Grub boot機問題

bbsen

我有個partition係用嚟試distro, 之前試過有d distro直接delete咗partition係開唔返機，
剛剛想整走fedora 30 ，delete 成個partition都好， boot menu仍然冇變。

網上好多人話要reinstall grub, 然後再update grub... 但都係唔得。

請問應該點做先最簡單？ 吓吓要用live distro  erase過晒重新安裝好麻煩，請指點吓，thanks

super_hkg

你個boot / efi folder 唔係分開黎另一個partition ，一鏟就會boot 唔起

sparrow

我係win10+ubuntu1804+試distro partition。只要用uefi+gpt，bootloader會全部裝在efi partition共存，可以入底板uefi裡面選用邊個bootloader。因為主力用ubuntu，所以裝第二個distro時，最後選擇不要裝grub，然後去返ubuntu1804 update grub，咁就可以喺boot meun見返distro2。第時鏟走distro2，又update grub就得。

sparrow

試distro，如果唔裝軟件，最簡單係用grub直接load ISO檔，連live usb都唔使整。只要在主distro edit 一個file, 話俾grub知iso位置，然後update grub就可以了。網上應該有不同的distro sample。我都長keep 咗個sample。

bbsen

回覆 4# sparrow

感謝回覆！
我通常都係將個iso整去手指， 跟住用佢boot 機。 通常有得揀try 一話install, install的話都係果幾個選項，    要消化下師兄你講嘅嘢先會知你講咩。

例如『只要用uefi+gpt，bootloader會全部裝在efi partition共存...etc』

sparrow

如果底板係行UEFI, 不是傳統BIOS, 咁設定裡面BOOT嗰度有得選擇用邊個boot-loader load OS. 裝OS時需要鎅個EFI partition放bootloader, win10同linux都需要.
以我為例, 先裝win10-->再ubuntu1804-->fedora, 咁就會裝咗3個bootloader喺efi partition, windows+grub2+grub2. 裝完入uefi setup , 你會見到windows+ubuntu(實際係grub2)+fedora(實際係grub2), 可以選擇用邊個bootloader. 選:
windows: 只能load win10. boot機見唔到menu, 直入win10.
ubuntu: boot機見到menu, default入ubuntu, 可選ubuntu, win10.
fedora: boot機見到menu, default入fedora, 可選ubuntu, fedora, win10.
由於我主力用ubuntu1804, 我裝完distro2 (fedora)後, 入UEFI選ubuntu bootloader boot入ubuntu1804, update-grub後就可以見哂三個OS, 下次boot機不用再入uefi選.
另一做法, 裝distro2時選擇 不安裝bootloader, 咁就用返ubuntu1804那個grub2入ubuntu1804, update-grub一樣出返晒三個OS.
順便一提, efi partition在win10 file manager unseen, 在ubuntu, fedora就可見, 裝完自動mount在/boot/efi, 你用root入就會見到windows, ubuntu, fedora 三個folder.
希望講得清楚, 唔明請再提問.

sparrow

用grub load ISO是為了免除整live usb 的麻煩.
將download返來的ISO放埋一個folder, 跟住入去主distro(我用Ubuntu Mate 1804) edit 一個text file, 再update-grub, boot menu 就可以直接boot ISO, 試distro 好方便, 手指都唔使. 唔難做, 網上都有sample, 我試過ubuntu, mint, fedora, manjaro, 如果有興趣, 我今晚貼出來.

bbsen

回覆 7# sparrow


   
感謝！ 學到嘢 ！
你話『在/boot/efi, 你用root入就會見到windows, ubuntu, fedora 三個folder.』
咁我唔想要邊個係可以delete佢就得？

同埋裝distro2時選擇 不安裝bootloader， install個menu唔多覺有可以咁揀， 等我按入去唔同嘅選項睇睇先。

等我都研究吓先

bbsen

回覆 7# sparrow

師兄呀， 依條link 入面落少少有人教用boot repair 去修理返， 4年前嘅方法而家仲work唔work?

If Manjaro is not involved開始

    https://unix.stackexchange.com/q ... cting-previous-grub

sparrow

補圖，上面係uefi選單，下面係efi partition。