[開箱] Grell Audio TWS/1 DROP Edition 真無線藍牙耳機 $199

hk133

見到有幾間網店先後以呢個價錢清貨，
網上評價好壞參半，
不過 hardware 睇落都唔差，又有 ANC 又有 AptX adaptive。

———————

買完之後再搵下網上評價，就聽到直升機引擎聲啦⋯⋯
不過 $199 啫，萬一真係唔掂就當跌咗錢。
不得不提送貨好快，由落單到收貨都只係一日時間。（凌晨落單，次日下午送到）

（以下全部圖片，點擊圖片即可查看原圖）







包裝完全冇 $998 （原價）嘅 feel，原色紙皮盒包裝，我第一刻諗起 $100 有找嘅 QCY⋯⋯曾經都係用原色紙皮盒（快遞包裝盒 feel），依家亦已經用返彩盒包裝。
不過本身呢件耳機係 Drop 合作產品，包裝咁環保 & 簡約都係可以接受嘅。




隨包裹附帶嘅一大疊嘢，一開始我以為係收納袋。
懷抱住興奮嘅心情打開快遞包裝袋，我得到嘅係四張宣傳單張，以及五張大貼紙 + 一張細貼紙。
貼紙係 e乜t 所代理嘅各種品牌嘅 logo，以及代理自家吉祥物。
冇一張係同 grell 有關，不過都好過冇。
而且仲有 AK、CA、ag 等等大牌子嘅 logo，等我呢啲未買過大牌子嘢嘅人嘅虛榮心得到滿足。
有 logo 貼紙 = 買咗，我可以曬命了。（x




打開盒之後第一眼係見到 quick start guide。
呢款產品極度適合各位 CHing 用嚟培養詳細閱讀說明書嘅習慣，一款好產品就係要寓教於樂。










大家可以試下閱讀以上圖片，參透下個耳機嘅操作方式先。
由於時間關係我就唔仔細介紹。

關於降噪功能，佢有 ANC 同 NAR 兩種模式。
ANC 就係一般嘅主動降噪，NAR 就係喺主動降噪之外，再額外壓低高頻噪音嘅音量。




睇完說明書、鑽研過耳機用法之後，安全資訊就可以 skip 啦。
反正來來去去都係嗰啲嘢，有時間不如刨多幾次說明書，記熟啲操作方式好過。




拎走埋本安全資訊之後就見到耳機充電盒，同埋耳機嘅真正型號：
TWS1X。
其實呢副耳機正確嘅叫法應該係 「Drop + grell TWS1X」，而且應該係 Drop 專售嘅版本。
點解唔賣原版而係賣 DROP Edition，代理網站冇寫，其他地方都唔見有講，
如果有 CHing 知道原因，歡迎留言告知。



然後耳機嘅配件，就係用一個薄紙片折成，類似利是封嘅紙兜裝住。
非常環保、非常簡陋⋯⋯我嘅意思係，簡約，都係差唔多啫。（笑）




充電線係 USB-A to USB-C，做工唔錯。




耳機附帶三種不同尺寸耳膠（M碼已經預先裝咗落耳機度），兩個海綿套（一大一小），以及運動型耳翼。






充電盒盒蓋及盒身都係金屬外殼，盒底部分係塑膠。
前方一條直條嘅係電量指示燈。




盒底標示產品參數。
盒底嘅型號標示係 drop+grell TWS/1，請問在座仲有冇第四種叫法？




充電盒後方係 USB-C 充電接口。




打開充電盒就見到耳機本體。
耳機本體呢一刻睇落個樣唔錯，正面幾型。






充電盒耳機倉內用於協助耳機吸附定位嘅磁石直接裸露在外，
但即使係咁，磁石吸力都唔算大，有時候擺放耳機位置有啲偏差，依然需要手動調整返，磁石幫助不大。




呢個角度睇，耳機本體個樣依然似乎唔錯，但係換個角度就差好遠。




前方有碩大嘅觸控板凸出，後方就另外有一舊電池+耳機動圈單元部件，設計上有割裂感，略嫌唔夠美觀。
尾部凸出一支棍嘅係收音咪，呢個部分採用金屬外殼，質感唔錯，
但除此以外嘅外殼部分都係膠殼，質感不過不失，做工就一般。




呢個角度睇就更加覺得觸控板係另外凸咗一舊嘢出嚟。
順帶一提頂部都有收音咪，應該係用於降噪。




到手充電盒係完全冇電，最好充滿電一次先開始使用耳機。

音質我覺得對得住原價 $998，配合 SoundID app 仲可以調節音效，
可惜嘅係個 app 並不可以用嚟開啟/關閉降噪、通透模式等功能，
但你可以喺 app 度查閱返耳機功能嘅操作方式。

