YOASOBI Live in Singapore

ronald

前言:

上次想衝台灣但連車尾燈都未見過, 見到新加坡確定了資訊就一試無妨.
雖然叫一試無妨, 但其實應該係all or nothing策略:

台灣場我只要有飛就得, 不論坐/企邊度; 但是如果新加坡唔買最貴的CAT 1根本就對唔住咁貴的機票和幾個鐘機程, 而且CAT 1有特典, 比台灣吸引.

因為上次新加坡大洗了, 所以今次慳錢試試廉航; 又因為擔心"機組調動", 所以再提早一日出發, 寧願多一日在新加坡逛, 反正咁耐以來我在新加坡根本逛得不多, 只有抵步嗰日拎完飛行遠少少食飯睇景點, 或者最後一日行一兩個景點就算. 最遠一次就係去睇動物朋友和雀鳥朋友.

ronald

2024年1月9日 (晴)

過咗咁多年, 我終於可以獨當一面不靠父幹, 個lounge除了可以用Priority Pass, 還接受白金JCB的LoungeKey計劃.
日本/夏威夷以外的lounge每年可用2次, 日本/夏威夷就可用6次.

因為冇買飛機餐, 所以在lounge食飽佢.
火腿芝士冷盤, 乳酪, 中式點心


QR落單的Sapphire Breakfast Sandwich (煙肉炒蛋刈包), 雜菌火腿多士, 潮州粉粿. 上次只係食菠菜班尼廸蛋, 未食過火腿班尼廸蛋, 今次想食但係冇供應


雞尾酒免費, 獅子山下體現香港精神


360 Cable Car, 比獅子山更烈, 獅子山飲落似果汁


諗住廉航登機位唔好, 有咁早得咁早入, 有咁快食咁快. 但是之後一望大電視知道登機閘超近就可以慢慢歎.

ronald

1月9日

落機係T1, 貼住星耀樟宜, 好耐冇見過個vortex. 上一次係2019年夾到時間行埋Apple Store Photo Walk.



睇完vortex就即走, 要趕過去酒店.
今次個策略同澳門睇GARNiDELiA一樣, book對面的酒店, 比聖淘沙平勁多. 酒店在直落布蘭雅站和港灣站中間, 直落布蘭雅站行過去會短D.


行去酒店途中會見到Henderson Road, 後話


差不多到酒店時見到有巴士站, 睇完個站頭原來呢個站的所有巴士都會到港灣地鐵站配合轉乘. 睇嚟呢幾日要學習巴鐵配合.

ronald

1月9日

我揀呢邊的酒店除了比海港嗰邊平, 呢度近Henderson Waves.
在AFA 2020 Online, Reiko帶KANAME☆經Google地圖行新加坡景點, 其中一個就是呢度.
不只這樣, 連新航的飛行安全示範都有取景, 好想知道在咁高的地方望出去係點.

順住酒店後面車路行上山, 左面就會見到呢個


Henderson Waves入口, 屬於整個花柏山公園的一部份

ronald

1月9日

上到去好當風, 不會太熱, 不過較多落葉冇掃乾淨, 唔似條片咁靚.


望向紅山


望海


睇完就落山搵食, 好彩山腳就係直落布蘭雅組屋群, 有組屋就一定有熟食中心.
揀了呢味油條印尼囉惹加魷魚, 有伏.
首先囉惹有分印度和印尼風, 印度囉惹似潮州五香蝦餅, 把炸物剪細翻炸, 加小量沙律菜再沾汁食.
印尼囉惹就係生果沙律, 有甜豉油, 椰糖, 蝦醬, 香茅, 青檸, 花生調味. 正如節目Food Detectives / Food Files所言, 咁樣嘅生果沙律容易變壞, 令人肚痾, 就好似膽粗粗去挑戰印度街頭小食, 尤其是奶類製品.
所以我才揀油條而不是生果.

我講的伏係指上面加的魷魚乾. 個細囉惹係S$4, 因為唔夠候再加S$2魷魚, 然後嗰兩蚊魷魚只係得咁大把, 與餐牌不符.

食完嘢當然行吓超級市場, 士多辦館, 始終要"再"拜會一下"我推的牌子". 本來是想去台灣睇萬潔靈, 但結果係先去新加坡, 去年AFA時已經見過.

ronald

1月9日

個天開始黑, 又想行多次Henderson Waves. 本來計劃係今日行夜景, 明日行日景, 但係因為新加坡好夜才天黑, 剛才嗰D相都係6點幾7點, 都仲未天黑,
咁就不如而家行埋明日唔使行.

ronald

2024年1月10日 (雨)

晨咁早出門口就係想去番中峇魯市場食番個不見天叉燒麵.
因為落雨所以搭巴士轉地鐵, 如果好天就會行路去港灣站, 後話.
落雨就影唔多, 想睇中峇魯市場外圍係點就睇番2017年的相.
2019年都有去過中峇魯, 不過不見天叉燒賣哂, 明明2017年午市都仲有得賣, 2019年10點左右就冇



對比番2017年的麵, 物價脹得很兇, 份量好似少了, 而且由6蚊加到8蚊.


食完就停雨了, 就去丹戎巴葛搵番嗰間米芝蓮推介, 而且上過無數節目的海南咖哩角. 但係去到竟然冇開

ronald

1月10日 (晴)

食唔到咖哩角就馬上趕巴士回南部, 然後一路向西去到虎豹別墅.
年幼時在香港嗰個都冇哂印象, 而且而家要申請導賞, 所以借呢個機會去虎豹別墅, 如果係去AFA住中部就未必有咁多時間行.





"十八層地獄"的十殿閻羅, 入場費要S$18, 夠我食幾餐好嘅. 我都係行萬金油花園算了.

ronald

1月10日 (晴)

萬金油花園當然要show主角, 但係相撲手就...


外江佬賣武


無端端有自由神像


福祿壽. 後面個大碑是父親胡子欽, 在下面的資料卡才知道胡文虎和胡文豹還有一個早夭的哥哥胡文龍.


傳承之池, 睇唔出個池的形狀係個"胡"字


萬金油花園實在太多雕塑不能盡錄.

ronald

1月10日

行完虎豹別墅其實可以回酒店, 不過浪費車錢, 咁就繼續西行去到緯壹.
虎豹別墅站月台



出到去有少少伏, 一上到地面就好像科學園咁有一系列辦公室又撞正放飯, 大把人出嚟食飯.
不過我的目標係熟食中心timbre+, 以前在某澳洲節目見過, 個設計好特別, 而且夜晚會有live.



D嘢都唔算好平, 搵咗個彼得包餐, 份量細咗D, 其實寧願食日式咖哩飯或印度炒飯, 不過個彼得包有嘢飲才叫.