[測試] HP Color Laserjet Pro MFP M181fw 用後感

有師兄提我話不如將個reply變成一個post, 等其他想搵呢隻型號printer既人可以容易D搵到, 咁當然OK, 係驚俾版主封post遮..

HP Color Laserjet Pro MFP M181fw 係2019年尾買, 面價二千幾, 有$1000 百佳現金券送(須網上登記), 俾多百幾蚊由黃金call GoGoVan番屋企

以下為用了四個月後感受到的優缺點:
不過大家千祈唔可以同公司D影印機或高速LASER比

優:
1: 價錢平啦, 回番$1000 百佳, 登記左好快就掛號送上門, 即係千幾蚊, 價位處於同類機底線
2.: 換炭粉容易(我仲未換過), 佢中間一個櫃桶和紙匣同一方向一拉就現哂4個炭粉匣, 就咁拎舊既上黎, 再放新既落去就得, Canon係要上面開蓋楔入去, 都算容易, 乾手淨腳, BROTHER唔知, FujiXerox 個炭粉匣在側邊, 如果將部機楔入去櫃或腳底, 咁會未必有位開佢個側蓋, 導致要成部機拉出黎再轉90度先換到, 兼且原裝炭粉匣都會漏粉.
3. 掃描器支援自動feed紙, 我試過可以一疊約20張都ok, 速度尚可, 個掃描軟件支援分批掃描再一次過夾埋咁多個影像做單一PDF, 呢樣真係好方便, 唔洗掃一張開一次蓋
4. 反應叫做快, 啟動時間約半分鐘
5. 黑白效果不錯, 灰階算係咁, 彩色僅合格, 印相搵番墨機吧, 但有樣野要提, 佢SPEC話 600X600 dpi, 數字上真係流左D, 但真心講, 肯定好過以前聲稱2400X2400 D插值機種
6. web 界面好多資訊, 印量, 炭粉量要有和我覺得家庭機唔洗有既網絡設定都有
7. 有控制panel扮下影印機, 算幾易用
8. 盛紙匣係完全密封, 減少塵埃整瓜個鼓的機會, 其他品牌有唔少要D紙著露臍裝
9. 支援HP Smart(ePrint), ApplePrint 但 Google print好似唔得, 隨街有野想印可以把文件飛番屋企
10. 今時今日有 wifi, 算唔算優點?

缺:
1. 彩色效果得啖笑, 未致於核凸, 真係acceptable, 但期望更好
2. 冇自動雙面印刷, 同價位Brother , Canon都有的
3. 冇手動feed紙位, 要下下開紙匣放紙, 手動雙面印如大意諗錯印刷方向就 GG
4. 佢個LAN 只係100Mbps, 好似有點兒....但其實爭得幾多
5. 個控制panel 正如有師兄提過, 意然冇得掃描變PDF去電腦
6. 冇USB port用手指印野
7. 呢樣reply到冇講既, 佢個網絡模組有時我覺會唔能夠和機器啟動時同步, 試過兩次開左printer, 見到個lan switch都著左燈, 表示連到線, 但就不能透過網絡印野, 要重啟printer先得
8. 你等到了, 炭粉好貴, 但邊個牌子唔貴? 幸好佢有好多代用牌子, 但香港牌子只係比原廠平最多三分一, 幫襯馬生果D又驚漏到一機都係, 好茅盾. 批士鐸襟入面D comment 一面倒數臭佢跟機炭粉印得好少張, 你當我HP打手都好, F記跟機炭粉印數仲少呀. 呢D家庭機明係豉油貴過雞玩法.

* 冇得評論佢個FAX 機功能, 房內冇電話線, 冇得試

希望以上用後感幫到大家, 如果HP 覺得我講得好, 麻煩搵人聯絡我, 送我多一次$1000 coupon

我買color laser 前其實真係做左好多功課, 冇辦法, 要啱位又要效果, 亦唔可以太貴, 有過F記如此難忘經歷, 唯有重投HP懷抱

產品網址: https://www8.hp.com/hk/zh/printers/product-details/14142487