拆解Steinheil Munchen Cassar 105MM, 4.5 (1957年),半成功(完)

本帖最後由 imback 於 2025-3-23 21:58 編輯

支鏡大約一千蚊,24口競價
貪佢勁多光圈葉,點扭都係正圓,理論上散景係正圓,不過佢要開大光圈先易出波波(實心正圓),收細少少就無波起壇作法(拆鏡)原因是影像發白,好似法式風情效果,要大收光圈先大減發白現象
https://tw.bid.yahoo.com/item/101585375271
之前日子扭開鏡頭前部,帶一塊突透鏡

背面極其簡單,3支小鐵杆,兩支內卡住中間一支,令佢停在INF無限遠位及最近對焦位3.3尺,不過一經扭開,條杆會變型及鎖不住,會一直可扭開,直至成個甩出黎,唉~~,不過佢可以最近對焦3.3尺,現可突破超前,可影到花,等我明日星期日帶出去測試,佢呢個設計好鬼吊鬼,你隨便扭番入去會無左無限遠對焦,去唔到INF個刻度,一定要係指定位置先可以扭到正確位置,我試左幾十次,終於找到果個隱藏位置,再係上面打個白色淘改液記號!

扭下半部只剩一個空筒, 呢個牌子銀鏡都係呢個結構,一旦扭開唔知有咩恐怖後果等你踩!

不過拆之前發覺兩個問題,第一先前個INF走位問題,第2個係光圈位置錯亂,跑前左三分一圈,最盡只能去到F11,去唔到F22,但係依然正常使用能收放,下圖個白色記號就係扭入正確位置,不過支杆變左少少型,之前無限遠無剛好停在INF,現在係60位置,唉~~

光圈最大起始位已經變成跑前三分一左右,唔知係之鏡買之前係咁,定被我扭過一次就移位??

無限遠位置時,個白色點位置

底部個兩個凹位有些微白色,似被人開過痕跡??點了個白色記號,指示正面位置,但後來裝回個白點雖在凹圓位置,但上面個Germany轉了另一面,很無解為何個字走左位??

用卡尺扭開個環(雙凹位)

較前組鏡片薄的凸透鏡(向外)

清潔底部光圈葉

鏡片很乾淨,但擔心影響成像質素,於是用鏡頭紙巾刷下,唔知係米同coating起化學作用,還是真的很易甩,又或是本來coating就已變質,我刷完再三係白led燈照,見到coating變粗糙,似世界地圖,唉~~

想繼續拆中央位置塊鏡片,但極微細一字螺絲有3位,其中一粒,無法扭開,本身已損壞,用點力扭支批都扭出些螺絲碎片,只好放棄,又想唔到點拆,因為無雙凹位結構

前組單塊厚凸透鏡片有雙凹位,用卡尺小心翼翼對準凹位扭,唔洗大力

佢d上手主人搞到佢前鏡正面變花面貓,係led燈下無所遁形

今次好快手,唔洗上次搞到夜晚十點半
係中央位置無法拆開,清潔及解決光圈跑多三分一問題,唉~~~底部塊薄凸透鏡很光滑基本無傷,係coating有問題

內部這個印,點樣都搞唔走,可能係coating問題

中間塊鏡片應該係得一塊,唔似凹凸,鏡片無咩污糟古怪野,只係最前面塊薄凸透鏡內部有兩處有點,最後係led睇邊緣位有一圓點,唔知係麥野,極難察覺佢存在,希望唔大影響成像

全開光圈:左邊未拆之前,發白嚴重,右邊拆完後一日影盡量保持一致,發白情況大減!

收到f8附近(因為刻度跑左唔知去邊),黃大仙字對比在收光圈到F8就勢均力敵，個人感覺左邊未拆前較勝半個鼻位，可能對焦有極輕微偏差,留意冷氣機喉管

今日天氣超乾燥,好大霞氣,帶左支重新既鏡去影下,深度測試下,拍攝相對之前發白現象大為減少,現在可超前3.3尺影,不過影像係超法式風情(發白模糊),支鏡真正強悍之處係所見所得,肉眼見到咩就係咩,不偏色,不變型.外型成支"藍眼白龍",又被路人問佢.

總結:
發白現象係證實可改善,成因多數係COATING失效變質及鏡片72年歲月(支鏡1953年),七張野,都未沖過一次涼
至於COATING多大影響,好難講,因為手頭上沒有兩支一樣鏡頭,一樣問題可對比清走部分COATING或乾刷(鏡頭紙)盡量保留COATING
兩者誰更好
最好想入手老鏡朋友,如果嫌老鏡有發白問題,一係花重金大量時間搵支無COATING問題,但過左十年都未必得,更何況過左半個世紀
出面支支呢個牌子既一二代銀鏡或黑斑馬都係COATING走哂樣
應該話太老既鏡頭通病
想解決要想辦法重新上COATING,但鏡頭風貌又會改變,有得又有失