GEEEK A50S

yuna

話說自從見到有A4機箱之後，就一直好想自己砌返部A4機箱既電腦。
後來搵咗好耐，終於搵到隻唔係咁闊既 GEEEK A50S
官方三圍: 330X140X214mm (A4紙為297X210)

個箱直接係嚮淘寶訂，不過買之前已經知道佢送過黎係散件，裝機既過程就係要連埋裝箱，所以剛剛到貨就無影相，反正就係一堆膠片鐵條





裝機過程一D都唔順利，其中一個極為重要既原因係空間問題，因為土地問題所以想砌部細機，結果最大困難點果然就出在空間。
因為無用訂製線既關係，隻牛就算係用模組加扁線，都仲係太過長而要搵位收埋，另一點係風扇條線，風道用一下兩上既方式，不過裝完風扇之後，能夠用黎收埋線既位就進一步縮少，陷入惡性循環咁，到最後可以見到我已經係接近完全放棄理線既狀態。

就我個人黎講，唔係咁推薦玩A50S，因為真係無位，不過又真係比腦場賣果D A4箱窄(自己落過腦場實際度過DEMO箱，大多數都17~21CM)如果係要玩就最好配訂製線，咁樣就唔洗無位走，而且訂製線又可以選比原廠線靚好多既材料。

最後如果要玩光污染，誠心建議用RGB RAM加RGB DISPLAY就算，再加其他RGB/ARGB配件，就代表會有更多線要整，又會將理線難度再增加

kin228

我最近也淘了E個返黎, 加埋佢個CORSAIR訂制線真係舒服好多, D線短同軟。就係唔舒得買貓頭鷹機箱扇, 無咁爽