車行買二手車

s42715

岩岩P牌 又唔熟車(身邊都冇朋友熟車..)
無知想問下
0係車行買二手車 (如大昌、mycar, 非車廠二手車),成日都話好易被人呃,有冇朋友有經驗係買完冇問題架?

其實因為好似車行買,佢會一條龍幫你搞晒牌費、轉名、燕梳等等?
如28car私人買賣就逐樣自己搞?
(我其實主要唔想曬左一日AL 去運輸署....同埋有人搞晒D野係好方便...)

TimCook

我買賣，都係 28 or FB，但我亦唔介意車行，睇情況。自己搞，話易唔易話難唔難，真係視乎自己點諗，如你所言，唔想嘥一日時間，咁車行幫倒你，但唔好介意車行會賺你錢，車行會有保，視乎你幫襯嘅有幾大規模，價錢亦都反映質素及服務，永遠一分錢一分貨，莫心存僥倖。有啲人好介意俾人賺自己錢，一蚊都接受唔倒，咁就最好自己親力親為。仲有，錦田元朗八鄉嗰啲車行就唔好去啦。

TimCook

回覆 1# s42715


    另外有一個做法，你可以上網搵啱，再搵車房幫你去睇車，亦視乎你買嘅車款，有啲專整某一款車嘅車房，佢當然會專啲，例如你係買 BMW，就搵比較專整 BMW 嘅車房，搵佢幫你去睇車，但一定係收費。

jazz2014

不如你講下自己咩 筆直先啦 咩要做先

大昌 九展 既二手車 分分鐘買到架全新車

新車一定唔會有問題有野點都同你跟


Ps 呢個世代 新車都好平 乜都同你攪晒，新牌都冇問題 ，你估中幾廿年前 二手車平

我都成日去大昌九展...望完個人好離地

s42715

回覆 3# TimCook

原來可以咁? 冇相熟車房都可以?俾錢就OK?

s42715

不如你講下自己咩 筆直先啦 咩要做先

大昌 九展 既二手車 分分鐘買到架全新車

新車一定唔會有問題有野點 ...
jazz2014 發表於 2020-10-5 18:26

我都諗住去大昌九展望下既..(不過全新車真係未必考慮, 全新落地就已經折舊..感覺好唔抵)
因為我唔會日日揸, 最多預11-12萬左右

其實我係了解定先, 好大機會出年甩P先會買!

sandman.t

大昌應該相對穩陣d, 以前去長沙灣d二手車場買車, 架車d壞處都比佢講到係優點

Kan.Ho

私人同車行一樣非常多古惑, 買車係要比較小心, 但最多古惑野就係車行扮私人
點解要扮? 因為車行古惑比私人多十倍

除非係難搵或難私放既二手車款
否則通街都係既車款, 搵車行買只係比錢人賺, 佢亦唔會理會架車狀況, 只要賣到比人就得, 撥錶噴油, 漏油執完已經好難睇, 私人一般好少攪咁多花臣, 一係唔整, 要整不如整好自己揸
大昌會唔會唔一樣? 而家網上講野都咁危險我就唔多講, 要講既上面都講晒

當然會有靚盤, 但佢地mark up既價只會一定非常高, 因為佢收車價都好高

TimCook

回覆 5# s42715


    相唔相熟都應該要俾錢，除非屋企人啦。搵一搵網上車會，你想買嗰款車，再去問吓啲會友，佢地都會熱心幫你嘅。

jazz2014

我都諗住去大昌九展望下既..(不過全新車真係未必考慮, 全新落地就已經折舊..感覺好唔抵)
因為我唔會日日 ...
s42715 發表於 2020-10-5 18:59

小年左啦 都話左唔好用廿之前既諗法囉
2手車唔蝕??天真 你聽日講旦本車耐用 易整  買左2手當你3~5年 再冇一半 即係 新車20萬 你買架10萬到你唔要啦可能我返2~3萬....

你未買車不過 都建意你 (起碼 你唔洗去攪保險 牌費 買到2手死壞車，頭6年唔洗驗車)un un腳就得
10萬夠 KIA 操下車 起碼頭5年 唔會因為壞左唔整到已劏左架車(到時得個吉)我見過唔小...撞爛左搵件貴架車最後劏得