自動波私家車和棍van 係兩個世界?

ronan

以下個影片講到自動波私家車同棍van 係兩個世界，但我身邊棍van 的同事(佢地駕院考兩次pass)，佢地個個都覺得自動波的私家車係好易渣，而片中所指的左面盲區，只係運輸署要求因為van 仔有載貨，所以cut 左邊線可以唔駛望盲區，係車種問題，同自動波和棍波沒有關係

其實自動波私家車和棍van 係兩個世界? 定係純粹只係一個廣告, 想sale 人學完棍波再學自動波?

https://www.youtube.com/watch?v=mDiL9QmL6FI

love19901109

回覆 1# ronan
自動波同棍波本身兩個世界  我會話同經驗有關 車種唔太大影響 我學車棍VAN係左右都要睇盲點  識渣棍波轉波自動波當然會易好多  我自己經驗係考完車渣乜車都會覺得好難  但習慣左就無分別  本身渣開棍波私家車  有時會幫人渣D好舊既HIACE 轉兩個灣已經習慣  就算SUV渣法都一樣

Dcup

自動波私家車好渣係因為自動波唔會死火，無力都唔會死火....

所以點解棍Van去渣棍私家車會個個瀨野....

而自動波私家車少人學，又易教，你唔水人去學點賺錢？

blkbd5

唔系嘛！真系會有棍van牌既人，被人水去學自動波私家車？
邏輯上已經有一個好大嘅問題，低智能就唔應該會考到棍波牌，
但係，唔係有問題，就唔會比人水到學自動波！

mo9394

主要係VAN 高身無頭無尾, 私家車貼地, 有頭有尾, 要重新學過睇位.   呢個係換車的問題, 同自唔自動波無關. 自動波VAN 轉私家車, 一樣要學過.

私家車睇唔到車頭去到邊, 一係就過份安全離開幾呎都以為會撞, 結果唔夠位轉身, 或者習慣到無頭, 一野就篤到入去撞先停. 車尾如果SEDAN 會擺尾之類要計.   自己要睇唔到都FEEL 到四個wheels 的位置, 車尾sensor / 鏡頭之類, 自己用雪糕筒練下.

codyhlau

真系唔系嘛！要學過？
棍開Van去渣自動波/棍私家車會有問題？要練下？
如果自己覺得要學過、人有問題吧！

siukat

以下個影片講到自動波私家車同棍van 係兩個世界，但我身邊棍van 的同事(佢地駕院考兩次pass)，佢地個個都覺 ...
ronan 發表於 2020-12-30 20:12

考完棍波VAN合格會自動有埋私家車棍波/自動波牌,唔需要再考多次,

呢條片只係想講就算考左棍VAN牌都唔可以張貨VAN果套全部就咁COPY落私家車度用,

係有好多地方都需要注意

kanduki

向香港白手考牌最好考自動波貨van先
未攞到駕照可以上路的話就講乜都祇係吹水

mo9394

真系唔系嘛！要學過？
棍開Van去渣自動波/棍私家車會有問題？要練下？
如果自己覺得要學過、人有問題吧！ ...
codyhlau 發表於 2020-12-31 13:08

一般有安全地方試, 自學下都可以.  有D 停車場頂樓少車, 咪俾左錢之後入去練下睇位, 練下泊車.
依家年代D 人好似唔識自學, 咁叫師父補下鐘, 兩三堂都應該夠了.
路面經驗唔夠, 雪藏牌都應該俾錢補下

重新學十幾廿堂嗰D 就真係唔知本身個牌點考番黎

AltezzaXP

囉到棍波牌去渣翻三幾個鐘自動波私家車應該可以好快適應