ANC 降噪功能亦都相當不錯，雖然不能夠自己調較降噪程度，
降噪效果適合市區吵雜環境。

而且更重要係信號連接穩定性良好，完全係將我上次測試嘅 sudio 按在地上反覆摩擦，
於市區測試過程中未曾出現斷線情況。完全冇。
特登走去接近電子產品鋪頭展示嘅藍牙喇叭、藍牙智能手錶，冇事。
入地鐵同一大堆人迫，都冇事。仲係手機放喺褲袋嘅情況，
之前 sudio N2 Pro 我拎住部手機舉到胸口位置都頂唔住斷線，grell 放褲袋都頂得住。
不過又係，今時今日好難搵到連接穩定性差得過 sudio N2 Pro 嘅真無線耳機，攞 sudio 嚟比實在不能作準。

畢竟 grell TWS/1 係採用 qualcomm QCC5141 呢粒旗艦級藍牙 5.2 芯片，
$1000 以內大多數真無線耳機都係用 QCC3xxx 系列甚至其他細廠嘅平價藍牙芯片，
如果天線設計冇經過特別改良，信號穩定性好難打得贏佢，旗艦級唔係講笑。

penguinsam

見到有幾間網店先後以呢個價錢清貨，
網上評價好壞參半，
不過 hardware 睇落都唔差，又有 ANC 又有 AptX a ...
hk133 發表於 2023-10-16 13:25

想買好耐, 多謝師兄告知優惠, 好彩仲執到對

jy226hk

呢對野我先前都有留意,見$199都唔聽聲直接9衝

hk133

呢對野我先前都有留意,見$199都唔聽聲直接9衝
jy226hk 發表於 2023-10-17 02:46

    $199 唔係陳列品又有 ANC 又支援 AptX，好難忍手唔買。

hk133

我其實今日收到貨，已經喺度用緊，不過本來預定係 Austrian Audio Hi-X65 開箱出先，所以……最後都係決定兩個聽日一齊出。

順便講下，我頭先仲喺度試緊 TWS/1，試試下左耳突然無聲，而且觸控冇反應。我有一刻猶疑緊係咪左耳咁快壞咗，電量顯示係 41% 喎，而且照道理通常藍牙耳機就快冇電唔係會有提示聲咩？

然後我嘗試關閉再開啟手機藍牙，重新連接之後，剩返有聲嘅右耳，手機顯示佢嘅電量，同我今晚通宵寫完開箱文嘅機會一樣，係零。（0%）

有圖有真相：（點擊圖片查看原圖）



好，係我唔啱，啱啱開箱完，充電五分鐘都冇，見到連接手機之後，耳機電量顯示 6x% 就攞嚟用咗成三個鐘，咁都仲有電其實先奇。

jy226hk

我其實今日收到貨，已經喺度用緊，不過本來預定係 Austrian Audio Hi-X65 開箱出先，所以……最後都係決定 ...
hk133 發表於 2023-10-18 00:45

   我都係尋晚SF櫃收,一開盒係完全無電,我充滿先試機,無你以上問題, 不過我FEEL到隻耳機同充電盒吸得唔係好實, 最好用手按實佢先合埋蓋.

一開聲即嚇親, 好似好差咁, 用SOUND ID 整一整好似好小小, 但個APP廢廢地, 成日CONNECT唔到隻耳機, 想UPDATE FIRMWARE 又HOLD左好耐都無反應, KEEP住研究中

hk133

我都係尋晚SF櫃收,一開盒係完全無電,我充滿先試機,無你以上問題, 不過我FEEL到隻耳機同充電盒吸得唔 ...
jy226hk 發表於 2023-10-18 03:30

    我又唔覺聲差，會唔會係耳膠 size 唔啱？
    update firmware 資料唔多，我都未搞清楚佢係要點樣 update、仲有冇 update。

    19:01 update：終於研究到 update firmware 嘅方法，
    原來要完成 app 初次設定之後，撳 介面下方“device” — 右上角耳機圖案 — 右上角“add” — 搜索 Drop TWS1X — 點擊 Drop TWS1X — 正確選擇目前模式（有冇開啟降噪）之後，等待 app 連接耳機。

    連接成功之後，app 就會提示耳機有更新（如果未更新過）。

摩囉星

尋晚訂左隻等收貨中，但睇落好似伏伏地

hk133

SoundID Android app 好廢，整咗好耐都 update 唔到，一路顯示 initiating，個 app 間中仲會閃退……

轉用 iOS app 試兩次就更新到，而且 iOS app 醒好多，一開始就問你係咪連接佢哋合作嘅耳機，唔使自己慢慢搵。

jy226hk

我又唔覺聲差，會唔會係耳膠 size 唔啱？
    update firmware 資料唔多，我都未搞清楚佢係要點樣 u ...
hk133 發表於 2023-10-18 16:33

  唔知師兄你用iphone定android, 我係用android, 我在PLAY STORE download最新version反而用唔到,
要上網自己搵對上一個VERSION 4.4.37, 先解決到連線同更新問題.

我有小小明白點解呢隻野咁災情, 因為你要SET好多野先發揮到隻耳機, 正常人去街鋪試聽, 一上耳得就得唔得就走啦, 點會咁有心機裝埋APP慢慢試