(已解決)有線 FanHUB 睇免費台

C_Law

以往按有線個遙控器藍色掣可以轉去睇免費台(81、96、31…之類)，再按藍色掣就轉返去睇有線台。

但最近發現按藍掣無反應，轉不到去免費台，已排除遙控器問題，改用有 IR 功能的手機去遥控一樣去不到免費台。

係我部機壞？還是有線取消了這功能？

via HKEPC IR Pro 3.6.1 - Android(3.3.1)

C_Law

醒起上周末曾拆走個廳的電視櫃內所有器材，重新執過所有電線，可能斷電時間太長，部 FanHUB 「失憶」，剛才入 Menu 重新 Scan 台，現在回復正常。

部 FanHUB 真失敗，當日還有其他器材一齊斷電，只係得部 FanHUB 失憶，失憶後又無提示叫人重新 Scan 台。   

via HKEPC IR Pro 3.6.1 - Android(3.3.1)

Nightcatcat

我都係咁話，部 Fan Hub 軟件寫得認真差，免費台又冇得睇預告資訊 （MHEG-5), 個遙控又細細粒掣好難撳，要轉台（e.g.  77, 99) 這些有重複號碼嘅台，周時都要撳幾次先撳到。

C_Law

要轉台（e.g.  77, 99) 這些有重複號碼嘅台，周時都要撳幾次先撳到。 ...
Nightcatcat 發表於 2020/4/11 01:21

有線的遙控器係用 NEC 編碼，這問題似乎係來自 NEC 編碼，幾年前嘗試 DIY 由電腦發出紅外線去遙控有線電視，就發現同一個掣不能快速連續按兩次或以上，中間要稍為隔開多小小時間，如果分隔不足，第二下係會收不到。但按兩個不同掣之間卻不需要分隔太多時間。

現在的有線 FanHUB、以前灰色非高清的有線解碼器、我屋企部高清電視機頂盒(2009 年買，算係第一代 8 仔/同州 OEM 機)、大陸山寨 DVD 機，全部都係用 NEC 遙控編碼，雖然部部機所需的分隔時間都不一樣，但全部都有這個問題。

我無刻意去測試部 FanHUB 要幾多分隔時間，但以前就測試過非高清版的有線解碼器，按兩個不同掣之間近乎不需要分隔(印象中好似百份之幾秒已夠，基本上用人手按實體遙控器，不可能按得這麼快，可以不理)，但係按兩個相同掣之間所需的分隔就接近 0.2 秒，即使人手按掣，只要手快的話係有機會分隔不足。