大台停播城市論壇，黃金時段無港台時段

frank817

一早講緊港台電視有獨立頻道，又接收埋亞視模擬頻譜，就算仲用大牛龜電視只收模擬既用戶一樣睇到，港台電視節目唔應該再霸商營免費台時間，大台停播城市論壇，真係拍爛手掌。

又到一年一度對調港台節目時段，照近三十年慣例，今次應該係大台星期一至五 19:00-19:30，但今年呢個時段變左咩<女醫‧明妃傳>，加上大台又停播城市論壇，仲以為港台節目真係撤出大台，但再睇真D，原來港台時段仍然有，只係提早一小時，變左星期一至五 18:00-18:30，而以往呢個時段，係舊劇/無名大陸劇韓劇攝時間時段，即係簡單講，港台時段仍有，只係同之前18:00-18:30既攝時間劇對調時段。

雖然都係有D失望，但始終18:00-18:30係比19:00-19:30較少人睇電視，即係港台節目已徹離大台黃金時段，加上大台停播城市論壇，係咪即係話，港台節目有撤出大台趨勢？希望係就好了。

同埋VIUTV點處理港台節目，仍然未知，照牌照規定，佢最遲17年4月要播港台，但乜時段呢？照三十年慣例，係星期六19:00-20:30，星期日19:00-20:00，但而家星期一至五既時段改左，星期六日又點呢？當然繼續唔播係最好。

利申：唔係話港台電視節目唔好，只係港台電視已有獨立頻道，冇需要咁樣重覆浪費資源同剝削選擇。

hkaiw

其實不單是《城市論壇》，手語節目《識多一點點》由本月開始在翡翠台播放的版本由1小時減至半小時（港台電視版本仍維持55分鐘）及與另一個港台手語節目《時事摘錄》撞時間，而由於翡翠台把《開心老友記》改於星期六播放，結果星期六早上的兒童節目時段要推遲至早上10時15分才開始播放。

isar

其實無線如果唔想黃金時段播港台
應該非黃金時間播返多少少
反正無線唔播港台都係重播

但政府鋪路免費台豁免播港台似乎所言非虛

港台有兩條頻道係大氣電波就應該預左無線會播少D

kflam

佢播咩都冇人睇

frank817

根本星期日中午，81,31同步城市論壇係好無謂，冇數碼仲慘，兩個中文台一樣

TH30

我贊成港台繼續霸佔大台黃金時間
因為大部分港台節目質素比同時段的大台節目高

hkaiw

6時便播放港台節目根本是陰乾，現在不少人於6時才下班，故要看只能等到8時半，另外有些地區是本身已經難以接收模擬廣播，甚至連港台電視也收不到(例如：東區醫院）。

frank817

6時便播放港台節目根本是陰乾，現在不少人於6時才下班，故要看只能等到8時半，另外有些地區是本身已經難以 ...
hkaiw 發表於 2016-9-17 02:04 PM

   請問難以接收模擬既情況，係咪「自古以來」已有？
如是，點解幾十年冇改善？
如否，係幾時開始？東區醫院收唔到港台電視，係指數碼定模擬？

hkaiw

請問難以接收模擬既情況，係咪「自古以來」已有？
如是，點解幾十年冇改善？
如否，係幾時開始？東區 ...
frank817 發表於 2016-9-17 15:11

1. 有些唐樓（包括我住那幢）因為附近高樓阻擋電視訊號，好像我住那幢唐樓自從2000年興建了愛東邨後模疑廣播已經無法接收，於2014年11月飛鵝山發射站的「優化計劃」後便無法接收反射波，要接收遠至金山的信號，而港台電視的 CH62 的信號亦很差。

2. 東區醫院病房已經換了 LG IDTV，而公共天線的港台電視的 CH62 的信號是零。