家居電話線插牆身個頭壞左

kowloonking1973

之前電話沙沙聲搖幾搖都ok，但最終都無聲，因條線要拉好長，如果無線鉗係咪無計換到？

淘寶買條15米都75人仔我重唔止呢個長度，買過條好貴，請問有咩高見？thx

funkilove

問哩度會員借一把, 好多人都有 ...

TH30

RJ11/RJ45兩用鉗，深水保大概$25-50一把，RJ11頭約1蚊粒，線用普通灰色cat5e就可以了。來我家樓下免費幫你夾，包兩粒頭

TH30

也可咋傻報維修，叫C父上門換wall plate，好人的話可能幫你打埋粒頭

hon829

唔使錢一定打 109 叫電訊查找問題先

Ian_Seabourne

買2粒電訊橙色夾豆，買或執條好嘅線，剪了壞頭用夾豆駁去好嘅頭。普通尖咀鉗／平頭鉗都夾到。



BTW，點解咁肯定係條長電話線嘅『牆身個頭壞左』有問題？

C_Law

都不一定要專用鉗(但平價鉗其實都不貴)，但你要……

首先要睇得明個透明插頭的結構、有鎚仔以及有枝夠薄身的一字螺絲批。

將電話線開一截外皮，將條線芯(無需開皮)插入電話插頭，線芯要插到去有鐵片一邊的盡頭，而開外皮長度就要當線芯插到盡，仍然有外皮係插頭入線口一邊的膠扣位置，開幾多外皮、線花插入的次序同位置，可以參巧舊線原本個插頭。

搵兩疊書，中間漏空一條罅，插頭耳仔向下放上去，耳仔藏係書罅，用薄身一字螺絲批+鎚仔將每條鐵片打入去。最後打埋插頭尾個膠扣入去咬住條線外皮。

以前試過叫起手要整但又無鉗在手，RJ11 同 RJ45 頭都試過這樣整。

C_Law

BTW，樓主為何判斷係條線的插頭出問題？

牆身個座有事都一樣會出這種問題，甚至由外面入屋的一截線有事都可以。

N 年前，電話線入屋的寬頻年代(3M D/L、640k U/L)，本來寬頻用開好地地，但忽然經常用用下斷線，甚至連不到線，有時連講電話都明顯沙沙聲。叫過好多次師父來睇都搞不掂，維持了幾年，直到最後有個好好心機的師父，由我屋企門口跟住條電話線一直向源頭睇，終於係樓梯轉角位發現去我屋企條電話線曾經被剪斷然後又好求其的用電線膠紙包住駁返埋。斷估有鄰居裝修拉線時剪錯線又無出聲，求其駁返就算。

師父拆開膠紙用打豆重新幫我駁返條線，從此就無再出問題，一直好地地用到我後來轉用其他不是用電話線入屋的寬頻。

Kin_2012

之前電話沙沙聲搖幾搖都ok，但最終都無聲，因條線要拉好長，如果無線鉗係咪無計換到？

淘寶買條15米都75人 ...
kowloonking1973 發表於 2025-9-27 15:24

BS6312 同 RJ11 的 插同鉗都有

不過無用家居電話好多年，都係放係道，而家差唔多得番公司先會用固網電話。

kowloonking1973

thx 咁多位，最終係淘找到間25米賣 22人仔， 比之前果幾間平好多，呢個價我接受到，之前幾間太貴真係淘唔落手。


BTW，樓主為何判斷係條線的插頭出問題？

因我重有條短電話線插過係得，本身長果條應撞過幾次最終無聲