kodi 操作疑問

我時用linux mint的，安裝咗kodi.

在設定載入影片資料到kodi 似乎是沒問題的，
但在載入音樂影片即係MV到kodi 時，剔入去會見到載入咗的影片資料是對嗎？
是否其實影片，電影，音樂影片根本係同一個位置存放資料的？

在設定"新增音樂"，載入資料時，佢問我是否要載入到資料庫？即係咩呀？
咁我係選"是"的，但結果去到一啲音樂類型嘅位置，佢就一定卡住，
一直打圈，唔會停，唔會同你講發生咩事，總之一直轉圈！
我唯有想辦法停止佢，將kodi關閉退出，
但其實係呢個情況佢又係永遠停咗係度無晒反應，
我只有成部腦熄咗佢，再boot.
果啲音樂類型係sacd.iso, DSF, DFF，試過幾次，都係去到呢啲folder度就打圈不停。

當再次打開 kodi , 去到音樂部份就見到佢已經 load咗一啲歌曲資料，
但又似乎唔齊。最後我決定刪除"音樂來源"，重新再做過，
但係刪咗之後，啲音樂資料仲係度，無清除到咁！

有無得刪走埋佢哋呢？

我暫時唔理果啲音樂資料，我又重新做過"新增音樂"，
今次我選"否"，不載入到資料庫，呢次無嘢發生啦！

咁我而家播歌都係去到音樂然後點檔案，在裡面點歌播，
唔會掂啲歌曲資料。

最後問題，就係文字顯示，為咗顯示中文，我已將kodi 介面轉成中文，
而家中英文字都無問題，日文歌名似乎都ok，但我有些泰文歌，就出亂碼啦！
請問有無方法顯示其他文字防止出亂碼嘅方法？

附件: 您需要登錄才可以下載或查看附件。沒有帳號？註冊