Orbus VR

seeingdaily

Orbus VR 係一隻 VR mmorpg, 目前為止係唯一一隻...

香港時間 29日零晨 1點, Orbus VR 開始兩日嘅 Open Alpha test, 終於
有機會真正入 game 睇下咩料...

呢隻係傳統 mmorpg 玩法, 都幾 old school, 不過當置身於 VR 環境就唔同,
如你對 VR 遊戲有投入感, 即使 old school 都好好玩... 畫質係 Minecraft 級別,
要咁先可以 mmo, 都好 OK...  移動方式有順移同瞬移, 係設定選 180° 向前會
有 snap turn, 選 360° 就祗有自己轉身...  進入戰鬥狀態後就祗有瞬移, 當大怪
發大招時會有紅區提示, 如果唔用瞬移閃走 99% 死直, 順移係實際操作時會唔
夠快, 所以遊戲設定戰鬥狀態祗有瞬移....

而家仲係 Alpha 階段, 好多操作要自己摸索, 間唔中又會 crash....
無綁定職業, 換件武器就可以上路, 不過職業等級唔互通, 要專攻一個職業定全
練就睇個人...

最後就係要大胆啲, 敢同人搭訕, 唔係打字, 要真係出聲會變好怕醜, 由於我係屋
企廳玩, 所以好少同人搭嗲, 不過 GM 有主動叫我同教我點邀人組, 但發現我支咪
好細聲, 要去 Windows set Rift 支 mic 係預設, set 後未試有無變番大聲...

係遊戲入面左去吓右睇吓就玩咗 5粒鐘, 正式推出時我一定買, 遊戲預定係 buy to play.

seeingdaily

個畫面真係唔得，我諗起碼要等多兩年先會有隻似樣嘅出到黎
而且畫面班隊友不斷跳來跳去，好奇怪，仲以為lag ...
Kennn 發表於 2017-7-29 16:01

畫質美工接受否, 純睇個人要求, 如果接受到 minecraft, Rec Room,
對呢隻都會接受...  有玩開 Rec Room 就唔會覺啲人好怪咁跳, 對戰
打 paintball 都得, 一齊打怪唔難...  係高峰時間超多人堆埋一區, 才
有延遲問題至睇到其他人閃移.....  Alpha test 一般會有嘅問題...

如果要有 GW2.. 劍靈般畫質嘅 mmorpg, 咁兩年都唔會有, VR 對畫
面 render 要求係超高, 人人有張 Titan 都做唔到.... 但再過 5-8年就唔知....

netmen

其實都唔一定要第一身 , 第三身VR視點 , 現有MMO改為VR版 , 打字可以用返keyboard , 用Touch的 有手指就做隻vr keyboard 手指指咁打 , 當然， 想講野都可以照講 , 但感覺唔多人會用…… 就好似手遊咁 , 依家好多都能語音但我除左聽人無聊時唱下歌之外 , 都未聽過玩家交流時係用講……都係打返字 Orz ( 我都buy打字 , 因為把聲唔靚 )