想問大家單車徑超車(扒頭)規則

carcarli

事緣係本人女兒開始懂踩單車, 幾個月來多了去吐露港/科學園一帶踩單車徑, 其實單車徑有冇好像汽車在公路一定要用右邊去扒頭呢, 大家不如討論一下或提供正確知識.

(我帶番頭盔先) 我兩父女總是靠左行, 但都有"車手" 會話我地阻住哂, 又放好多難聽說話之類, 科學園段咁闊而我地已靠左 , 路面還有4/5 俾佢地"操車"

mop

個人見解，一般都係跟緊右面扒頭，而向前行既時候唔會兩個同一排，只會前後咁樣係比較好
但係呢啲都係講緊一般"車手"會跟既方法，租車既都係唔會點理...
所以如果你情況我會諗係唔係因為你哋兩個左右排埋一齊，所以有人咁出聲
因為要過你既話其實都踩左落對頭線度
(個人想法乍)

tssy5

靠左但係兩個平排的話係有可能會唔夠位比人扒頭，加上如果你話你個女都係啱啱先學識，你要睇住佢咁應該都唔會真係排單行咁行，變相對方見到要預鬆啲嚟過你，咁就有可能要越線先過到，變相逼人犯規，咁就通常都會出聲。

nganshiu

路面還有4/5 俾佢地"操車"

nganshiu

如車手無感到被阻住, 好難會減慢和樓主說話.....
當樓主行10km/hr, 車手行30km/hr. 速度有差難說話.
可能有某原因令到車手要減速.


和駕車一樣,  無感到被阻住. 那會有空理你.


有空反思

carcarli

回覆 3# tssy5


    CHing, 有見地, 我就係一前一後, 基本上成條路係足夠雙向同夠位俾佢過頭

carcarli

補充少少, 我會跟小朋友車後面咁踩, 基本上95% 時間係一前一後, 想講係吐公好似無一套rules 去俾大家踩車

carcarli

回覆 2# mop

突然醒起, 出聲的"車手" 都係約15-25歲左右 (觀感上) 的車手, 出聲的時候係過"黃色柱" 有行人過路的科學園段

mop

如果無其他前後故事，純粹過柱唔夠位
咁就只係佢哋無品，想你哋唔好係度姐，後生仔血氣方剛既話，好正常
個人幻想，無根據的

tssy5

回覆 7# carcarli

單車依家嘢冇rules架，有都係做吓樣，香港地踩單車要跟足規矩真係可以返屋企唔洗踩。

潛規則就通常都跟汽車一樣，右邊扒頭，但單車徑遇著個中間偏右線舞龍嘅，你都係要左邊扒。

不過過黃色柱如果前車太慢我一係就過對面線扒頭，一係都係收慢。通常都係有危險我先會出聲。