學車練習問題

kof2002

遲d 要考中期試， 斜路泊車、三手軚掉頭... 除了睇片重溫， 仲有無d 方法熟練一下

黑仔

其實睇片冇用.....搵師父操下啦

mo9394

開頭主要係訓練身體反應, 手腳協調, 即使不在車上, 你搵張相近高度的CHAIR 坐低, 合埋眼一下, 做熟d 動作就係, 做到唔駛點用大腦去思考, 手腳就識轉波的動作, 識刹車就得.  
呢d 有少少係小腦控制訓練,  一日做幾次, 做幾日就熟左.

當你小腦協調ok, 大腦唔駛參與咁多. 你睇片主要用大腦, 對訓練小腦沒有幫助. 訓練小腦, 真係令d 手腳去操多d, 係唯一方法.

你個大腦應該集中係思考幾時轉乜波, 幾時扭左扭右, 幾時慢車. 而唔係用大腦去慢慢思考手腳點去操作個手制腳制.

打波游水一樣. 打到咁上下, 你唔會慢慢去用大腦思考點揮球拍, 點去撥每一下水.  你仲要用大腦去諗, 一係就專業到改善泳姿, 想快多 0.1 秒, 否則應該唔駛用大腦去諗咁詳細. 好自然就揮到拍打中個球, 好自然就撥到水



中期試即係駕駛學院, 其實分開考, 同埋自己車場考, 環境好固定, 都叫無乜壓力了

arrychiu

除咗補鐘應該無其他方法

ckkong97

除咗補鐘應該無其他方法
arrychiu 發表於 2022-2-7 10:34

X2 熟能生巧

via HKEPC Reader for Android

kof2002

搵返駕駛學院d 師傅 ？香港有無d 模擬器材可以慢慢練？ 因為剛上了4堂 ， 頭兩堂師傅非常一般， 但三四堂就有耐心和Detail 好多， 因為要去到4月先考中期試， 4月頭再上堂， 驚會生蔬

arrychiu

搵返駕駛學院d 師傅 ？香港有無d 模擬器材可以慢慢練？ 因為剛上了4堂 ， 頭兩堂師傅非常一般， 但三四堂就 ...
kof2002 發表於 2022-2-7 12:39

唔會搵其他師父，個個手法唔一樣，你會亂，
咁咪加鐘囉，佢一定歡迎。

你要記住你係學考車牌。

mo9394

搵返駕駛學院d 師傅 ？香港有無d 模擬器材可以慢慢練？ 因為剛上了4堂 ， 頭兩堂師傅非常一般， 但三四堂就 ...
kof2002 發表於 2022-2-7 12:39

好的街外 CF 唔易BOOK, 你亂咁撞都BOOK 到的都係HEA 你/ 無厘頭大大聲鬧為主. 重點要學要教, 唔係呢D 基本操作, 而係路面閱讀能力

其實D 開車停車動作教晒你, 你做唔到咪練到做到, 都無乜好教.

斜路泊車, 三手軚掉頭無乜秘技, 只係你熟唔熟


調頭技巧就係慢車扭盡前後前後咁. 街外唔係條條路/部部車一定夠闊, 就五手六手咁繼續做.  無所謂唔理乜路乜車, 必定三手就得的道理. 咁你點睇位睇鏡, 部部車唔同, 你座位前少少後少少都唔同. 你唔上車睇鏡練係無意思的.

剛上了4堂諗住考到中期試咁威? 的確有D 運動能力較高的人可以, 但D自問手腳唔算好協調的話, 早少少開始練喇. 越睇youtube 你記得越多所謂技巧, 越多option, 就只會越亂.
明明好簡單的野, 唔好複雜化.