有無好方法, 清理噴咀加熱架上既膠料?

Super169

剛買左個 HF 既頭想換黎試下, 點知, 換噴咀果下仲係有問題.

之前D膠拍番上噴咀, 熔左入噴咀同後面個架之間.
拆過出黎, 可能拆果下處理得唔好, 清唔乾淨D膠.
就算換個噴咀, 一印野又熔左番D膠, 家陣再換頭又要加熱再鉗個頭出黎.

凍左果陣, 睇落只係好薄既少少黑色, 好難清走.
但只要裝個頭落去, 打印加熱過之後, D膠熔番, 就會將噴咀同個架痴實, 要加熱熔左至甩得.
噴咀已換左一次, 但如果唔清乾淨個架既膠, 可能要換幾次慢慢痴走佢.

下載 (128.94 KB)

2025-6-11 14:47

如果係 ching 你地, 會用乜野方法清理番個架上面 (紅圈地方)既膠.
應該要加熱左至得, 加熱後用棉花棒捽佢, 唔知得唔得, 怕唔怕甩野?  最怕推左D膠去第度, 再痴住其他野.
最煩係 除左正面, 邊緣既膠熔左一樣可以痴住個頭.  唔知點好.

定係當睇佢唔到 (其實對打印 so far 無影響, 只係換頭果下會有問題), 以後加熱後換噴咀?

Super169

補充:  正常拍D膠上黎, 係唔會有膠入到中間既, 本身應該只係痴住邊緣, 可能係我上次拆果陣,  將邊緣既膠 high 左d入中間.
不過, 就算只係邊痴封左d膠, 都已經令個噴咀凍左好難拆出黎了.

super_fatman

回覆 1# Super169

砂紙?  

以前見過有用火槍燒走hotend上嘅殘膠, 不過好多人唔建議咁做, 而拓竹加熱架後面又有電線...

hambaba

銅絲刷?

Super169

火燒太激了, 我咁黑仔, 燒左後面D野都未得.
係咁咦用海棉砂刷下, 但都唔敢用力, 希望有D幫助吧.

不過, 今次換 HF, 要識別噴咀, 有D奇怪佢係點樣認個噴咀既, PDD 三十幾蚊粒既都認到無錯.
當然, 要認硬件, 可以有好多方法, 比如入面既磁場, 或者整個細既凹位已經可以.

問題係.... 點解識別噴咀果陣, 要走黎走去, 兜一個大圈?
照計佢既 XY 位置, 唔會影響個噴咀既質地或者口徑, 點解要係咁兜圈呢?

super_fatman

火燒太激了, 我咁黑仔, 燒左後面D野都未得.
係咁咦用海棉砂刷下, 但都唔敢用力, 希望有D幫助吧.

不過, 今 ...
Super169 發表於 2025-6-12 02:16

有講過佢係靠個 hotend 上面 QR code 認嘅.  不過用兼容 hotend 會唔會計錯 Flow Dynamics?  以前 X1 靠 Lidar 無問題, 自 A1 以後靠壓力, 唔同廠嘅 hotend 可能有分別?

官網個加熱座賣 USD29.9, 最多咪換咗佢. 淘應該會平啲添.

Super169

有講過佢係靠個 hotend 上面 QR code 認嘅.  不過用兼容 hotend 會唔會計錯 Flow Dynamics?  以前 X1 靠  ...
super_fatman 發表於 2025-6-12 03:29

hotend 上既  QR Code?  唔通係呢個?

下載 (32.14 KB)

2025-6-12 08:59

佢走黎走去, 可能係要對鏡頭了.

個座未見淘仔有 H2D 既, 不過, 要我換個座, 可能仲煩過叫我加熱換噴咀了.
而且, 我唔肯定新既版本, 係咪唔會再拍D膠上去, 好睇佢換頭前仲會唔會流一條出黎, 否則, 換左都無用.
反正以前 d 機, 都係要加熱左至可以換噴咀, 都習慣了.