半夜印印下唔印....見鬼問題

Super169

人黑真係乜都可以發生, 最近又有怪問題.....印印下唔出膠.

我成日都係半夜開機, 第二日收貨既, 最近試過幾次, 第二朝起身, 件野只係印左 20% 左右.
初時以為又窒頭或者卡膠, 點知睇下卷膠無問題, 即時試下 load 膠, 又無問題.  再印過, 都無問題.
但係, 就試左幾次, 半夜印印下唔印, 由於係半夜發生, 唔知佢係中途停左, 定係唔出膠照印.
尋晚又係咁, 家陣乜都無攪過, 清空左個半台比佢, 再印又好正常.
平時我都有印既, 但係又偏偏未試過我坐隔離果陣出事, 偏偏係半夜我訓左至出事.  睇住佢又唔出事.

會唔會係連續印太耐就出事呢?  但係之前我一件野廿幾粒鐘都試過無事的, 家陣呢 D都只係幾粒鐘貨仔.  而且最奇係再印完全無事得.

唔知大家有無類似既經歷, 可唔可以估到發生乜事.    唔通真係半夜撞鬼...嘈得濟比佢停左我.

perthchan

有偵探的味道
20%係指佢打完之後復位還是FREEZE左係度?

Super169

佢係印完歸哂位的，不過件野只係印左 20%左右。

gorto

得閒拜下神

dtom

駁線印定係 SD 印?
會唔會係村屋電壓唔穩?  跳一跳 reset 左部 3dp?

Super169

駁線印定係 SD 印?
會唔會係村屋電壓唔穩?  跳一跳 reset 左部 3dp?
dtom 發表於 2014-4-18 15:13

我一直都係用 SD 印的, 唔係村屋, 電壓應該穩定.  而且, 佢係好似完全印哂個頭係番左去, 平台亦下降到最低.
如果係跳電既, 應該係唔會歸位的.  感覺上佢係覺得自己印好哂.   

最邪係我平日都印唔少野, 我坐隔離佢又無事, 如果唔係可以容易知乜事.
好多時諗住開住部機第朝有野收, 點知一起身見到佢停左, 都幾無癮.
好在, 只要清好平台, 再印過又會得番.  咁至比佢吹漲.  無理由唔利用埋半夜印野架.....

KSC

PLA?如果係，請試再低溫一D，可能有個位停得比較多，D 膠熱完硬o左出唔到。

Super169

ABS, 全部 default 235.  
日日都係咁印, 但就只有半夜試過三四次無端端停左.

Super169

今日由早到晚, 印足一日, 總算無白費.....終於見到隻鬼了.....

下載 (147.8 KB)

2014-4-18 23:08

睇黎閃豬跟機果隻 2GB 既 SD, 都係時候收工了......

可能平時一見出事就無睇畫面, 又或者佢會 timeout 都唔定....不過, 總算捉到隻鬼了.
但係唔知點解, 又印番同一個 file 又無事, 會唔會係開得太耐, 突然 read 唔到呢?
話說張 card 今日都 read 足一日了.......

gorto

試下重新 format 一次張卡，不過宜家啲卡咁平，買過張都唔使幾多錢，唔知部機 support 最大係幾多 G，怕買太大佢讀唔到，2G 卡都幾難揾。