到鏡底用淘改液,螢光筆做記號,其實裡面每個小部分都要,我頭一次無經驗無做,網上好多人用尖既野刮傷鏡頭做記號,勁蠢!

用膠筒托底免刮傷玻璃,小心用卡尺免前功盡廢意外!

呢個吸嘴唔多得,吸唔住有時,前組呢兩塊玻璃太實,扭唔開,用淘番黎溶膠水都唔開

光圈結構,底部最後一組鏡片

最初用平價棉花棒加酒精刷,佢會拉D絲出黎,黐係光圈葉上面,後來用BB細棉棒就理想好多
呢個光圈葉好好玩,底部支針按入按出會自動收放光圈,不過酒精整濕即時卡住,嚇死個鏡筒旁邊個彈彈掣都傻埋,唔識彈

刷到乾乾淨淨

刷走舊油,加乙類油


一打開呢到,預感有危機,果然係刷乾淨後組鏡片後,裝磡返入去光圈葉唔識收放,旁邊個彈彈掣無哂反應,佢個結構係有三何凹陷處,一個圓棍,兩個係食住兩條鐵針,三樣野歸位連動光圈同焦距,我搞左好多次好耐都唔知咩時間,終於有次成功收到光圈,扭番3粒大螺絲後,發覺個彈彈掣唔識彈,又收唔到光圈葉,唔知咩野事,之後轉轉下又神奇正常番!

蓋番原位,用淘改液做記號,網上好多人都係衰係呢到.

其實個小圓環有無分底面?我忘記做面向上記號,玻璃片無法做記號,所以好少心唔好搞錯底面方向!

除左第一組最初無法成功扭開外,其他都好順利同一個逆時針方向輕輕擰下就開到

鏡尾個光圈葉好乾淨唔洗清,之前清左十幾分鐘,十幾支棉花棒




苦戰最後十點零鐘想放棄,把心一橫暴力一D終於開到五十多年都未開過前鏡組,兩片鏡片好易認,因為得佢係凹凸,凸一家向外,唔怕搞搞錯,因為用專用濕紙巾刷點都會留D印,加上又唔係食呢行飯,邊有咁專業一刷就完美,每片鏡片都刷左十張八張,呢組裝回金屬環,係LED燈睇仲有印殘留,又拆過,玩到人都謝皮.

最尾搞到十點半,睇埋佢細老支Pentacon 50/1.8有D污漬,又清左鏡表面同UV FILTER就執野收隊,累到爆由下畫4點幾到十點半!

拆鏡果日下晝4點幾,影左張一張全開光圈同F8,兩張都黃黃地色第2朝11點又同樣影左3張相,其中一張最近對焦距離影鏡頭藍
全開光圈,"黃大仙"既字既然清過未拆鏡之前,暈

照理清左D污漬,理應影像會提升??再對比其他位置,清潔左既相,大廈位置又清楚左好多,究竟咩事?








我判斷應該係COATING已經變質,對比佢細路,COATING係通透滑面(紫紅), MEYER呢支大佬COATING(純紫色)係粗糙,花面貓,係LED或太陽光,打側超極指細去睇玻璃表面,鏡頭面同鏡頭底既玻璃面COATING係好唔尋常,好似世界地圖個樣,網上有人打磨走COATING救支鏡,我無呢D架撐,又無咁既經驗,如果有人想入呢支鏡要三思,畢竟一九六二年左右既產物,都六十零年,仲玩得都係唔錯!如果想入,留意3點,(1)有無外邊上面所講既磨到入肉(2)光圈葉有無污糟野(3)COATING有無唔尋常,不過都好難,因為睇到都唔容易,仲要影到出黎,邊有咁良心賣家(我支係德國人手上買)

今日係機場拍,佢大致都無咩問題,係D位有D唔尋常曚左,成像較軟,一D都唔硬,佢D色彩較有性格,特別係紅色較獨特,佢細佬較現代D(忠實).佢近攝其實好強0.33米就打得,影好細既花都得,呢張相影到D花入面毛毛,係對焦果時無比痛苦,好似飲緊支無比敵!

試左好多次,終有打中


佢對紅色真係好飄忽,少少曝光多DD同少DD都極大唔同紅色


今日幾乎陰天,唔能夠試哂佢D散景,老鏡散景一般都唔弱, 好睇,佢有D水銀流動感.

calvin83

師兄好野