無人講支付寶HK app既？

antonyhk

早兩日睇到剛推出有優惠，簽3次$20回贈$50, 剛試完付款過程都好快，由掃QR code到出單5秒內搞掂，比Apple/Android Pay都快！又唔洗要手機有nfc, 真方便！

zsr

用餘額找數確是很快，不過用信用卡就……

antonyhk

回復 2 #zsr

我係用信用卡喎！

zsr

唔~~~ 感覺上用餘額畀錢速度上只係慢八達通少少, 而用信用卡就時快時慢, 有時甚至唔得! 估計用信用卡時個系統係有不同考量, 簡單講就是根據賬戶種類和交易金額而決定用online或offline mode, 用online mode要即時將條交易轉去信用卡系統做確認, 一來一回都要幾秒, 不可能快的!

講開畀錢, 早前去超市買野, 同收銀大姐講話用支付寶, 佢先呆一呆未及反應, 我已經將個QR code隊落個scanner度, 跟住好快就有收據印出來! 阿姐驚訝話佢都冇撳掣咁就收左錢喇, 滿臉狐疑咁目送我飄然而去! 哈哈

josew

速度分別應該同 啲8達通同信用咭嘅分別，不同信用咭有自己唔同嘅 gateway 同 settings, 速度同反應應該會慢啲。

via HKEPC Reader for Android

penthlon

唔~~~ 感覺上用餘額畀錢速度上只係慢八達通少少, 而用信用卡就時快時慢, 有時甚至唔得! 估計用信用卡時個系 ...
zsr 發表於 2017-5-28 10:06

Ching都幾熟支付寶運作，超市收八達通或信用卡都要按掣，唔怪得個阿姐會驚訝

penthlon

速度分別應該同 啲8達通同信用咭嘅分別，不同信用咭有自己唔同嘅 gateway 同 settings, 速度同反應應該會慢 ...
josew 發表於 2017-5-28 11:04

但你又唔可以唔佩服八達通自動增值果下零delay，唔會stuck咗喺信用卡gateway，
當然呢個其實係近似預先授權自動轉賬，一定會快。
其他payment method要快，離唔開一係預付，一係online transaction要快。